Awayango-sandaga 22:4 - Mbeti ti Nzapa - Tënë so amu fini

⁴ Mbeni hale ti Aaron so ayeke na kobela ti poro ti tere, wala mbeni sioni kobela so ayeke yuru na lege ti tere ti lo ti koli, alingbi lo te *sandaga so a zia nde ndali ti Nzapa so pepe. Kozo titene lo te ni, alingbi *a sukula asioni ti lo si. Tënë so ayeke legeoko ndali ti zo so aga *sioni na lege so lo ndu mbeni kuâ, wala zo so ngu ti tere ti lo ti koli ayuru.

Awayango-sandaga 22:4 ပူးပေါင်းရင်းမြစ်များ

Awayango-sandaga 11:39

“Tongana mbeni nyama so ala lingbi ti te ni akui, zo so andu kuâ ni, lo yeke ngba *sioni ngbii asi na lakui.

Awayango-sandaga 15:17

Bongo wala ye so kue a sara na poro ti nyama si ngu ti tere ti koli ni ati na ndö ni, alingbi a sukula ni; aye ni ayeke ngba *sioni ngbii asi na lakui.

Awayango-sandaga 2:10

Tanga ti sandaga ni ayeke ga ti Aaron na amolenge ti lo. So ayeke sandaga so a zia ni nde si ayeke nzoni kue ahon atanga ni, ngbanga ti so alondo na lege ti sandaga so a gbi ni kue na wâ ndali ti KOTA GBIA.

Awayango-sandaga 2:3

Tanga ti sandaga ni ayeke ga ti Aaron na amolenge ti lo; tanga ti sandaga ni ayeke nde si ayeke nzoni kue ahon atanga ni, ngbanga ti so alondo na lege ti sandaga so a gbi ni kue na wâ ndali ti KOTA GBIA.

Awayango-sandaga 21:1

KOTA GBIA atene na Moïse: Tene na amolenge ti Aaron so ala yeke awayango-sandaga, mo tene: “Alingbi mbeni wayango-sandaga aga *sioni pepe na lege ti gango nduru na kuâ ti mbeni zo ti sewa ti lo.

Awayango-sandaga 21:22

Lo lingbi ti te kobe so azo aga na ni na mbi na *sandaga so senge, kobe ni so ayeke nde si ayeke nzoni kue ahon atanga ni, ayeke nde si ayeke nzoni kue.

Aggée 2:13

Aggée akiri ahunda ala, atene: “Tongana mbeni zo andu kuâ ti zo, andaa lo ga *sioni awe. Na pekoni, tongana lo kiri lo ndu mbeni kobe ni so, kobe ni aga nga *sioni awe?” Awayango-sandaga akiri tënë: “Een, aga *sioni awe!”

Wungo ti azo 18:19

Asandaga ti azo ti Israel so a zia ni nde ti mu na mbi KOTA GBIA so, mbage ni ayeke ga ti mo, ti amolenge ti mo ti koli na ti wali. Ye ni so ayeke ndia ndali ti ala kpu na kpu, ye ni ayeke tongaso ndali ti *mbuki so zo alingbi ti buba ya ni pepe; mbuki ni ayeke ngba kpu na kpu na dawa ti mbi ndali ti mo, Aaron na ahale ti mo.”

Wungo ti azo 18:9

Na popo ti *asandaga so ayeke nde si ayeke nzoni kue ahon atanga ni, asandaga so a gbi ni na wâ pepe, ala so ayeke ga ti ala ayeke so: asandaga so kue azo ti Israel amu, so ti tene asandaga ti ale ti kobe kue, asandaga so ala mu ndali ti zingo siokpari na li ti zo nga na asandaga ti lekengo tënë so ala ga na ni na mbi. Aye so ayeke nde si ayeke nzoni kue ahon atanga ni so, aye ni ayeke ga ti mo na ti amolenge ti mo.

Wungo ti azo 19:20

“Me tongana mbeni zo aga *sioni si lo *sukula sioni ti lo pepe, alingbi a zi lo na ya ti bongbi ti azo ti Israel. Biani, lo sara si da so a zia nde ndali ti KOTA GBIA aga *sioni awe. Zo ni ayeke ngba *sioni ndali ti so ade ti fi ngu ti sukulango sioni ti lo pepe titene lo ga *nzoni.