Awayango-sandaga 26:9 - Mbeti ti Nzapa - Tënë so amu fini

⁹ Mbi yeke ga na mbage ti ala ti sara nzoni be na ala; mbi yeke sara si ala du mingi, mbi yeke sara si ala wu mingi; mbi yeke bata lege ti *mbuki ti mbi na ala.

Awayango-sandaga 26:9 ပူးပေါင်းရင်းမြစ်များ

Tongo nda ti aye 1:28

Nzapa asara tufa na ndö ti ala si lo tene na ala: “Ala du, ala wu mingi, ala mu ndö ti sese kue, ala sara titene aye ti sese kue aduti na gbe ti ala! Ala sara komandema na ndö ti asusu ti ya ti kota ngu-ingo, na ndö ti andeke ti nduzu, na ndö ti anyama so kue ayeke hara harango na sese!”

Tongo nda ti aye 17:20

Ti Ismael, mbi ma tënë ti mo awe. Baa, mbi yeke sara tufa na ndö ti lo; mbi yeke sara titene lo du amolenge, ala wu ahon ndoni. Lo yeke ga babâ ti amakonzi baleoko na use si mbeni kota mara ayeke baa gigi na lege ti lo.

Tongo nda ti aye 22:17

fade mbi yeke sara tufa na ndö ti mo gbani gbani. Mbi yeke sara titene *ahale ti mo awu mingi tongana atongoro ti le ti nduzu, nga tongana mbutu ti yanga ti kota ngu-ingo. Fade ahale ti mo ayeke mu akodro ti awato ti ala.

Tongo nda ti aye 26:4

Mbi yeke sara titene ahale ti mo awu mingi tongana atongoro ti le ti nduzu; mbi yeke mu asese so kue na ala. Fade a yeke sara tufa na ndö ti amara ti ndö ti sese kue na lege ti ahale ti mo.

Tongo nda ti aye 28:14

Fade ahale ti mo ayeke wu mingi tongana fuku ti sese. Ala yeke mu ndö ti sese ni kue, na mbage ti Do, na mbage ti To, na mbage ti Banga, nga na mbage ti Mbongo. Fade a yeke sara tufa na ndö ti amara ti dunia kue na lege ti mo, na ahale ti mo.

Tongo nda ti aye 28:3

Ayeke nzoni Nzapa so ngangu ti lo ahon angangu kue asara tufa na ndö ti mo. Lo yeke sara titene mo du amolenge, ala wu mingi. Lo yeke sara titene azo ti amara mingi mingi abaa gigi na lege ti mo.

Tongo nda ti aye 48:4

Lo tene na mbi: ‘Baa, mbi yeke sara titene mo du ande amolenge, ala wu mingi. Mbi yeke sara titene azo ti amara mingi mingi abaa gigi na lege ti mo. Mbi yeke mu sese so na *ahale ti mo na peko ti mo si angba ti ala biani kpu na kpu.’

Tongo nda ti aye 6:18

Me mbi yeke leke ande *mbuki ti mbi na mo. Mo li na ya ti mangboko ni, mo na amolenge ti mo, wali ti mo, na awali ti amolenge ti mo.

1 Agbia 3:8

Mbi zo ti kua mo, mbi yeke na li ti azo ti mo so mo soro ala. Ala yeke gbani gbani, zo alingbi ti diko ala pepe.

2 Agbia 13:23

Me KOTA GBIA asara nzoni be na azo ti Israel, lo baa mawa ti ala; lo kiri na mbage ti ala ndali ti *mbuki so lo sara na Abraham, Isaac na Jacob. Nilaa lo ye ti fâ ala kue pepe. Na ngoi so, ade lo tumba ala yongoro na tere ti lo pepe.

Néhémie 2:20

Mbi kiri tënë na ala: “Nzapa ti yayu wani laa ayeke sara titene kua ni aga nzoni. E yeke azo ti kua ti lo, e yeke londo ti kiri ti leke gbata ni. Me ti ala, mbeni ye ti ala oko ayeke na ya ti gbata ni pepe, ala yeke nga na komandema na ya ti gbata ni pepe. Zo ayeke kiri ti dabe ti lo na ala pepe!”

Néhémie 9:23

Mo sara si *ahale ti ala awu mingi tongana atongoro ti yayu. Mo sara si ala li na sese so mo hunda ando na akotara ti ala titene ala gue, amu ni si aga ti ala.

Abia (Psaumes) 107:38

Lo yeke sara tufa na ndö ti ala, lo yeke sara si ala wu mingi si wungo ti anyama ti ala akiri aga kete pepe.

Abia (Psaumes) 89:3

Biani, mbi tene: Nzoni be ti mo angba kpu na kpu, mo yeke bata tënë ti yanga ti mo tongana le ti nduzu so angba lakue.

Sigingo 1:7

Azo ti Israel adu gbani si ala wu ahon ndoni, ngangu ti ala ayeke gue guengo na nduzu; ala si singo na ya ti kodro ni.

Sigingo 2:25

Nzapa abaa azo ti Israel si tënë ti ala agbu be ti lo.

Sigingo 6:4

Na pekoni, mbi sara *mbuki na ala; mbi mu zendo ti mu na ala sese ti Kanaan so ala duti ando daa tongana awande.

Ésaïe 55:3

Ala dingi mê ti ala, ala ma mbi, ala ga na mbi. Ala ma mbi si fade ala yeke duti na fini. *KOTA GBIA atene: “Mbi na ala, e yeke sara *mbuki so ayeke ngba lakue lakue; mbi yeke mu na ala anzoni ye so mbi mu zendo ni na David.

Jérémie 23:3

“Na pekoni, mbi wani, mbi yeke bongbi tanga ti ataba ti mbi na ya ti akodro so kue mbi kangbi ando ala daa. Fade mbi yeke kiri na ala na ndo ti tengo pere ti ala. Kâ, ala yeke kiri ti du mingi si ala ga gbani gbani.

Jérémie 23:4

Mbi yeke zia na li ti ala awabatango-taba so fade ayeke bata ala nzoni. Tongaso, mbeto ayeke kiri ti sara ataba ni pepe, ala yeke do nga na mbeto pepe si mbeni oko ti ala ayeke kiri ti girisa pepe; so tënë ti yanga ti KOTA GBIA laa.”

Jérémie 33:3

Mo iri mbi, fade mbi yeke yeda; mbi yeke fa na mo akota ye, aye so angba na hondengo ni so mo hinga pepe.

Ezekiel 16:62

Mbi yeke kiri ti sara mbuki ti mbi na mo si mo yeke hinga, mo tene, mbi yeke KOTA GBIA.

Ezekiel 36:9

Biani, mbi yeke ga na mbage ti ala, mbi yeke kiri na mbage ti ala; azo ayeke kiri ti fâ yaka na ndö ti sese ti ala si ala lu kobe daa.

Awayango-sandaga 26:15

tongana ala ke andia ti mbi, tongana ala ke lege ti asarango ye so mbi fa na ala si ala sara ye alingbi na atënë ti yanga ti mbi pepe, tongana ala buba ya ti mbuki ti mbi,

Nzoni Tënë so Luc asu na mbeti 1:72

Lo sara nzoni be na akotara ti e ti dabe ti lo na *mbuki ti lo so ayeke nde si ayeke nzoni kue.

Ndia ti fani use ni 28:11

Fade KOTA GBIA ayeke sara si ala du amolenge mingi; anyama ti ala adu gbani gbani, akobe ti ayaka ti ala ale gbani gbani.

Ndia ti fani use ni 28:4

Fade lo yeke sara tufa si ala du amolenge mingi, akobe ti ayaka ti ala ayeke le gbani gbani; abagara, ataba na angasa ti ala ayeke du gbani gbani.

Ndia ti fani use ni 7:13

Lo yeke ye ala, lo yeke sara tufa na ndö ti ala, lo yeke sara si ala du amolenge mingi. Lo yeke sara tufa na ndö ti akobe ti yaka ti ala, ble ti ala, fini vin ti ala na mafuta ti ala. Lo yeke sara si abagara ti ala, ataba ti ala na angasa ti ala adu mingi na ya ti kodro so lo yeke mu na ala, alingbi na zendo so lo mu na akotara ti ala.

Ahebro 8:9

Mbuki ni ayeke duti nde na ti so lani mbi na akotara ti ala e sara na ngoi so mbi gbu maboko ti ala ti sigigi na ala na Ezipte. Kota Gbia atene: Akotara ti ala angba na ya ti mbuki ni pepe, nilaa mbi nga, mbi do ala, mbi zia.