Awayango-sandaga 26:3 - Mbeti ti Nzapa - Tënë so amu fini

³ “Tongana ala sara ye alingbi na andia ti mbi, tongana ala bata atënë ti ndia ti mbi si ala sara ye alingbi na ni,

Awayango-sandaga 26:3 ပူးပေါင်းရင်းမြစ်များ

Néhémie 1:9

Me tongana mbeni lâ, ala kiri na mbi, tongana ala bata atënë ti ndia ti mbi, tongana ala sara ye alingbi na ni, fade mbi yeke bongbi ala na ndo oko. Ataa a gbu ala si a gue na ala na mbeni kodro so ayeke na nda ti sese, mbi yeke kiri na ala na ndo so mbi soro titene iri ti mbi aduti daa.’

Sigingo 23:25

Tongana ala voro gi mbi oko KOTA GBIA, Nzapa ti ala, fade mbi yeke sara tufa na ndö ti kobe ti ala nga na ndö ti ngu ti ala; fade mbi yeke tumba kobela yongoro na tere ti ala.

Ésaïe 1:19

Tongana ala yeda si ala ma tënë ti mbi, fade ala yeke te anzoni kobe ti kodro ni.

Ésaïe 30:23

Fade KOTA GBIA ayeke tokua ngu-Nzapa na ndö ti ale ti kobe so mo lu. Kobe so sese ayeke mu na mo ayeke duti gbani gbani si ayeke nzere mingi. Na lango ni so, anyama ti mo ayeke gue ti te pere na ndo so akono.

Jérémie 11:4

Ando, mbi sara si akotara ti ala asigigi na sese ti Ezipte so ayeke tongana kota wâ so a yeke kporo wen na ya ni. Na ndembe ni so, mbi mu yanga na ala, mbi tene: Ala ma tënë ti mbi, ala sara ye so kue mbi mu yanga na ala ti sarango ni. Tongaso, fade ala yeke duti azo ti mbi si mbi, mbi yeke duti Nzapa ti ala.

Awayango-sandaga 19:25

Na oku ngu ni, fade ala lingbi ti te le ti akeke ni senge. Tongana ala sara tongaso, fade ale ti kobe ti ala ayeke gue guengo na nduzu. Mbi laa mbi yeke KOTA GBIA, Nzapa ti ala.

Zakarii 8:12

Biani, fade mbi yeke sara si siriri amu ndö ti sese kue, akeke ti *vinye ayeke le, sese ayeke du ale ti kobe, yayu ayeke tokua ngu-Nzapa. Mbi yeke mu anzoni ye so na tanga ti azo ti Israel so angba titene aga ye ti ala.

Malashii 3:10

Adime ti aye so ala wara, ala ga na ni kue na ya ti kubu ti batango mosoro ti da ti mbi titene kobe aduti lakue na ya ti da ti mbi. Ala sara tongaso ti tara mbi, ala baa tongana mbi zi fenetere ti yayu ti tuku anzoni ye ti mbi gbani gbani na ndö ti ala pepe si. Tënë so KOTA GBIA so ayeke na ndö ti dunia kue atene laa.

Ndia ti fani use ni 7:12

Tongana ala dingi mê ti ala ti ma atënë ti ndia ni, tongana ala bata ni si ala sara ye alingbi na ni, fade KOTA GBIA ayeke bata ndali ti ala tënë ti mbuki so lo na akotara ti ala asara ni; lo yeke ngba ti sara nzoni be na ala.

Aye so Nzapa afa 22:14

Ti ala nzoni, ala so asukula bongo ti ala avuru, tongaso si ala wara lege ti te lengo ti keke so ayeke mu fini na zo si ala wara nga lege ti li na ayanga ti gbagba ni ti gue na ya ti gbata ni.