Awayango-sandaga 22:2 - Mbeti ti Nzapa - Tënë so amu fini

² “Tene na Aaron nga na amolenge ti lo ti koli titene ala buba iri ti mbi so ayeke nde si ayeke nzoni kue pepe, alingbi ala duti yamba na tere ti asandaga so azo ti Israel azia nde ndali ti mbi. Mbi laa mbi yeke KOTA GBIA.

Awayango-sandaga 22:2 ပူးပေါင်းရင်းမြစ်များ

Esdras 8:28

Mbi tene na ala: “A zia ala nde ndali ti kua ti *KOTA GBIA awe. Legeoko nga a zia aye so nde ndali ti lo awe. Wen ti nginza na lôro so ayeke aye so azo amu na be ti ala wani na KOTA GBIA, Nzapa ti akotara ti ala.

Sigingo 13:12

Tongana ala si kâ, fade ala yeke mu na KOTA GBIA amolenge-koli so azi lege ti dungo ni na mama ti ala nga na amolenge ti nyama so azi lege ti dungo ni na mama ti ala. Ala kue ayeke ti KOTA GBIA.

Sigingo 28:38

Aaron ayeke yu palata ni so lakue na ndö ti le ti lo na ndembe so lo yeke ga na dawa ti mbi KOTA GBIA. Ndali ni, mbi yeke yeda na *asandaga so azo ti Israel ayeke ya na mbi, ataa ala sara asioni ye na lege ti gango na asandaga ni na mbi.

Ésaïe 52:11

Ala so ayeke yo akungba so a zia nde ndali ti kua ti *KOTA GBIA, ala hon, ala hon, ala londo na Babilone, ala hon! Ye so ayeke sioni, ala ndu ni pepe. Ala bata tere ti ala *nzoni na sigingo ti ala.

Ezekiel 44:8

Ala wani asara kua pepe na ndo so a zia ni nde ndali ti mbi, me ala mu kua ni na awande titene ala sara ni na plase ti ala.

Awayango-sandaga 15:31

“Moïse, mo na Aaron, fade ala yeke tene na azo ti Israel: na ndembe so ala ga *sioni awe, ayeke nzoni ala duti yamba na tere ti ndo so ayeke nde si ayeke nzoni kue. Tongaso si ala kui pepe ndali ti so ala sara si da ti mbi aga *sioni; so ti tene da ti mbi so ayeke na popo ti ala so.”

Awayango-sandaga 18:21

“Alingbi mo mu mbeni molenge ti mo oko pepe titene a gbi lo na wâ na *sandaga na nzapa Molek. So fade ayeke sara si iri ti mbi, Nzapa ti mo abuba: mbi laa mbi yeke KOTA GBIA.

Awayango-sandaga 19:12

Ala mu iri ti mbi ti deba na ni na lege ti mvene pepe. Tongana ala sara tongaso, andaa ala buba iri ti mbi, Nzapa ti ala. Mbi laa mbi yeke KOTA GBIA.

Awayango-sandaga 20:3

Ti mbi, fade mbi yeke ga na tere ti zo ni so. Mbi yeke tumba lo na popo ti azo ti Israel, ngbanga ti so lo mu mbeni molenge ti lo oko na sandaga na Molek. Sarango mara ti ye tongaso asara si ndo so a zia nde ndali ti mbi aga *sioni si iri ti mbi so ayeke nde si ayeke nzoni kue aga nga sioni.

Awayango-sandaga 21:6

Alingbi ala duti nde ndali ti mbi, Nzapa ti ala; ala sara si iri ti mbi, Nzapa ti ala abuba pepe. Biani, ala laa ayeke ya na mbi asandaga so ayeke kobe ti mbi, KOTA GBIA Nzapa ti ala. Alingbi ala duti nde, ala duti nzoni kue.

Awayango-sandaga 22:1

KOTA GBIA atene na Moïse:

Awayango-sandaga 22:32

Iri ti mbi so ayeke nde si ayeke nzoni so kue so, ala buba ni pepe. Ala azo ti Israel, ala sara si azo ane iri ti mbi so ayeke nde si ayeke nzoni kue. Mbi KOTA GBIA laa, mbi yeke sara titene ala duti nde si ala duti nzoni kue.

Wungo ti azo 18:32

Tongana ala zi nzoni mbage ti aye ni so ndali ti mbi KOTA GBIA awe, tanga ni so, ala lingbi te ni senge. Tongana ala te ni, so sioni laa ala sara so pepe, so ayeke bingo buba pepe na tere ti *asandaga so azo ti Israel aga na ni na mbi. Tongana ala sara tongaso, fade ala yeke kui pepe.”

Ndia ti fani use ni 15:19

Moïse atene: Ala azo ti Israel, fade ala yeke mu akozo molenge-koli ti abagara ti ala, ti ataba na ti ngasa ti ala, ala zia ni nde ndali ti *KOTA GBIA Nzapa ti ala. Ala yeke mu kozo molenge ti koli-bagara ti fâ na yaka pepe, ala yeke fâ kua ti tere ti kozo molenge ti taba pepe.