Awayango-sandaga 27:9 - Mbeti ti Nzapa - Tënë so amu fini

⁹ “Tongana zo ni amu zendo ti mu nyama na *sandaga na KOTA GBIA, nyama so zo ni amu na KOTA GBIA aga ye so a zia nde ndali ti lo awe.

Awayango-sandaga 27:9 ပူးပေါင်းရင်းမြစ်များ

Amato 20:25

Tongana zo amu zendo ti mu ye na Nzapa, ayeke nzoni lo gbu li ti lo mbirimbiri kozoni si. Tongana lo mu zendo ni si lo gbu li ti lo na peko, fade ayeke ga kuku ndali ti lo.

Zo ti bongbingo azo 5:6

Ndo so bango-li ayeke daa mingi nga na ndo so gba ti atënë ayeke daa mingi, asenge senge ye ayeke daa mingi. Ndani laa, alingbi mo kpe mbeto ti Nzapa.

Ezekiel 48:14

Zo oko alingbi ti ka sese ni pepe, wala ti mu ti lo ti sanze na ti mba ti lo pepe; asese so ayeke asese so azo amu na KOTA GBIA, tongana ti so ala mu akozo le ti kobe ti ala na lo; zo oko alingbi ti mu ni na mbeni zo pepe, ngbanga ti so a zia sese ni nde ndali ti KOTA GBIA.”

Awayango-sandaga 27:10

Alingbi zo asanze nyama ni na mbeni nyama nde pepe, ataa nyama ni ayeke nzoni, wala ayeke sioni. Me tongana zo asanze nyama ni, anyama ni use kue ayeke ga aye so a zia nde ndali ti KOTA GBIA.

Awayango-sandaga 27:8

“Tongana zo ni ayeke wayere ahon ndoni si lo yeke na ngangu ti futa angere so pepe, zo so lo mu zendo ti mu lo na Nzapa so, lo yeke ga na zo ni na dawa ti wayango-sandaga. Wayango-sandaga ayeke fa ngere ti zo ni alingbi na ngangu ti zo so amu zendo so.

Awayango-sandaga 5:15

“Tongana mbeni zo asara ye so ayeke sioni mingi ti ke ye so alingbi fade ti mu na *sandaga na KOTA GBIA, me lo sara ni na mbana ti be ti lo pepe, ye so lo lingbi ti sara na KOTA GBIA ti leke na tënë ti lo ayeke so: lo yeke ga na koli-taba so mbeni mbage ti tere ti lo abuba pepe, so ngere ti lo alingbi na ngere ti taba so a yeke mu ka na ndo so a zia nde ndali ti Nzapa.

Matthieu 15:5

Me ti ala, ala tene: ‘Zo so atene na babâ wala mama ti lo, atene: Mbi ye fade ti mu ye na mo ti sara nzoni na mo, me mbi zia ni nde ti mu na Nzapa,