Awayango-sandaga 9:3 - Mbeti ti Nzapa - Tënë so amu fini

³ Na pekoni, mo tene na azo ti Israel, mo tene: Ala mu koli-ngasa na sandaga ndali ti zingo siokpari na li ti ala; ala yeke mu nga kete bagara na kete taba ti ngu oko, ala so kue, mbeni mbage ti tere ti ala abuba pepe. Ala yeke mu ala na sandaga so a yeke gbi ni kue na wâ.

Awayango-sandaga 9:3 ပူးပေါင်းရင်းမြစ်များ

Tongo nda ti aye 37:31

Tongaso ala mu mbeni koli-ngasa, ala fâ lo, ala mu bongo ti Joseph, ayoro na ya ti mene ti koli-ngasa ni.

Esdras 10:19

Ala deba yanga ti ala ti tumba awali ti ala; ala deba yanga ti ala nga ti mu koli-taba na *sandaga titene Nzapa azi siokpari ti ala.

Esdras 6:17

Ndali ti matanga ni, ala mu na *sandaga akoli-bagara ngbangbo oko, akoli-taba ngbangbo use, amolenge ti taba ngbangbo osio. Ndali ti sandaga ti zingo siokpari na li ti ala, ala mu akoli-ngasa baleoko na use alingbi na wungo ti amara ti Israel.

Sigingo 12:5

Ala yeke soro kete koli-taba wala kete koli-ngasa ti ngu oko so mbeni mbage ti tere ti lo abuba pepe.

Ésaïe 53:10

Me KOTA GBIA ayeda ti nika lo na lege ti pasi. Zo so lani amu fini ti lo na *sandaga ndali ti azo, KOTA GBIA akiri na lo na kozo ndo ti lo. Fade zo ti kua ti lo ayeke baa *ahale ti lo si lo yeke kiri ti te gigi aninga. Na lege ti lo, KOTA GBIA ayeke sara ye so be ti lo aye.

Awayango-sandaga 10:16

Moïse ahunda tënë ti koli-ngasa so azo ti Israel aga na ni ndali ti sandaga ti zingo siokpari na li ti ala so. Lo ma a tene, a gbi ni na wâ awe. Tongaso, lo sara ngonzo na tere ti Elazar na Itamar, amolenge ti Aaron so angba na fini so. Moïse ahunda ala, atene:

Awayango-sandaga 12:6

“Tongana a sukula lo awe, ataa na peko ti dungo molenge-koli wala molenge-wali, lo yeke gue ti baa wayango-sandaga na yanga ti da ti bongo so Nzapa na azo ti lo ayeke wara tere daa. Lo yeke mu kete taba ti ngu oko ti gue na ni na wayango-sandaga ni titene lo ya na *sandaga so a yeke gbi ni kue na wâ. Lo yeke gue nga na *mbipa oko wala *kolokoto oko ti mu na sandaga ndali ti siokpari ti lo.

Awayango-sandaga 14:10

“Na lango miombe ni, lo yeke mu akete taba use so mbeni mbage ti tere ti ala abuba pepe, kete wali-taba ti ngu oko so mbeni mbage ti tere ti lo abuba pepe, *sandaga ti kilo gumbaya ti farini so a bongbi na mafuta si a gbu ya ni nga na ndambo ti litere ti mafuta.

Awayango-sandaga 16:15

Koli-ngasa so a ga na lo ndali ti zingo siokpari na li ti azo ni, lo yeke fâ go ti lo, lo mu mene ni ti gue na ni na peko ti ridoo so akangbi ya ti da ni. Gi oko ye so lo sara na mene ti koli-bagara ni, ni laa lo yeke sara na mene ti koli-ngasa ni. Lo yeke fi mene ni na tere ti ye ti kangango na yanga ti sanduku ti mbuki ni nga na dawa ti ye ti kangango na yanga ti sanduku ti mbuki ni.

Awayango-sandaga 16:5

Alingbi bongbi ti azo ti Israel amu na lo akoli-ngasa use ndali ti sandaga ti zingo siokpari na li ti ala; ala mu nga na lo koli-taba oko ndali ti sandaga so a yeke gbi ni kue na wâ.

Awayango-sandaga 23:12

Gi na oko lango so ala yeke ya na mbi gba ti le ti kobe ni, ala yeke ya nga na mbi *sandaga so a yeke gbi ni kue na wâ mbeni molenge ti taba ti ngu oko, lo so mbeni mbage ti tere ti lo abuba pepe.

Awayango-sandaga 4:23

Tongana a fa na lo siokpari ti lo ni, alingbi lo mu koli-ngasa so mbeni mbage ti tere ti lo abuba pepe.

Awayango-sandaga 4:3

“Tongana kota wayango-sandaga laa asara siokpari si ndali ti siokpari ti lo tënë aga na li ti azo, alingbi lo ya na KOTA GBIA *sandaga ti koli-bagara so mbeni mbage ti tere ti lo abuba pepe ndali ti zingo siokpari na li ti lo.

Awayango-sandaga 9:2

Lo tene na Aaron: “Mu mbeni kete bagara so mo yeke ya na *sandaga ndali ti zingo siokpari na li ti azo; mo mu nga mbeni koli-taba ti ya na sandaga so a yeke gbi ni kue na wâ. Alingbi anyama ni use kue, mbeni mbage ti tere ti ala abuba pepe. Fade mo yeke ya ala na KOTA GBIA.

Awayango-sandaga 9:4

Ala yeke mu nga mbeni koli-bagara na mbeni koli-taba ndali ti sandaga ti beoko; ala yeke bongbi ni na farini so ala gbu ya ni na mafuta. Biani, laso laa KOTA GBIA ayeke si na ala.”

Rome 8:3

Ndia ti Moïse alingbi ti sara ye so lani pepe, ngbanga ti so aye so atia na ya ti fini ti zo akanga lege na ndia ti sarango ni, me Nzapa asara ni: lo tokua Molenge ti lo wani so amu tere ti zo – tere so ayeke tongana ti zo ti siokpari – titene lo zi azo na ya ti siokpari. Na lege so, Nzapa afâ ngbanga na ndö ti siokpari so ayeke sara kua na ya ti tere ti zo.

2 Korente 5:21

Christ asara siokpari oko pepe, me Nzapa asara si siokpari ti e akiri na li ti lo. Tongaso na lege ti Christ, Nzapa asara si e ga mbirimbiri.

Tite 2:14

Lo ka ando tere ti lo na kuâ ndali ti e, ti zi e na ya ti aye ti sioni kue, ti sukula e si e ga azo ti lo wani, titene e mu ngangu ti e kue ti sara anzoni ye.

1 Pierre 2:24

Christ wani ayo siokpari ti e na ya ti tere ti lo si lo kui na ni na ndö ti keke ti kroa, tongaso si e so e kangbi na siokpari na lege ti kuâ so e kui awe, e duti na fini ti sara ye ti mbirimbiri. Na lege ti aka so lo wara laa tere ti ala aga nzoni.

1 Pierre 3:18

Biani, Christ wani akui fani oko biani biani ndali ti siokpari ti azo; lo so lo yeke mbirimbiri, lo kui ndali ti azo ti kirikiri titene lo gue na ala na le ti Nzapa. Azo afâ gi tere ti lo ti zo, me Nzapa akiri na lo na fini na lege ti Yingo-Vuru.

Aye so Nzapa afa 5:9

Ala yeke he fini bia, atene: “Mo lingbi ti mu mbeti ni ti zi anzoroko ni, ngbanga ti so a fâ mo ando awe. Mo futa ngere ti vongo azo na mene ti mo titene mo vo azo ti akete mara kue na Nzapa, azo ti ayanga ti kodro kue, azo ti akodro kue na azo ti amara kue.