Awayango-sandaga 7:12 - Mbeti ti Nzapa - Tënë so amu fini

¹² Tongana mbeni zo aga na sandaga ti beoko titene lo mu singila na Nzapa, ayeke nzoni lo ga na gatoo so a tuku mafuta daa, a gbu ya ni si a sara na mama ni pepe; lo ga nga na makara so a kpaka mafuta na tere ni nga na gatoo so a sara na farini, a tuku mafuta daa si a gbu ya ni.

Awayango-sandaga 7:12 ပူးပေါင်းရင်းမြစ်များ

2 Mbai 29:31

Ezekias akiri amu tënë si lo tene: “Fadeso, ndali ti so maboko ti ala asi singo na asandaga, ala ga na asandaga ti ala ti beoko na asandaga ti mungo singila na KOTA GBIA na ya ti kota da ti lo.” Tongaso bongbi ti azo ni aga na asandaga ti beoko na asandaga ti mungo singila na KOTA GBIA. Azo so ayeke na nzoni be mingi aga nga na asandaga so a yeke gbi ni kue na wâ.

2 Mbai 33:16

Lo kiri lo leke gbalaka ndali ti KOTA GBIA; lo mu *asandaga ti beoko na asandaga ti mungo singila na KOTA GBIA na ndö ti gbalaka ni. Na pekoni, lo mu yanga na azo ti Juda ti voro KOTA GBIA, Nzapa ti Israel.

Néhémie 12:43

Na lango ni so, azo amu gba ti *sandaga na Nzapa, ala sara ngia mingi. Biani, Nzapa asara si be ti azo ti lo asi singo na kota ngia. Na Jérusalem, awali na amolenge asara nga ngia mingi si a ma ngia ni na mbeni ndo yongoro.

Abia (Psaumes) 107:8

Ayeke nzoni ala sepela KOTA GBIA ndali ti nzoni be ti lo! Ala sepela lo ndali ti aye ti kpene so lo yeke sara ndali ti azo!

Abia (Psaumes) 116:17

Mbi yeke ya na mo *sandaga ti mungo singila; mbi yeke iri KOTA GBIA na iri ti lo ti voro lo.

Abia (Psaumes) 50:23

Zo so sandaga ti lo ayeke singila so lo mu na mbi, lo laa lo yeke zo ti gondango mbi. Zo so abata lege ti lo mbirimbiri, mbi yeke fa na lo so mbi yeke wasongo- azo.

Jérémie 33:11

bia ti azo so tere ti ala anzere, bia ti azo so ayeke na ngia, bia ti akoli na awali so amu tere fini ni. A yeke ma nga bia ti azo so ayeke ga na *sandaga ti mungo singila na ya ti kota da ti KOTA GBIA, atene: ‘Ala mu singila na KOTA GBIA so ayeke na ndö ti dunia kue, ngbanga ti so lo yeke nzoni, nzoni be ti lo angba kpu na kpu!’ Biani, fade mbi yeke sara titene kodro so akiri na kozo ndo ti lo”; tënë so KOTA GBIA atene laa.

Osée 14:2

Israel, kiri na *KOTA GBIA Nzapa ti mo, ngbanga ti so sioni ti mo asara si mo ti.

Awayango-sandaga 2:4

“Tongana mbeni zo aye ti mu sandaga ti mapa so a zö na ya ti fur, alingbi lo zia mama ni daa pepe. Lo lingbi ti ga na agatoo so a yoro na mafuta wala makara so a yoro na mafuta, me a sara na mama ti mapa pepe.

Awayango-sandaga 2:5

Tongana sandaga ni ayeke mbeni sandaga so a zö na ya ti kpangbara sembe, alingbi lo mu farini, lo tuku mafuta daa, lo gbu ya ni, me lo zia mama ti mapa daa pepe.

Awayango-sandaga 22:29

“Tongana ala ga na sandaga ti mungo singila na mbi KOTA GBIA, ayeke nzoni ala mu ni alingbi na lege so mbi yeke yeda na ala.

Awayango-sandaga 6:16

Akobe ti yaka so wayango-sandaga ayeke ya na sandaga, ayeke nzoni a zö ni kue na wâ: alingbi zo oko ate ni pepe.”

Awayango-sandaga 7:15

Âdu ti kasa ti nyama so a mu na sandaga ti beoko na ti mungo singila, a yeke te ni gi na lango so a mu na sandaga ni; a yeke bata tanga ni asi na ndaperere pepe.

Amos 4:5

Mapa ti ala so mama ni ayeke daa so, ala zö ni na ndö ti gbalaka ti mu na sandaga ti mungo singila ma. Aye so ala ga na ni ti mu na mbi na be ti ala wani so, ala dekongo na tënë ni si azo kue ama; ye so ala, azo ti Israel aye laa”; so tënë ti yanga ti Kota Gbia NZAPA laa.

Wungo ti azo 6:15

Lo yeke kiri ti mu sakpa oko ti mapa so a sara na mama ni pepe, agatoo so a mu nzoni farini, a tuku mafuta daa si a sara na ni, nga na makara so a sara na mama ni pepe si a kpaka mafuta na tere ni. Lo yeke mu nga sandaga ti farini na sandaga ti samba na tere ti asandaga ti anyama ni so.

Nzoni Tënë so Luc asu na mbeti 17:16

Lo ti, lo kpo li ti lo na sese na gere ti Jésus si lo yeke mu singila na Jésus. Andaa lo yeke mbeni zo ti Samarii.

Nzoni Tënë so Luc asu na mbeti 17:18

Mbeni zo na popo ti ala ti kiri ti gonda Nzapa ayeke daa pepe? Gi wande oko so?”

Rome 1:21

Ataa so ala hinga Nzapa, ala gonda lo pepe, ala mu singila na lo pepe so alingbi na Nzapa. Me gbungo-li ti ala aga kirikiri, ala hinga ndo pepe si ala yeke duti na ya ti vukongo ndo.

Efeze 5:20

Ala mu singila lakue na Nzapa Babâ ndali ti aye kue, na iri ti Kota Gbia ti e Jésus Christ.

Ahebro 13:15

Alingbi e ngba ti mu sandaga na Nzapa lakue na lege ti Jésus, sandaga ni ayeke gondango so e yeke gonda iri ti lo na anzoni tënë ti yanga ti e.

1 Pierre 2:5

Ala nga, ala yeke tongana atêne so ayeke na fini. Ala sara si Nzapa amu ala ti sara na da so ayeke ti Yingo. Tongaso, fade bongbi ti ala ayeke ga bongbi ti awayango-sandaga so ayeke nde si ayeke nzoni kue, ala yeke mu na lo asandaga so Yingo afa na ala ti mungo ni si ayeke nzere na be ti Nzapa na lege ti Jésus Christ.