Awayango-sandaga 5:8 - Mbeti ti Nzapa - Tënë so amu fini

⁸ Zo ni ayeke mu andeke ni na wayango-sandaga. Kozoni, wayango-sandaga ayeke ya na KOTA GBIA ndeke so zo ni aga na ni ndali ti zingo siokpari na ti lo so. Wayango-sandaga ayeke kungbi go ti ndeke ni, me lo yeke zi li ti ndeke ni zingo daa pepe.

Awayango-sandaga 5:8 ပူးပေါင်းရင်းမြစ်များ

Awayango-sandaga 1:15

Wayango-sandaga ayeke ga na ndeke ni na dawa ti gbalaka; lo yeke zi li ti ndeke ni si lo yeke zö ni na ndö ti gbalaka. Na pekoni, lo yeke yuru mene ni na tere ti gbalaka ni.

Awayango-sandaga 1:17

Zo ni ayeke suru ya ti ndeke ni use, na popo ti akpangi ti lo, me lo yeke zi akpangi ni pepe. Na pekoni, wayango-sandaga ayeke zö ndeke ni kue na wâ so ayeke na ndö ti gbalaka ni. So ayeke sandaga so a gbi ni kue na wâ titene fion ni anzere na KOTA GBIA.”

Rome 4:25

Lo so a mu lo ndali ti siokpari ti e, Nzapa azingo lo na kuâ ti sara si e ga azo ti mbirimbiri.

1 Pierre 3:18

Biani, Christ wani akui fani oko biani biani ndali ti siokpari ti azo; lo so lo yeke mbirimbiri, lo kui ndali ti azo ti kirikiri titene lo gue na ala na le ti Nzapa. Azo afâ gi tere ti lo ti zo, me Nzapa akiri na lo na fini na lege ti Yingo-Vuru.