Awayango-sandaga 7:34 - Mbeti ti Nzapa - Tënë so amu fini

³⁴ Biani, KOTA GBIA wani amu yanga na ala, azo ti Israel titene ala zia na mbage kate ti nyama nga na gere ti anyama so ala yeke mu na sandaga ti beoko. Alingbi ala mu ni na wayango-sandaga Aaron na *ahale ti lo; akasa ni so aga futa ti ala kpu na kpu.”

Awayango-sandaga 7:34 ပူးပေါင်းရင်းမြစ်များ

Sigingo 29:26

Mo yeke mu kate ti use koli-taba ni, lo so ayeke ti Aaron so, mo ya ni na nduzu ti fa atene, mo mu na mbi. Na pekoni, kasa ni ayeke ga ti mo.

Sigingo 29:9

Mo yeke kanga kamba na ndö ti bongo ti Aaron na amolenge ti lo. Mo yeke zia kpoto na li ti ala ti fa atene, kua ti wayango-sandaga aga ti ala kpu na kpu. “Lege so mo yeke zia Aaron na amolenge ti lo ti to nda ti kua ti ala laa.

Awayango-sandaga 3:17

So ayeke mbeni ndia so ayeke ngba ngu na ngu ndali ti *ahale ti ala ti angoi kue. Ndani laa, na ndo so kue ala yeke duti daa, kasa ti mafuta, wala mene, fade ala yeke te ni oko pepe.”

Awayango-sandaga 7:33

Gere ni ti mbage ti koli so ayeke ga ti amolenge ti Aaron, lo so lo yeke ya mene nga na mafuta ti nyama na sandaga ti beoko.

Wungo ti azo 5:9

Aye so kue azo ti Israel ayeke zi na ndö ti asandaga so ala ga na ni na KOTA GBIA, ayeke ti wayango-sandaga.

Wungo ti azo 6:20

Wayango-sandaga ayeke mu aye so kue, lo yeke ya na nduzu ti fa atene, a zia ni nde ndali ti KOTA GBIA. Asandaga ni so ayeke ga ti wayango-sandaga. Kate ni na ngbongboro gere ti nyama ni kue ayeke ye ti lo lakue. Na pekoni, nazir ni alingbi ti kiri ti nyon vin senge.

Wungo ti azo 8:11

Na iri ti azo ti Israel, Aaron ayeke fa azo ti mara ti Lévi na dawa ti KOTA GBIA titene ala sara kua ti lo.

Ndia ti fani use ni 18:3

Ye so ayeke ti awayango-sandaga ayeke abagara, ataba wala angasa so azo ti Israel ayeke mu na sandaga ti beoko: alingbi a mu na awayango-sandaga ni maboko ti nyama ni, angbangba ni na ya ni.