B. ti abia 1:2 - Mbeti ti Nzapa - Tënë so amu fini

² Su yanga ti mbi, su yanga ti mbi ma! Yengo so mo ye na mbi anzere ahon vin,

B. ti abia 1:2 ပူးပေါင်းရင်းမြစ်များ

Tongo nda ti aye 29:11

Na pekoni, Jacob asu ngbangba ti Rachel si lo toto.

Tongo nda ti aye 45:15

Lo su ngbangba ti a-ita ti lo kue si lo toto na tere ti ala. Na pekoni, a-ita ti lo atene tënë na lo.

Abia (Psaumes) 2:12

Ala kuku ti voro molenge ti lo si lo sara ngonzo pepe. Tongana lo sara ngonzo, fade ala kui na lege ti sarango ye ti ala so. Biani, gi kete ye, ngonzo ti lo alondo tongana wâ. Ti ala nzoni, azo so kue akpe na lo ti bata tere ti ala.

Abia (Psaumes) 36:7

Mbirimbiri ti mo ayeke kota mingi ahon akota hoto; fango ngbanga ti mo alinda mingi tongana kota ngu-ingo. KOTA GBIA, mo yeke soo azo na anyama.

B. ti abia 1:4

Gbu maboko ti mbi, e kpe loro. Gbia ti mbi, gue na mbi na ya ti kubu ti mo, e sara si tere ti e anzere, e sara si e duti na ngia ndali ti mo. Ngia so mo sara na tere ti mbi so, e gonda ni ahon vin. Taa-tënë, amaseka-wali aye mo na legeni.

B. ti abia 2:4

Lo mu mbi, lo gue na mbi na ya ti da ti matanga, ye so a su na nduzu na yanga ti da ni ayeke “Mbi ye mo”.

B. ti abia 4:10

Ita ti mbi ti wali, mo so mo yeke ga wali ti mbi so, yengo so mo ye na mbi ayeke nzoni mingi, yengo so mo ye na mbi ayeke nzoni ahon vin. Fungo ti yombo ti mo afun nzoni ahon fungo ti ayombo kue.

B. ti abia 5:16

Tongana lo su yanga ti mbi, anzere nzerengo, tere ti lo kue laa mbi ye ni. Ala amolenge-wali ti Jérusalem, baa kamba ti be ti mbi laa, koli so mbi ye lo mingi so laa.

B. ti abia 7:12

Mo kamba ti be ti mbi, mo ga si! E sigigi, e gue na yaka, e gue, e lango na kete kodro.

B. ti abia 7:6

Li ti mo aluti na nduzu tongana hoto ti Karmel. Kua ti li ti mo ayeke za tongana bengba bongo; tongana mbeni gbia abaa ni, be ti lo kue angba gi daa.

B. ti abia 7:9

Mbi tene: “Fade mbi yeke ko na ndö ti keke ti mburu, mbi yeke ro ale ti mburu ni.” Ayeke nzoni ame ti mo aduti ndali ti mbi tongana gba ti ale ti vinye si fungo ti pupu ti hon ti mo afun pendere tongana anzoni le ti keke.

Ésaïe 25:6

Na ndö ti hoto ti *Sion, *KOTA GBIA so ayeke na ndö ti dunia kue ayeke leke matanga ndali ti azo kue, matanga ti nyama ti mafuta na ti vin ti nzoni ni, ti nyama ti mafuta so awoko pendere na vin so ayeke nzoni mingi.

Matthieu 26:26

So ala yeke te kobe, Jésus amu mapa, lo mu singila na Nzapa; na pekoni lo fâ ya ni, lo mu na adisiple si lo tene: “Ala mu ni ate, so ayeke tere ti mbi.”

Nzoni Tënë so Luc asu na mbeti 15:20

Lo mu lege ti kiri na ndo ti babâ ti lo. “So lo de yongoro na lege, babâ ti lo abaa lo, mawa agbu be ti lo, lo kpe, lo gbu lo na kate ti lo si lo su ngbangba ti lo.

Awatokua 21:7

Na peko ti so e londo na Tir, tanga ti tambula ti e na le ti kota ngu-ingo ahunzi gi na gbata ti Petolemais. Kâ, e bara a-ita si e na ala e sara lango oko.

1 Pierre 5:14

Ala bara tere na popo ti ala na sungo ngbangba na lege ti ndoye ti azo ti Christ. Ala duti na siriri, ala so kue aga oko na Christ!