Awayango-sandaga 27:2 - Mbeti ti Nzapa - Tënë so amu fini

² Tene na azo ti Israel, mo tene: “Tongana mbeni zo amu zendo ti mu mbeni zo na KOTA GBIA, lo lingbi ti mu nginza so alingbi na ngere ti zo ndali ti zendo so lo mu.

Awayango-sandaga 27:2 ပူးပေါင်းရင်းမြစ်များ

2 Agbia 12:5

Mbeni lâ, Yoas atene na awayango-sandaga, atene: “Nginza so kue azo azia nde ndali ti KOTA GBIA si ala yeke ga na ni na da ti *KOTA GBIA, wala nginza ti azo so a diko wungo ti ala, wala nginza ti lapo so zo oko oko afuta ni alingbi na ngangu ti lo, wala nginza so azo amu na nzoni be,

Zo ti bongbingo azo 5:3

Tongana mo mu zendo ti sara mbeni ye na Nzapa, ayeke nzoni mo sara ye ni hio, ngbanga ti so Nzapa aye azo ti buba pepe. Tongana mo mu zendo awe, ayeke nzoni mo sara ye ni.

Awayango-sandaga 27:1

KOTA GBIA atene na Moïse:

Wungo ti azo 21:2

Tongaso, azo ti Israel adeba yanga ti ala na *KOTA GBIA, ala tene: “Tongana mo zia azo so na maboko ti e, fade e yeke buba agbata ni biani biani si aga ti mo, KOTA GBIA.”

Wungo ti azo 30:3

“Tongana mbeni koli amu zendo ti sara mbeni ye na KOTA GBIA, wala lo deba yanga ti lo ti ke ti sara mbeni ye, alingbi lo sara ye alingbi na dengo ba ti yanga ti lo; alingbi lo sara ye alingbi gi na zendo so lo mu.

Wungo ti azo 6:2

“Tene na azo ti Israel, mo tene: Tongana mbeni koli wala mbeni wali ayeda ti deba yanga ti lo ti ga nazir ti sara gi kua ti KOTA GBIA,

Ndia ti fani use ni 23:24

Me tongana mbeni tënë ti zendo asigigi na yanga ti ala, alingbi ala sara ye ti peko ni. Tënë so ala wani na be ti ala atene na KOTA GBIA Nzapa ti ala, alingbi ala sara kue ti sara ye alingbi na ni.

Awafango-ngbanga 11:39

Na peko ti nze use, molenge ni akiri na tere ti babâ ti lo si babâ ni asara na lo alingbi na zendo so lo mu. Andaa molenge-wali ni ade ti hinga koli pepe. Ye ni so aga mbeni ndia na sese ti Israel.

1 Samuel 1:11

Lo mu zendo, lo tene: “KOTA GBIA, mo so mo yeke na ndö ti dunia kue, baa mawa ti mbi, zo ti gbe ti mo. Dabe ti mo na mbi, mo girisa mbi pepe. Mu na mbi molenge-koli, fade mbi kiri mbi mu lo na mo, KOTA GBIA titene lo sara kua na mo na lango ti fini ti lo kue. Fade a yeke kio kua ti li ti lo oko pepe.”

1 Samuel 1:28

Fadeso, mbi nga, mbi ye ti mu lo na KOTA GBIA; mbi mu lo na KOTA GBIA titene lo ga zo ti KOTA GBIA na lango ti fini ti lo kue.” Na pekoni, Elkana na asewa ti lo akuku, akpo li ti ala na sese na gbe ti KOTA GBIA.