Awayango-sandaga 8:4 - Mbeti ti Nzapa - Tënë so amu fini

⁴ Moïse asara ye so KOTA GBIA amu yanga daa na lo: lo bongbi azo ti Israel na yanga ti da ti bongo ni.

Awayango-sandaga 8:4 ပူးပေါင်းရင်းမြစ်များ

Sigingo 39:1

Ala mu bongo so nzoroko ni akpa le ti nduzu, bongo so abe bengo na bengba bongo so ayeke za zango, ala fu na abongo ti awayango-sandaga titene ala sara na kua na ya ti da so ayeke nde si ayeke nzoni kue. Ala fu nga abongo so a zia nde ndali ti Aaron alingbi na yanga so *KOTA GBIA amu lani na Moïse.

Sigingo 39:21

Ala tengbi akati ti bozo ni na akati ti efod ni na mbeni kamba so nzoroko ni akpa le ti nduzu. Tongaso si bozo ni alango na ndö ti kamba ti efod ni si bozo ni alingbi ti hon mbage na mbage pepe, alingbi na yanga so KOTA GBIA amu lani na Moïse.

Sigingo 39:26

Na yanga ti kaba ni, ye so ayeke toto ngrengre so, ala zia ni oko, ala zia nga le ti grenade oko; ala zia aye ni tongaso angoro yanga ni kue, alingbi na yanga so KOTA GBIA amu lani na Moïse.

Sigingo 39:29

akamba ti ndö ti bongo so a sara na len so akpengba kpengbango, nzoroko ni akpa le ti nduzu, bengba bongo na bengba bongo so ayeke za zango, alingbi na yanga so KOTA GBIA amu lani na Moïse.

Sigingo 39:5

Ala sara si akamba ti efod ni na efod ni aga gi ye oko. Ala sara nga ni na kamba ti len so akpengba kpengbango, ala bongbi ni na bongo so nzoroko ni akpa le ti nduzu, bongo so abe bengo, bengba bongo so ayeke za zango. Ala kpo apendere nzoroko na tere ni na kamba so a sara na lôro, alingbi na yanga so KOTA GBIA amu lani na Moïse.

Sigingo 39:7

Ala zia atêne ni na tere ti akamba ti ndö ti go ti efod ni. Atêne ni aga mbeni ye ti dango be ndali ti amara baleoko na use ti Israel, alingbi na yanga so KOTA GBIA amu lani na Moïse.

Awayango-sandaga 8:13

Na pekoni, Moïse aga na amolenge ti Aaron; lo yu na ala akota bongo, lo kanga kamba na ndö ti abongo ni, lo zia kpoto na li ti ala alingbi na yanga so KOTA GBIA amu.

Awayango-sandaga 8:17

Me tanga ti nyama ni, poro ni, na puru ni, lo gbi ni yongoro na tere ti bâbâ, alingbi na yanga so KOTA GBIA amu na Moïse.

Awayango-sandaga 8:29

Moïse amu kate ti koli-taba so a mu na sandaga ti ziango kua na maboko ti zo so, lo ya ni na nduzu ti fa atene, lo mu na KOTA GBIA. Mbage ti nyama ni ayeke ga ti Moïse alingbi na yanga so KOTA GBIA amu.

Awayango-sandaga 8:3

Na pekoni, mo bongbi azo ti Israel kue na yanga ti da ti bongo so KOTA GBIA na azo ti lo ayeke wara tere daa.”

Awayango-sandaga 8:35

Ala yeke ngba lango mbarambara, bi na lâ na yanga ti da ti bongo ni. Na pekoni, ala lingbi ti sara kua ti KOTA GBIA si ala kui pepe. Yanga so KOTA GBIA amu na mbi laa.”

Awayango-sandaga 8:5

Tongaso lo tene na azo ni, lo tene: “Baa, ye so KOTA GBIA amu yanga daa si mbi ye ti sara ni laa.”

Awayango-sandaga 8:9

Moïse azia na li ti lo bongo so a yeke kanga na li tongana kpoto. Na dawa ti kpoto ni, lo zia palata so a sara na lôro si akpa kongo ti fa atene, zo so a zia lo nde ndali ti Nzapa, alingbi na yanga so KOTA GBIA amu na Moïse.

Matthieu 28:20

ala fa na ala ti bata lege ti aye so kue mbi mu yanga na ala. Baa, mbi yeke na ala lakue ngbii asi na ngoi ti ndani.”

1 Korente 11:23

Ti mbi, tënë so mbi ma na yanga ti Kota Gbia si mbi fa na ala ayeke so: na bi so ala ka lo, Kota Gbia Jésus amu mapa,

1 Korente 15:3

Kozo ye so mbi fa na ala ayeke tënë so mbi wani, mbi ma: Christ akui ndali ti siokpari ti e tongana ti so Mbeti ti Nzapa atene.