Awayango-sandaga 6:3 - Mbeti ti Nzapa - Tënë so amu fini

³ Na pekoni, wayango-sandaga ayeke yu yongoro bongo ti lo so a sara na *len nga na kilote so a sara na len. Lo yeke zi mburu ti wâ ti mafuta ti anyama so a gbi ni kue na wâ si lo yeke zia ni na tere ti gbalaka ni.

Awayango-sandaga 6:3 ပူးပေါင်းရင်းမြစ်များ

Sigingo 23:4

“Tongana bagara ti wato ti ala wala lele ti lo agirisa si ala wara lo, alingbi ala kiri na ni na lo.

Sigingo 28:42

Titene azo abaa tere ti ala ti koli pepe, fade mo yeke mu len, mo fu na ala kilote ti yu na gbe ti bongo ni. Kilote ni ayeke londo na ngbonda ti ala ague, asi nduru na likunu ti ala.

Amato 24:28

Mo bi tënë na li ti mba ti mo senge senge pepe. Mo ye ti handa ndo na lege ti atënë ti yanga ti mo?

Amato 30:9

Biani, tongana mbi yeke na gba ti aye, mbi lingbi ti bere tënë ti mo, mbi tene: ‘KOTA GBIA ni ayeke zo wa?’ Wala tongana mbi yeke wayere, mbi lingbi ti nzi ye. Tongaso, fade mbi yeke buba iri ti Nzapa ti mbi.

Jérémie 5:2

Ala yeke deba yanga ti ala, atene: “*KOTA GBIA ayeke na fini!” Andaa so ayeke dengo ba ti mvene.

Jérémie 7:9

So nyen! Ala yeke nzi, ala yeke fâ azo, ala yeke lango na akoli wala awali ti amba ti ala. Ala yeke de aba ti mvene, ala yeke zö dukani na *Baal, ala yeke mu peko ti anzapa so ala hinga ala kozoni pepe.

Ezekiel 44:19

Tongana ala sigigi ti gue na ya ti gbagba ti gigi, na ndo so azo ayeke duti daa, fade ala yeke zi abongo so ala yeke yu ti sara na kua, ala zia ni na ya ti akubu ti tere ti kota da ni si ala yeke yu ambeni bongo nde. Tongaso si azo aga nduru pepe na abongo so a zia nde ti sara na kua na dawa ti *KOTA GBIA.

Awayango-sandaga 1:16

Zo ni ayeke zi bozo ti gbe ti go ti ndeke ni na aye so kue ayeke na ya ni, lo yeke bi ni na tere ti gbalaka ni, na mbage ti To, na ndo so a yeke tuku mburu ti wâ ti mafuta daa.

Awayango-sandaga 16:4

Alingbi lo yu yongoro bongo so a sara na *len, lo yu kilote so a sara na len, lo kanga kamba ti ndö ti bongo so a sara na len si lo kanga na li ti lo bongo so ayeke tongana kpoto. So ayeke abongo so a zia ni nde ndali ti Nzapa. Alingbi lo sukula ngu kozoni si lo yu ni.

Awayango-sandaga 19:12

Ala mu iri ti mbi ti deba na ni na lege ti mvene pepe. Tongana ala sara tongaso, andaa ala buba iri ti mbi, Nzapa ti ala. Mbi laa mbi yeke KOTA GBIA.

Zakarii 5:4

So tënë ti yanga ti *KOTA GBIA so ayeke na ndö ti dunia kue laa: mbi yeke tokua deba ni titene ali na ya ti da ti zo ti nzi, nga na ya ti da ti zo ti dengo ba ti mvene na iri ti mbi. Dengo ba ni ayeke ngba na ya ti da ti azo ni, ayeke buba ni kue, ataa akeke ti li ni, ataa atêne ni.”

Malashii 3:5

Biani, fade mbi yeke ga nduru na tere ti ala ti fâ ngbanga na li ti ala. Mbi yeke ga hio ti bi tënë na li ti azo ti mazi, azo ti gingo wali wala koli ti amba ti ala, azo so ayeke bi atënë ti mvene na li ti amba ti ala na azo so ayeke futa azo ti kua ti ala na legeni pepe; azo so ayeke sara ngangu na awali-mua nga na anyindu, azo so ayeke sara mbana na awande nga na azo so ayeke kpe mbeto ti mbi pepe. Tënë so KOTA GBIA so ayeke na ndö ti dunia kue atene laa.”