B. ti abia 1:3 - Mbeti ti Nzapa - Tënë so amu fini

³ afun pendere ahon ayombo ti mo. Iri ti mo ayeke yombo so afun amu ndo kue, ndani laa amaseka-wali aye mo mingi so.

B. ti abia 1:3 ပူးပေါင်းရင်းမြစ်များ

Abia (Psaumes) 133:2

Ye ni ayeke tongana mafuta so afun yombo so a tuku na li ti Aaron si ayeke yuru ti gue na kua ti yanga ti lo, ti gue na go ti bongo ti lo.

Abia (Psaumes) 45:14

Molenge-wali ti gbia ayeke li na ya ti da; nengo ti wali ti gbia, lo yu apendere bongo so a zia lôro na tere ni.

Sigingo 33:12

Moïse atene na KOTA GBIA: “KOTA GBIA, ma si! Mo wani laa mo tene na mbi, mo tene: ‘Mo mu azo so mo gue na ala’. Me mo fa na mbi zo so alingbi ti mu maboko na mbi pepe. Lani mo laa mo tene na mbi, mo tene: ‘Mbi hinga mo na iri ti mo’; mo tene nga: ‘Mbi yeke baa mo na nzoni le.’

Sigingo 33:19

KOTA GBIA akiri tënë: “Mbi yeke hon na dawa ti mo titene mo baa nzoni be ti mbi kue si mbi yeke di iri ti mbi so ayeke ‘KOTA GBIA’ na mo. Fade mbi yeke sara nzoni be na zo so mbi ye ti sara nzoni be na lo, mbi yeke baa mawa ti zo so mbi ye ti baa mawa ti lo.”

Amato 27:9

Mafuta na yombo ayeke zia ngia na be ti zo; me zo so aye mo si be ti lo awoko na mo, so laa ayeke nzoni ahon wango so mo mu na mo wani.

Zo ti bongbingo azo 7:1

Titene iri ti zo awu nzoni, so ayeke nzoni ahon yombo ti ngangu ngere; lango ti kuâ ti zo ayeke nzoni ahon lango ti dungo lo.

B. ti abia 3:6

Zo wa laa alondo na benyama si lo yeke ga tongana ngbongboro guru so? Zo wa laa asara na tere ti lo yombo ti *mire, ti dukani nga na ayombo ti azo ti dengo buze ti kodro wande so?

B. ti abia 4:10

Ita ti mbi ti wali, mo so mo yeke ga wali ti mbi so, yengo so mo ye na mbi ayeke nzoni mingi, yengo so mo ye na mbi ayeke nzoni ahon vin. Fungo ti yombo ti mo afun nzoni ahon fungo ti ayombo kue.

B. ti abia 5:13

Ngbangba ti lo ayeke tongana yaka ti yombo, yaka so a lu apere so ayeke fun nzoni daa. Poro ti yanga ti lo ayeke tongana apendere kongo so *mire ayeke sigigi daa.

B. ti abia 5:5

Mbi londo ti zi yanga ti da ni na lo. Mire asi singo na maboko ti mbi, yombo ti mire ayeke yuru na ali ti maboko ti mbi, na ndö ti angbongboro wen ti yanga ti da ni.

B. ti abia 6:8

Gbia alingbi ti duti na awali baleomene, andeko balemiombe nga na amaseka-wali gbani gbani.

Ésaïe 61:3

Ala yeke na mua ndali ti *Sion, me Nzapa atokua mbi ti zia na li ti ala ye ti pendere na plase ti mburu ti wâ; ti kpaka na tere ti ala mafuta so afa ngia ti ala, me afa mua pepe; ti yu na ala bongo ti matanga na plase ti be so awoko. Tongaso, a yeke haka ala na akeke so afa mbirimbiri ti Nzapa, a yeke haka ala na yaka so afa gonda ti KOTA GBIA.

Matthieu 25:1

“Tongaso tënë ti *Kodro-gbia ti yayu ayeke duti ande tongana tënë ti amaseka-wali baleoko so amu alamba ti ala si ala sigigi ti gue na lege ti koli so ague ti mu wali na fini ni.

Jean 12:3

Na pekoni, Marie amu ngbenda ti yombo so a sara ni na ngu ti mbeni kete keke so iri ni nare ti nzoni ni, so ngere ni ayeke ngangu mingi. Lo tuku yombo ni na ndö ti gere ti Jésus si lo mbo ni na kua ti li ti lo. Fion ti yombo ni amu ya ti da ni kue.

2 Korente 11:2

Mbi ye ala mingi, nilaa mbi yeke sara mbanda ti ala; yengo so mbi ye na ala so alondo na Nzapa. Biani, ala yeke tongana maseka-wali so ade ti hinga koli pepe; mbi mu zendo ti mu ala gi na koli oko, koli ni ayeke Christ.

Filipe 4:18

Na ndembe so, mbi wara aye so alingbi na mbi awe; mbi kiri mbi wara ahon ndoni. Mbi yeke na ye mingi na peko ti so Epafrodite aga na aye so ala tokua na mbi so. Aye so ala tokua so ayeke tongana yombo so afun nzoni, ayeke nga tongana *sandaga so Nzapa aye tënë ni si anzere na be ti lo.

Aye so Nzapa afa 14:4

Azo ni so abuba tere ti ala pepe na lege ti bongbingo na awali. Ala yeke mu peko ti Molenge ti Taba na ndo so kue lo yeke gue daa. Nzapa asoo ala na popo ti amba ti ala, azo si ala ga tongana akozo nzoni ye so a mu na lo nga na Molenge ti Taba.