Awayango-sandaga 3:5 - Mbeti ti Nzapa - Tënë so amu fini

⁵ Na pekoni, amolenge ti Aaron ayeke zö aye ni kue na ndö ti gbalaka legeoko na sandaga so a yeke gbi ni kue na wâ, asandaga so a zia na ndö ti akeke ti wâ. So ayeke sandaga so a gbi ni kue na wâ titene fion ni anzere na KOTA GBIA.

Awayango-sandaga 3:5 ပူးပေါင်းရင်းမြစ်များ

1 Agbia 8:64

Na lango ni so, gbia azia nde ndali ti Nzapa ya ti gbagba so ayeke na dawa ti kota da ti KOTA GBIA. Na ndo so laa lo mu asandaga so a yeke gbi ni kue na wâ, asandaga ti ale ti kobe, mafuta ti anyama so a yeke mu na sandaga ti beoko, ngbanga ti so gbalaka so a sara na bengba wen si ayeke dawa ti kota da ti KOTA GBIA so ayeke kete mingi, alingbi pepe titene a zia asandaga ni kue na ndö ni.

2 Mbai 35:14

Na pekoni, azo ti mara ti Lévi aleke ye so ayeke ndali ti ala wani nga ndali ti awayango-sandaga, ngbanga ti so awayango-sandaga so ayeke *ahale ti Aaron angba ti mu sandaga so a yeke gbi ni kue na wâ, ala ngba nga ti zö mafuta ngbii ndo avuko. Ndani laa azo ti mara ti Lévi ato kobe ndali ti ala wani nga ndali ti awayango-sandaga so ayeke ahale ti Aaron.

Sigingo 29:13

Mo yeke mu mafuta so kue ayeke na tere ti akamba ti ya ti nyama ni, na mafuta so ayeke na tere ti be ni nga na aronyon use na mafuta so ayeke na tere ni, mo gbi kue na wâ na ndö ti gbalaka ni.

Ezekiel 44:15

“Awayango-sandaga so ayeke azo ti mara ti Lévi, *ahale ti Sadok so asara kua na ndo so a zia ni nde ndali ti mbi na ngoi so azo ti Israel ahon kirikiri yongoro na tere ti mbi, awayango-sandaga so laa ayeke ga nduru na mbi ti sara kua na mbi. Ala yeke luti na dawa ti mbi ti mu na mbi mafuta ti anyama nga na mene ti anyama so a mu na *sandaga. So tënë ti yanga ti Kota Gbia NZAPA laa.

Ezekiel 44:7

Na ndembe so ala ga ti mu na mbi kobe so ayeke ti mbi, mafuta nga na mene ti anyama so a mu na *sandaga, ala mu lege na awande so afâ *ganza pepe si ala fâ ganza ti be pepe ti li na ndo so a zia ni nde ndali ti mbi. Na sarango ye tongaso, ala sara si kota da ti mbi aga *sioni. Na lege ti asarango ye ti ala so zo alingbi ti baa na le ti lo fani use pepe so, ala buba ya ti *mbuki so abongbi mbi na ala.

Awayango-sandaga 1:13

Zo ni ayeke sukula ya ti nyama ni na agere ni. Na pekoni, wayango-sandaga ayeke ya ni na KOTA GBIA si lo yeke gbi ni kue na ndö ti gbalaka. So ayeke sandaga so a gbi ni kue na wâ titene fion ni anzere na KOTA GBIA.

Awayango-sandaga 1:17

Zo ni ayeke suru ya ti ndeke ni use, na popo ti akpangi ti lo, me lo yeke zi akpangi ni pepe. Na pekoni, wayango-sandaga ayeke zö ndeke ni kue na wâ so ayeke na ndö ti gbalaka ni. So ayeke sandaga so a gbi ni kue na wâ titene fion ni anzere na KOTA GBIA.”

Awayango-sandaga 1:9

Zo ni ayeke sukula akamba ti ya ti nyama ni na agere ti nyama ni. Na pekoni, wayango-sandaga ayeke zö aye ni kue na ndö ti gbalaka. So ayeke sandaga so a gbi ni kue na wâ titene fion ni anzere na KOTA GBIA.

Awayango-sandaga 3:11

Na pekoni, wayango-sandaga ayeke zö aye ni kue na ndö ti gbalaka. So ayeke kobe ti sandaga so a gbi ni kue na wâ ndali ti KOTA GBIA.

Awayango-sandaga 3:4

aronyon use na mafuta so ayeke na tere ti aronyon ni, na mafuta so ayeke na tere ti ngbonda ti nyama ni nga na mafuta so ayeke na tere ti be ni na aye so ayeke na tere ni; lo zi ni na aronyon ni.

Awayango-sandaga 4:31

Lo yeke zi akasa so kue mafuta ayeke daa mingi tongana ti so a yeke sara ndali ti sandaga ti beoko. Wayango-sandaga ayeke zö aye ni so na ndö ti gbalaka titene fion ni anzere na KOTA GBIA. Tongana wayango-sandaga asara aye ni so kue na tere ti senge zo ti kodro ni titene Nzapa azi siokpari na li ti lo, Nzapa azi siokpari ni awe.

Awayango-sandaga 4:35

Lo yeke zi akasa so kue mafuta ayeke daa mingi tongana ti so a yeke sara ndali ti taba ti sandaga ti beoko. Wayango-sandaga ayeke zö aye ni so na ndö ti gbalaka titene fion ni anzere na KOTA GBIA. Tongana wayango-sandaga asara aye ni so kue na tere ti senge zo ti kodro ni titene Nzapa azi siokpari na li ti lo, Nzapa azi siokpari ni awe.”

Awayango-sandaga 6:12

KOTA GBIA atene na Moïse:

Awayango-sandaga 7:28

KOTA GBIA atene na Moïse:

Awayango-sandaga 9:17

Lo ya sandaga ti ale ti kobe: lo mu mbeni farini asi ya ti maboko ti lo, lo zö ni kue na wâ na ndö ti gbalaka legeoko na sandaga ti ndaperere so a yeke gbi ni kue na wâ.

Wungo ti azo 15:8

Âdu ti koli-bagara so ala yeke mu na sandaga so a yeke gbi ni kue na wâ wala na senge sandaga ndali ti zendo so ala mu wala sandaga ti beoko,

Wungo ti azo 18:17

Me ti akozo molenge ti bagara, ti taba na ti ngasa, fade mo yeke yeda titene a futa mbeni ye ndali ti ala pepe, ngbanga ti so a zia ala nde ndali ti mbi awe. Ala yeke fi mene ti ala na ndö ti gbalaka, ala yeke gbi na wâ mafuta ti ala titene fion ni anzere na mbi.

Wungo ti azo 28:12

Ala yeke bongbi nyama oko oko na farini so ala gbu ya ni na mafuta: ala yeke mu kilo gumbaya ti farini ndali ti koli-bagara oko oko, kilo omene ti farini ndali ti koli-taba,

Wungo ti azo 28:3

“Mo yeke tene na ala: Baa, aye so ala lingbi ti mu na KOTA GBIA laa: akete taba use ti ngu oko so mbeni mbage ti tere ti ala abuba pepe; ala yeke mu ataba ni na ya ti lango oko oko. So ayeke sandaga so a yeke gbi ni kue na wâ ndali ti KOTA GBIA lakue lakue.

1 Pierre 2:5

Ala nga, ala yeke tongana atêne so ayeke na fini. Ala sara si Nzapa amu ala ti sara na da so ayeke ti Yingo. Tongaso, fade bongbi ti ala ayeke ga bongbi ti awayango-sandaga so ayeke nde si ayeke nzoni kue, ala yeke mu na lo asandaga so Yingo afa na ala ti mungo ni si ayeke nzere na be ti Nzapa na lege ti Jésus Christ.