B. ti abia 2:3 - Mbeti ti Nzapa - Tënë so amu fini

³ Tongana keke ti pome na popo ti akeke ti gbako, kamba ti be ti mbi ayeke tongaso na popo ti amaseka-koli. Mbi ye ti duti na gbe ti de ti lo; le ti keke ti lo anzere nzerengo na yanga ti mbi.

B. ti abia 2:3 ပူးပေါင်းရင်းမြစ်များ

Abia (Psaumes) 45:2

Be ti mbi asi singo na anzoni tënë ti tenengo ni; mbi yeke he nzoni bia ti mbi na gbia. Ayeke nzoni yanga ti mbi ayapu na bia ni tongana keke ti mbeti ti zo so ahinga ti su mbeti nzoni.

Abia (Psaumes) 45:3

Mo yeke pendere mo hon akoli kue, mo yeke tene tënë pendere mingi. Ndani laa Nzapa asara tufa na ndö ti mo kpu na kpu.

Abia (Psaumes) 57:1

Bia so ayeke ndali ti makonzi-bia. A he ni na go ti bia so iri ni: “Mo buba ye pepe.” Sambela ti ya ti be ti David. Lo he ni na ndembe so Saul atumba peko ti lo si lo kpe, lo honde tere ti lo na ya ti du ti têne.

Abia (Psaumes) 89:6

KOTA GBIA, aye so ayeke na yayu ayeke sepela mo ndali ti aye ti kpene ti mo! Bongbi ti *a-ange ayeke sepela mo ndali ti batango tënë ti yanga ti mo so mo yeke bata.

Abia (Psaumes) 91:1

Zo so ahonde tere ti lo na gbe ti Nzapa so ayeke na yayu kâ na ndö ti aye kue, zo ni ayeke duti na siriri na gbe ti lo so ngangu ti lo ahon angangu kue.

B. ti abia 1:16

Kamba ti be ti mbi, mo pendere mingi, mo pendere ahon ndoni! Fini pere laa ayeke gbogbo ti e.

B. ti abia 2:5

Ala mu na mbi agatoo ti ale ti vinye, ala mu na mbi anzerengo le ti keke, mbi te si amu na mbi ngangu, ngbanga ti so yengo so mbi ye mo so asara mbi kobela.

B. ti abia 4:13

Mo yeke tongana yaka ti *paradi so ade pendere mingi. Anzoni lengo ti keke ayeke daa; akongo so afun nzoni mingi nga na yombo ti nare;

B. ti abia 4:16

Mo pupu ti Banga, mo londo! Mo pupu ti Mbongo, mo ga hio si! Ala ya na ndö ti yaka ti mbi si fion ti yaka ni afun amu ndo kue. Mo kamba ti be ti mbi, ga, mo li na ya ti yaka ti mo, mo te anzoni lengo ti yaka ni.

B. ti abia 5:16

Tongana lo su yanga ti mbi, anzere nzerengo, tere ti lo kue laa mbi ye ni. Ala amolenge-wali ti Jérusalem, baa kamba ti be ti mbi laa, koli so mbi ye lo mingi so laa.

B. ti abia 7:13

Na kota ndaperere, fade e yeke gue na ayaka ti vinye ti baa wala afini maboko asigigi na tere ti keke ni awe, ti baa wala akete kete kugbe asigigi daa, wala akeke ti grenade amu kongo awe. Kâ, fade mbi yeke sara ngia na tere ti mo.

B. ti abia 8:11

Salomon ayeke na mbeni yaka ti vinye na Baal-Hamon; lo zia yaka ni na maboko ti azo ti batango ni. Fade zo oko oko ayeke mu ale ti nginza saki oko ndali ti le ti vinye ni.

B. ti abia 8:12

Salomon, mo lingbi ti bata ale ti nginza saki oko so senge; mo mu ale ti nginza ngbangbo use na azo ti batango vinye ti mo. Yaka ti vinye ti mbi, mbi wani, mbi yeke bata ni.

B. ti abia 8:5

Wali wa laa alondo na benyama si ayeke ga, lo gbu kamba ti be ti lo na tere ti lo so? Mbi zingo mo na gbe ti keke ti pome, ndo so mama ti mo amu ngo ti mo daa, ndo so mama ti mo adu mo daa.

Ésaïe 25:4

Biani, mo yeke ndo so azo so ayeke na ngangu pepe ayeke kpe daa ti bata tere ti ala, mo yeke ndo ti batango tere ti awayere so ye ti ngangu asi na ala. Mo yeke tongana gbefa ti bata zo ndali ti ngu-Nzapa, gbe ti de ti bata zo ndali ti ndo-wâ. Biani, pupu ti yanga ti azo ti sarango ngangu na zo ayeke tongana ngangu pupu ti ngu-Nzapa so apika tere ti da,

Ésaïe 32:2

Ala oko oko ayeke duti tongana mbeni gbefa so zo ayeke bata tere ti lo daa ndali ti pupu, tongana ndo so zo ayeke kpe ti honde tere ti lo daa ndali ti ngu-Nzapa, tongana ngu so ayeke sua na ndö ti holengo sese, tongana gbe ti de ti kota têne na kodro so ngu ayeke daa pepe.

Ésaïe 4:2

Na lango ni so, fade *KOTA GBIA ayeke sara titene mbeni kete keke asigigi pendere si aga ye ti gonda. Ye so kodro ni ayeke le ayeke ga ye ti nengo ndali ti azo ti Israel so angba na fini nga na ye ti mungo gonda na ala.

Ésaïe 4:6

Gonda ni ayeke ga tongana li ti da ti mu de na azo na ngoi ti ndo-wâ na kota lâ; ayeke ga tongana ndo ti batango tere na ndo ti hondengo tere ndali ti kota pupu nga na ngu-Nzapa.

Ezekiel 47:12

Na yanga ti ngu ni mbage na mbage, mara ti akeke nde nde so a yeke te ale ni asigigi daa. Akugbe ni ayeke hole pepe; alengo ni ayeke hunzi na ndö ti amaboko ti keke ni pepe. Na ya ti nze oko oko, akeke ni ayeke le afini lengo, ngbanga ti so ala wara ngu so alondo na da so ayeke nde si ayeke nzoni kue. Ale ti keke ni ayeke ti tengo ni si akugbe ni ayeke ti kaingo na kobela.”

Joël 1:12

Akeke ti vinye ahole awe, akeke ti fige akui awe; keke ti grenade, keke ti mburu na keke ti pome, akeke ti yaka kue ahole awe. Ngia ahunzi awe na popo ti azo.

Ahebro 12:2

Le ti e angba na ndö ti Jésus. Lo laa lo zi lege ti mabe na e si lo sara titene e ngba na lege ti mabe ni ngbii asi na ndani. Lo yeda si azo afâ lo na ndö ti keke ti kroa, lo sara kamene ti kuâ so lo kui na ndö ti keke ti kroa pepe. Lo yeda ndali ti so lo hinga kozoni so fade lo yeke duti na ngia. Fadeso, lo yeke duti na tere ti mbata ti Gbia Nzapa, na mbage ti maboko ti lo ti koli.

Awafango-ngbanga 9:15

Keke ti ki akiri tënë: ‘Tongana ala ye biani ti soro mbi titene mbi ga gbia ti ala, ayeke nzoni ala ga aduti na gbe ti de ti mbi. Tongaso pepe, fade wâ ayeke sigigi na ya ti mbi ti gbi akeke ti sedre ti Liban kue.’ ”