Awayango-sandaga 4:4 - Mbeti ti Nzapa - Tënë so amu fini

⁴ Kota wayango-sandaga ni ayeke gue na nyama ni na dawa ti KOTA GBIA, na yanga ti da ti bongo so KOTA GBIA na azo ti lo ayeke wara tere daa. Lo yeke zia maboko ti lo na li ti nyama ni si lo yeke fâ go ti nyama ni na ndo so.

Awayango-sandaga 4:4 ပူးပေါင်းရင်းမြစ်များ

2 Mbai 29:23

Na pekoni, ala ga na akoli-ngasa so a yeke mu na sandaga ti zingo siokpari na li ti zo na dawa ti gbia nga na dawa ti bongbi ti azo ni. Gbia na azo ni azia maboko ti ala na ndö ti akoli-ngasa ni.

Ésaïe 53:6

E kue, e yeke lani tongana ataba so akangbi kirikiri, zo oko oko amu lege ti lo wani. Me KOTA GBIA asara si asioni ti e kue ati na ndö ti lo.

Daniel 9:26

Na peko ti ngoi baleomene na use so, fade a yeke fâ zo so a tuku mafuta na li ti lo so; zo oko ayeke mu maboko na lo pepe. Na pekoni mbeni makonzi ayeke londo, lo na aturugu ti lo ayeke ga ti buba gbata ni nga na ndo so a zia ni nde ndali ti Nzapa. Me na ndani, lango ti makonzi ni ayeke hunzi na lege ti ngonzo ti Nzapa so ayeke tuku na ndö ti lo. Me lo yeke sara bira ngbii asi na lango ti kuâ ti lo si lo yeke buba ndo kue alingbi na ye so a diko ndali ti lo.

Awayango-sandaga 16:21

Aaron ayeke zia maboko ti lo use kue na li ti koli-ngasa ni, lo yeke diko na li ti ngasa ni asioni so kue azo ti Israel asara, ngangu li ti ala kue nga na siokpari ti ala kue si lo yeke zia ni kue na li ti ngasa ni. Na pekoni, lo yeke tokua ngasa ni na benyama si mbeni koli so a soro lo ayeke mu lo ti gue na lo.

Awayango-sandaga 4:15

*Akangba ti bongbi ni ayeke zia maboko ti ala na li ti koli-bagara ni si mbeni oko na popo ti ala ayeke fâ go ti bagara ni na dawa ti KOTA GBIA.

Awayango-sandaga 4:29

Lo yeke zia maboko ti lo na li ti nyama ni si lo yeke fâ go ti nyama ni na ndo so a yeke fâ ka go ti anyama ti *asandaga so a yeke gbi ni kue na wâ daa.

Awayango-sandaga 8:14

Lo hunda titene a ga na lo koli-bagara so a yeke mu na sandaga ndali ti zingo siokpari na li ti azo. Aaron na amolenge ti lo azia maboko ti ala na li ti koli-bagara ni.

Wungo ti azo 8:12

Na pekoni, azo ti mara ti Lévi ayeke zia maboko na li ti akoli-bagara use so. Fade Aaron ayeke mu koli-bagara oko ndali ti sandaga ti zingo siokpari na li ti zo si mbeni koli-bagara ni ndali ti sandaga so a yeke gbi ni kue na wâ. Fade lo yeke sara ye so afa atene, KOTA GBIA azi siokpari na li ti azo ti mara ti Lévi awe.

1 Pierre 3:18

Biani, Christ wani akui fani oko biani biani ndali ti siokpari ti azo; lo so lo yeke mbirimbiri, lo kui ndali ti azo ti kirikiri titene lo gue na ala na le ti Nzapa. Azo afâ gi tere ti lo ti zo, me Nzapa akiri na lo na fini na lege ti Yingo-Vuru.