Awayango-sandaga 7:16 - Mbeti ti Nzapa - Tënë so amu fini

¹⁶ “Mbeni zo aga na sandaga ti beoko na be ti lo wani wala sandaga ti zendo, alingbi a te kasa ti nyama ni na lango so a ya na sandaga ni. Tongana tanga ni angba, alingbi ti te ni na ndade ni.

Awayango-sandaga 7:16 ပူးပေါင်းရင်းမြစ်များ

Ndia ti fani use ni 12:6

Kâ laa ala yeke gue na *asandaga ti ala so a yeke gbi ni kue na wâ, asandaga ti ala ti beoko, *adime ti ala, amatabisi ti ala, aye so ala deba yanga ti ala ti mungo ni, aye so ala mu na nzoni be nga na akozo molenge ti abagara, ti ataba na ti angasa ti ala.

Ezekiel 46:12

Tongana makonzi aleke na be ti lo ti mu na KOTA GBIA *sandaga so a yeke gbi ni kue na wâ, wala sandaga ti beoko, fade a yeke zi na lo yanga ti gbagba so ayeke na mbage ti To ti kota da ni. Lo yeke mu sandaga ni tongana ti so lo yeke sara ka na *lango ti wungo tere. Gi so lo yeke sigigi, a yeke kanga yanga ti gbagba ni.

Abia (Psaumes) 116:18

Mbi yeke sara ye so mbi deba yanga ti mbi ti sarango ni na KOTA GBIA, na le ti azo ti lo kue,

Abia (Psaumes) 116:14

Mbi yeke sara ye so mbi deba yanga ti mbi ti sarango ni na KOTA GBIA, na le ti azo ti lo kue.

Abia (Psaumes) 66:13

Mbi yeke li na ya ti da ti mo ti mu na mo *sandaga so a yeke gbi ni kue na wâ; zendo so mbi mu na mo, mbi yeke sara ye alingbi na ni.

Ndia ti fani use ni 12:26

Me gi anyama so ala zia ala nde ndali ti KOTA GBIA na ala so ala deba yanga ti ala ti mu na sandaga laa ala yeke ga na ni na ndo so KOTA GBIA asoro ni.

Ndia ti fani use ni 12:17

Na ya ti agbata ti ala, fade ala yeke te pepe *dime ti *ble ti ala, dime ti fini vin ti ala, dime ti mafuta ti ala so ala yeke mu na Nzapa, ataa dime ti akozo molenge ti abagara ti ala, ti ataba na ti angasa ti ala, ataa ti aye so ala mu na nzoni be na ti aye so ala deba yanga ti ala ti mungo ni wala ti amatabisi ti ala.

Ndia ti fani use ni 12:11

Tongaso, na ndo so KOTA GBIA Nzapa ti ala asoro titene iri ti lo aduti daa si azo ayeke gue ti voro lo daa laa ala yeke ga na lo aye so mbi mu yanga daa na ala: asandaga ti ala so a yeke gbi ni kue na wâ, asandaga ti ala ti beoko, adime ti ala, amatabisi ti ala na aye so kue ala deba yanga ti ala ti mungo ni na KOTA GBIA.

Wungo ti azo 15:3

na ndembe so ala yeke ya *sandaga na KOTA GBIA, ataa sandaga so a yeke gbi ni kue na wâ, ataa sandaga ndali ti zendo so ala mu, wala sandaga so ala mu na be ti ala wani, wala sandaga so ala yeke mu na lango ti sarango amatanga ti ala, ala yeke soro bagara, ngasa wala taba ndali ti asandaga ni. So laa fion ni ayeke nzere na KOTA GBIA.

Awayango-sandaga 23:38

Ala yeke zia asandaga so na ndö ti asandaga so ala yeke mu ka na mbi na *lango ti wungo tere. Ala yeke zia nga ni na ndö ti aye so ala yeke mu nga na ndö ti asandaga so ala mu na be ti ala wani wala ti so ala mu zendo ndali ni.

Awayango-sandaga 22:29

“Tongana ala ga na sandaga ti mungo singila na mbi KOTA GBIA, ayeke nzoni ala mu ni alingbi na lege so mbi yeke yeda na ala.

Awayango-sandaga 22:23

Koli-bagara, wala koli-taba so mbeni gere ti lo ayo mingi, wala ayeke nduru mingi, ala lingbi ti mu na sandaga na be ti ala wani. Me ala lingbi ti mu ni pepe na sandaga so ala mu zendo ndali ni. Fade mbi KOTA GBIA, mbi yeke yeda na ni pepe.

Sigingo 35:29

Azo ti Israel kue, akoli wala awali ti nzoni be, na be ti ala wani, ala ga na aye so alingbi ti sara na kua so KOTA GBIA amu yanga daa na Moïse.

Amato 7:14

“Mbi mu lani zendo ti mu na Nzapa *sandaga ti mungo singila; laso mbi mu ni awe.