Awayango-sandaga 9:9 - Mbeti ti Nzapa - Tënë so amu fini

⁹ Amolenge ti lo aga na lo mene ti nyama ni; lo yoro li ti maboko ti lo ya ni si lo sara na tere ti adidi so ayeke na andangoro ti gbalaka ni. Tanga ti mene ni, lo tuku na gere ti gbalaka ni.

Awayango-sandaga 9:9 ပူးပေါင်းရင်းမြစ်များ

Ezekiel 43:15

Na ndö ti a-etaze ni, gbalaka ayeke daa si yongo ni na nduzu ayeke kudee osio. Adidi ayeke na andangoro osio ti gbalaka ni.

Ezekiel 43:20

Mo yeke mu mene ti koli-bagara ni, mo zia na tere ti adidi osio ti gbalaka ni, na tere ti andangoro osio ti use etaze ni nga na tere ti kete dere so angoro use etaze ni. Tongaso, mo yeke sukula *sioni ti gbalaka ni si mo yeke zia ni nde.

Awayango-sandaga 16:18

Aaron ayeke londo kâ, lo gue na mbage ti gbalaka so ayeke na dawa ti KOTA GBIA; lo yeke sara titene a zi *sioni na tere ti gbalaka ni. Na pekoni, lo yeke mu mene ti koli-bagara ni na ti koli-ngasa ni si lo yeke zia na andangoro ti gbalaka ni.

Awayango-sandaga 4:25

Wayango-sandaga ayeke yoro li ti maboko ti lo na ya ti mene ti koli-ngasa ni si lo yeke zia na tere ti adidi ti gbalaka so a yeke ya na ndö ni sandaga so a yeke gbi ni kue na wâ. Na pekoni, lo yeke tuku tanga ti mene ni na gere ti gbalaka ni.

Awayango-sandaga 4:30

Wayango-sandaga ayeke yoro li ti maboko ti lo na ya ti mene ti nyama ni si lo yeke zia na tere ti adidi ti gbalaka so a yeke ya na ndö ni sandaga so a yeke gbi ni kue na wâ. Na pekoni, lo yeke tuku tanga ti mene ni na gere ti gbalaka ni.

Awayango-sandaga 8:15

Moïse afâ go ti koli-bagara ni, lo yoro li ti maboko ti lo na ya ti mene ni si lo sara na tere ti adidi so ayeke na andangoro ti gbalaka titene aga *nzoni. Na pekoni, lo tuku tanga ti mene ni na gere ti gbalaka ni ti zia ni nde ndali ti Nzapa; tongaso si aga ye so Nzapa ayeke mu ti zi na siokpari na li ti azo.

Awayango-sandaga 9:10

Mafuta ti nyama ni, na aronyon ni nga na mafuta so ayeke na tere ti be ni, lo zia na ndö ti gbalaka si lo zö ni kue na wâ, alingbi na yanga so KOTA GBIA amu na Moïse.

Awayango-sandaga 9:12

Aaron afâ go ti koli-taba so a mu na sandaga so a yeke gbi ni kue na wâ. Amolenge ti lo amu na lo mene ni, lo fi na tere ti gbalaka ni, angoro ni kue.

Awayango-sandaga 9:18

Lo fâ go ti koli-bagara na koli-taba so azo aga na ni ti mu na sandaga ti beoko. Amolenge ti lo amu na lo mene ni si lo fi na tere ti gbalaka, angoro ni kue.

Ahebro 2:10

Nzapa asara ye kue, ye kue ayeke ndali ti lo. Lo ye ti mu azo mingi ti li na ala na ya ti gonda ti lo. Biani, alingbi fade lo sara titene Jésus aga nzoni kue na lege ti pasi so lo baa. Andaa Jésus ayeke mu lege na azo titene ala soo kuâ.