Awayango-sandaga 3:1 - Mbeti ti Nzapa - Tënë so amu fini

¹ “Tongana mbeni zo aye ti mu bagara na *sandaga ti beoko, alingbi lo mu koli-bagara wala mama ti bagara so mbeni mbage ti tere ti lo abuba pepe si lo ga na ni na dawa ti KOTA GBIA.

Awayango-sandaga 3:1 ပူးပေါင်းရင်းမြစ်များ

1 Mbai 21:26

Lo sara gbalaka na ndo ni ndali ti KOTA GBIA; lo zia na ndö ni sandaga so a yeke gbi ni kue na wâ nga na sandaga ti beoko. Na pekoni, lo sambela KOTA GBIA si lo kiri tënë na lo na lege so lo tokua wâ so alondo na yayu, ati na ndö ti sandaga ni si agbi ni.

Sigingo 20:24

Ala mu sese asara na mbi gbalaka. Na ndö ni, fade ala yeke ya na mbi *asandaga ti ala so a yeke gbi ni kue na wâ, asandaga ti ala ti beoko, ataba ti ala, angasa ti ala nga na abagara ti ala. Na ndo so kue mbi yeke sara titene azo adabe ti ala na iri ti mbi, mbi yeke ga na mbage ti ala si mbi yeke sara tufa na ndö ti ala.

Sigingo 24:5

Lo tokua ambeni maseka ti Israel ti gue ti mu na KOTA GBIA *sandaga so a yeke gbi ni kue na wâ, ti fâ akoli-bagara ti mu na sandaga ti beoko.

Sigingo 29:28

Ndia so ayeke ngba kpu na kpu ndali ti azo ti Israel: na ngoi so kue ala yeke zi akasa ti anyama ni so ti ya na mbi KOTA GBIA na sandaga ti beoko, fade ala yeke mu ni na Aaron na amolenge ti lo.

Amato 7:14

“Mbi mu lani zendo ti mu na Nzapa *sandaga ti mungo singila; laso mbi mu ni awe.

Ezekiel 43:27

Tongana alango mbarambara so ahunzi awe, na lango miombe ni nga na alango ti peko, fade awayango-sandaga ayeke mu na ndö ti gbalaka ni asandaga so a yeke gbi ni kue na wâ nga na asandaga ti beoko ndali ti azo ti kodro. Tongaso, mbi yeke sara nzoni be na ala. So tënë ti yanga Kota Gbia NZAPA laa.”

Ezekiel 45:15

Na popo ti ataba wala angasa so ayeke na Israel, ala zi nyama oko na popo ti anyama 200. Aye so kue ala zi ayeke ndali ti sandaga, ndali ti sandaga so ayeke gbi ni kue na wâ, nga na sandaga ti beoko, titene Nzapa azi sioni na li ti ala. So tënë ti yanga ti Kota Gbia NZAPA laa.

Awayango-sandaga 1:10

“Tongana zo ni aye ti mu taba wala ngasa na sandaga so a yeke gbi ni kue na wâ, alingbi lo soro na popo ti ataba wala angasa mbeni koli-taba, wala koli-ngasa so mbeni mbage ti tere ti lo abuba pepe.

Awayango-sandaga 1:3

“Tongana zo ni aye ti mu bagara na sandaga so a yeke gbi ni kue na wâ, alingbi lo mu koli-bagara so mbeni mbage ti tere ti lo abuba pepe. Zo ni ayeke gue na nyama ni na yanga ti da ti bongo so KOTA GBIA na azo ti lo ayeke wara tere daa, tongaso si KOTA GBIA ayamba lo nzoni.

Awayango-sandaga 17:5

Ndia so ayeke kanga lege na azo ti Israel ti kiri ti fâ anyama na ya ti ngonda; me ala yeke gue na anyama ni na wayango-sandaga, na yanga ti da ti bongo so KOTA GBIA na azo ti lo ayeke wara tere daa. Ala yeke mu anyama ni na sandaga ti beoko na KOTA GBIA.

Awayango-sandaga 3:6

“Tongana zo ni aye ti mu taba wala ngasa na sandaga ti beoko na KOTA GBIA, alingbi lo mu koli ni wala mama ni so mbeni mbage ti tere ti lo abuba pepe.

Awayango-sandaga 9:18

Lo fâ go ti koli-bagara na koli-taba so azo aga na ni ti mu na sandaga ti beoko. Amolenge ti lo amu na lo mene ni si lo fi na tere ti gbalaka, angoro ni kue.

Awayango-sandaga 9:4

Ala yeke mu nga mbeni koli-bagara na mbeni koli-taba ndali ti sandaga ti beoko; ala yeke bongbi ni na farini so ala gbu ya ni na mafuta. Biani, laso laa KOTA GBIA ayeke si na ala.”

Amos 5:22

Asandaga ti anyama so a yeke gbi ni kue na wâ na ale ti kobe ti ala so ala ya na mbi na *sandaga so, be ti mbi anzere na ni oko pepe. Anyama ti mafuta so ala mu na sandaga ti beoko so, mbi ye ti baa na le ti mbi oko pepe.

Malashii 1:14

Deba aga na ndö ti zo ti mayere so lo yeke na nzoni koli-nyama na popo ti anyama ti lo! Lo mu fade yanga ti mu nzoni nyama ni na mbi na sandaga, me na pekoni, lo mu gi nyama so mbeni mbage ti tere ti lo abuba awe. Biani, mbi yeke kota gbia so amara nde ayeke kpe mbeto ti mbi. Tënë so KOTA GBIA so ayeke na ndö ti dunia kue atene laa.”

Malashii 1:8

So ala mu nyama so le ti lo abuba, aga na lo ti mu na *sandaga so, sioni laa ala sara so pepe? So ala mu nyama so gere ti lo abuba, wala lo yeke na kobela, aga na lo so, sioni laa ala sara so pepe? Tongana ala gue na mara ti anyama tongaso na govoronere ti ala, fade be ti lo ayeke nzere na ala? Lo yeke yamba ala nzoni? Tënë so KOTA GBIA so ayeke na ndö ti dunia kue atene laa.

Wungo ti azo 15:8

Âdu ti koli-bagara so ala yeke mu na sandaga so a yeke gbi ni kue na wâ wala na senge sandaga ndali ti zendo so ala mu wala sandaga ti beoko,

Wungo ti azo 6:14

Lo yeke ga na anyama ti mu na sandaga na KOTA GBIA: kete koli-taba ti ngu oko so mbeni mbage ti tere ti lo abuba pepe ndali ti sandaga so a yeke gbi ni kue na wâ, kete wali-taba ti ngu oko ti mu na sandaga titene Nzapa azi siokpari na li ti lo, lo yeke ga nga na koli-taba oko ti mu na sandaga ti beoko.

Wungo ti azo 7:17

Lo mu nga abagara use, akoli-taba oku, akoli-ngasa oku, na akete taba oku ti ngu oko ndali ti sandaga ti beoko. So ayeke amatabisi so Nashon, molenge ti Aminadab aga na ni laa.

Wungo ti azo 7:59

Lo mu nga abagara use, akoli-taba oku, akoli-ngasa oku, na akete taba oku ti ngu oko ndali ti sandaga ti beoko. So ayeke amatabisi so Gamliel, molenge ti Pedasur aga na ni laa.

Ndia ti fani use ni 12:27

Âdu ti asandaga ti nyama so a yeke gbi ni kue na wâ, fade ala yeke ya kasa ni na mene ni na ndö ti gbalaka ti KOTA GBIA Nzapa ti ala. Âdu ti asandaga ti beoko, ala yeke tuku mene ni na ndö ti gbalaka ti KOTA GBIA, na pekoni ala yeke te kasa ni.

Kolose 1:20

Nzapa ayeda nga si songo akiri na popo ti lo na aye ti dunia kue na lege ti Molenge ti lo. Lo mu siriri na aye kue na lege ti mene ti Molenge ti lo so ayuru na ndö ti keke ti kroa. Tongaso, songo akiri na popo ti lo na aye kue, ataa aye ti sese, ataa aye ti yayu kue.

Ahebro 10:22

Tongaso, e ga nduru na Nzapa na be ti e oko nga na be so asi singo na mabe, be so e hinga, e tene, a *sukula asioni kue daa awe na tere so a sukula ni awe na mbeni nzoni ngu.

1 Jean 1:3

Ye so e baa si e ma tënë ni, e yeke tene tënë ni na ala titene ala nga, ala yeke na beoko na e. Beoko so e yeke na ni na Babâ nga na Molenge ti lo Jésus Christ laa.

Awafango-ngbanga 20:26

Tongaso, azo ti Israel kue amu lege ague na Betel. Kâ, ala duti ti toto na dawa ti KOTA GBIA, ala ke kobe ngbii asi na lakui. Ala mu na KOTA GBIA *sandaga so a yeke gbi ni kue na wâ nga na sandaga ti beoko.

Awafango-ngbanga 21:4

Lango oko na pekoni, so ndo angba kâ, azo ti Israel alondo, ala leke mbeni gbalaka na ndo ni so. Ala mu *sandaga so a yeke gbi ni kue na wâ nga na sandaga ti beoko.