Awayango-sandaga 8:9 - Mbeti ti Nzapa - Tënë so amu fini

⁹ Moïse azia na li ti lo bongo so a yeke kanga na li tongana kpoto. Na dawa ti kpoto ni, lo zia palata so a sara na lôro si akpa kongo ti fa atene, zo so a zia lo nde ndali ti Nzapa, alingbi na yanga so KOTA GBIA amu na Moïse.

Awayango-sandaga 8:9 ပူးပေါင်းရင်းမြစ်များ

Sigingo 28:4

Abongo so ala yeke fu ayeke so: bozo, *efod, kaba, yongoro bongo ti gbeni so a sara apendere nzoroko na tere ni, bongo so a yeke kanga na li tongana kpoto nga na kamba ti ndö ti bongo. Ita ti mo Aaron na amolenge ti lo ayeke yu abongo ni titene ala sara kua na mbi tongana awayango-sandaga.

Sigingo 29:6

Mo yeke zia na li ti lo bongo so a yeke kanga na li tongana kpoto, mo yeke zia palata na ndö ti kpoto ni ti fa atene, a zia lo nde ndali ti Nzapa.

Sigingo 40:16

Moïse asara ye kue alingbi gi na yanga so KOTA GBIA amu na lo.

Awayango-sandaga 8:21

Lo sukula akamba ti ya ti nyama ni na agere ni; lo zö nyama ni kue na ndö ti gbalaka ti mu na sandaga so a yeke gbi ni kue na wâ, alingbi na yanga so KOTA GBIA amu na Moïse; so ayeke sandaga so fion ni anzere na KOTA GBIA.

Awayango-sandaga 8:36

Aaron na amolenge ti lo asara aye so kue KOTA GBIA amu yanga daa na lege ti Moïse.

Zakarii 3:5

Ange ni akiri atene: Ala kanga na li ti Yeshua mbeni nzoni bongo. Azo ni akanga na li ti lo nzoni bongo ni si na dawa ti ange ni, ala yu na lo bongo.