Awayango-sandaga 6:2 - Mbeti ti Nzapa - Tënë so amu fini

² ti mu yanga na Aaron nga na amolenge ti lo, atene: “Baa lege ti mungo *sandaga so a yeke gbi ni kue na wâ ayeke so: Fade sandaga so ayeke ngba na ndö ti gbalaka, na le ti wâ na bi ngbii asi na ndaperere; wâ ti ndö ti gbalaka ni ayeke ngba na zango ni.

Awayango-sandaga 6:2 ပူးပေါင်းရင်းမြစ်များ

Tongo nda ti aye 26:7

Azo ti ndo ni ahunda lo na ndö ti tënë ti wali ti lo. Lo kiri tënë, lo tene: “So ita ti mbi ti wali laa.” Lo sara mbeto ti tene na azo ni atene, Rébecca ayeke wali ti lo, ngbanga ti so lo yeke na mbeto titene azo ni afâ lo ndali ti Rébecca ayeke pendere wali mingi.

Abia (Psaumes) 51:4

Sukula asioni ti mbi kue; zi siokpari ti mbi si mbi ga *nzoni.

Amato 24:28

Mo bi tënë na li ti mba ti mo senge senge pepe. Mo ye ti handa ndo na lege ti atënë ti yanga ti mo?

Amato 26:19

lo yeke tongana zo so ayeke handa amba ti lo si na pekoni lo tene na ala: “Mbi sara ti mbi fade gi ngia senge!”

Ésaïe 21:2

Na ya ti mbeni ye tongana bango-li, mbi baa mbeni ye so ayeke sioni mingi: zo so lani ayeke na ya ti *mbuki, lo ga zo ti kango azo, zo ti bubango ye ayeke sara kua ti lo. *KOTA GBIA atene: “Azo ti Elam, ala londo na bira ma! Azo ti Medii, ala ngoro gbata ni na bira! Mbi yeke sara titene dema kue akai.”

Ésaïe 24:16

Na nda ti sese kâ, e yeke ma bia so: “Gonda na Nzapa so ayeke mbirimbiri!” Ti mbi, mbi tene: “Ti mbi ahunzi awe! Ti mbi ahunzi awe! So mawa na mbi!” Azo ti kango zo ayeke sara kua ti ala. Ala yeke ka amba ti ala! Azo ti kango zo ayeke sara kua ti ala.

Ésaïe 33:1

Mawa na mo, mo so mo yeke buba ye si ade a buba mo pepe so! Mawa na mo, mo so mo yeke ka azo si ade ti ka mo pepe so! Tongana mo buba aye kue awe, fade a yeke buba nga mo. Tongana mo ka azo kue awe, fade a yeke ka nga mo.

Jérémie 9:5

Ndo ti dutingo ti ala ayeke gi na ya ti handango ndo. Na lege ti handa, ala ke ti hinga mbi; so tënë ti yanga ti KOTA GBIA laa.”

Ezekiel 40:46

Da so yanga ni abaa ndo na mbage ti Banga ayeke ndali ti awayango-sandaga so ayeke sara kua na tere ti gbalaka. Na popo ti *ahale ti Lévi, gi ahale ti Sadok laa ayeke ga nduru na KOTA GBIA ti sara kua ti lo.”

Awayango-sandaga 1:3

“Tongana zo ni aye ti mu bagara na sandaga so a yeke gbi ni kue na wâ, alingbi lo mu koli-bagara so mbeni mbage ti tere ti lo abuba pepe. Zo ni ayeke gue na nyama ni na yanga ti da ti bongo so KOTA GBIA na azo ti lo ayeke wara tere daa, tongaso si KOTA GBIA ayamba lo nzoni.

Awayango-sandaga 19:11

“Alingbi ala nzi pepe, ala tene mvene pepe, ala handa amba ti ala pepe.

Awayango-sandaga 5:15

“Tongana mbeni zo asara ye so ayeke sioni mingi ti ke ye so alingbi fade ti mu na *sandaga na KOTA GBIA, me lo sara ni na mbana ti be ti lo pepe, ye so lo lingbi ti sara na KOTA GBIA ti leke na tënë ti lo ayeke so: lo yeke ga na koli-taba so mbeni mbage ti tere ti lo abuba pepe, so ngere ti lo alingbi na ngere ti taba so a yeke mu ka na ndo so a zia nde ndali ti Nzapa.

Awayango-sandaga 5:19

So sandaga ti lekengo tënë laa. So ti fa atene, zo ni asara biani siokpari so ake KOTA GBIA awe.”

Awayango-sandaga 6:1

KOTA GBIA atene na Moïse

Amos 8:5

Ala yeke tene: “Lawa laa matanga ti fini nze ayeke hunzi si e lingbi ti ka kobe ti e so-oo? Lawa laa *lango ti wungo tere ayeke hunzi si e lingbi ti zi yanga ti ada ti kango ale ti kobe ti e so-oo? Fade e yeke pika ngbonda ti sembe ti hakango na ye, e yeke pusu ngere na nduzu, e yeke sanze kilo ti nzi azo na ni.

Habakuk 1:13

Le ti mo alingbi na bango asioni ye pepe, ngangu so zo ayeke sara na mba ti lo, mo lingbi ti yeda ti baa ni pepe. Azo so ayeke ka amba ti ala so, mo lingbi ti yeda ti baa ala? So azo ti sioni ayeke buba azo so ayeke mbirimbiri ahon ala so, mo ke ti zi yanga ti mo daa ngbanga ti nyen?

Jean 8:44

Babâ ti ala ayeke Zabolo, ala ye ti sara gi ye so be ti lo aye; kua ti lo ngbene ye na tongo nda ni laa. Lo gi lege laoko ti tene taa-tënë pepe, ngbanga ti so taa-tënë ayeke na ya ti fini ti lo pepe. Mvene ayeke ye ti tere ti lo, ngbanga ti so lo yeke zo ti mvene si lo yeke babâ ti mvene.

Awatokua 5:4

Kozo titene mo ka yaka so, yaka ni ayeke fade ti mo. So mo ka ni so, nginza ni ayeke ti mo. Ngbanga ti nyen laa mo leke na be ti mo ti sara mara ti ye tongaso? Mo tene mvene na zo pepe, me na Nzapa!”

Efeze 4:25

Ndani laa, ala zia lege ti tenengo mvene! Zo oko oko atene taa-tënë na mba ti lo, ngbanga ti so e oko oko kue, e yeke gi na ya ti tere oko.

Kolose 3:9

Ala tene mvene na popo ti ala pepe, ngbanga ti so ala zi ngbene dutingo ti ala ti zo na asarango ye ti lo awe, tongana ti so zo ayeke zi gbagba bongo na tere ti lo.

Aye so Nzapa afa 22:15

Na gigi, azo so sarango ye ti ala akpa ti mbo, azo ti guengo na gbe ti yoro, azo ti sarango aye ti ndumba, azo ti fango zo nga na azo so aye mvene si ayeke tene mvene!