Awayango-sandaga 20:3 - Mbeti ti Nzapa - Tënë so amu fini

³ Ti mbi, fade mbi yeke ga na tere ti zo ni so. Mbi yeke tumba lo na popo ti azo ti Israel, ngbanga ti so lo mu mbeni molenge ti lo oko na sandaga na Molek. Sarango mara ti ye tongaso asara si ndo so a zia nde ndali ti mbi aga *sioni si iri ti mbi so ayeke nde si ayeke nzoni kue aga nga sioni.

Awayango-sandaga 20:3 ပူးပေါင်းရင်းမြစ်များ

Sigingo 30:33

Zo so atara ti sara mara ti mafuta so si lo zia ni na tere ti mbeni senge zo, fade a yeke tumba lo na ya ti bongbi ti azo.’ ”

Ezekiel 20:39

Ti ala, azo ti Israel, tënë so mbi Kota Gbia NZAPA, mbi tene ayeke so: Ayeke nzoni zo oko oko ague, avoro ayanda ti lo ma! Me na pekoni, e yeke baa wala ala yeke ngba ti ke yanga ti mbi. Tongaso, iri ti mbi so ayeke nde si ayeke nzoni kue, ala yeke kiri ti sara si aga sioni pepe na lege ti amatabisi ti ala nga na lege ti vorongo ayanda ti ala.

Ezekiel 5:11

“Fini ti mbi, Nzapa! So tënë ti yanga ti mbi, Kota Gbia NZAPA laa: Ndo so a zia ni nde ndali ti mbi, ala sara si aga *sioni na lege ti asioni sarango ye ti ala nga na lege ti afungo yanda ti ala. Mbi nga, mbi yeke gboto tere ti mbi, mbi yeke baa mawa ti ala oko pepe, mbi yeke zia zo oko pepe.

Awayango-sandaga 15:31

“Moïse, mo na Aaron, fade ala yeke tene na azo ti Israel: na ndembe so ala ga *sioni awe, ayeke nzoni ala duti yamba na tere ti ndo so ayeke nde si ayeke nzoni kue. Tongaso si ala kui pepe ndali ti so ala sara si da ti mbi aga *sioni; so ti tene da ti mbi so ayeke na popo ti ala so.”

Awayango-sandaga 17:10

“Tongana mbeni zo ti Israel, wala mbeni wande so ayeke duti na popo ti ala ate mene, ataa mara ti mene wa, fade mbi KOTA GBIA, mbi yeke ga na tere ti lo, mbi yeke zi lo na popo ti bongbi ti azo ti Israel.

Awayango-sandaga 18:21

“Alingbi mo mu mbeni molenge ti mo oko pepe titene a gbi lo na wâ na *sandaga na nzapa Molek. So fade ayeke sara si iri ti mbi, Nzapa ti mo abuba: mbi laa mbi yeke KOTA GBIA.

Awayango-sandaga 19:12

Ala mu iri ti mbi ti deba na ni na lege ti mvene pepe. Tongana ala sara tongaso, andaa ala buba iri ti mbi, Nzapa ti ala. Mbi laa mbi yeke KOTA GBIA.

Awayango-sandaga 20:4

Tongana azo ti kodro akanga le na ndö ti sarango ye ti zo ni so si ala fâ lo pepe,

Awayango-sandaga 21:6

Alingbi ala duti nde ndali ti mbi, Nzapa ti ala; ala sara si iri ti mbi, Nzapa ti ala abuba pepe. Biani, ala laa ayeke ya na mbi asandaga so ayeke kobe ti mbi, KOTA GBIA Nzapa ti ala. Alingbi ala duti nde, ala duti nzoni kue.

Awayango-sandaga 7:20

Me zo so ayeke *sioni si ate kasa ti nyama so a mu na sandaga ti beoko na KOTA GBIA, fade a yeke tumba zo ni so na ya ti bongbi ti azo ti Israel.

Awayango-sandaga 7:21

Tongana mbeni zo andu ye so kue ayeke *sioni, wala zo so ayeke *sioni, wala nyama so ayeke *sioni, wala mbeni ye so ayeke sioni mingi si ayeke *sioni si na pekoni lo te kasa ti nyama so a mu na sandaga ti beoko na KOTA GBIA, fade a yeke tumba zo ni so na ya ti bongbi ti azo ti Israel.”

Wungo ti azo 19:13

Zo so kue ayeke ndu kuâ ti mbeni zo si lo *sukula sioni ti lo pepe, andaa lo sara si da ti KOTA GBIA aga *sioni. Ayeke nzoni a zi lo na popo ti azo ti Israel; fade *sioni ti lo ni ayeke ngba na tere ti lo, ngbanga ti so a fi ngu ti sukulango sioni ti lo pepe.

Wungo ti azo 19:20

“Me tongana mbeni zo aga *sioni si lo *sukula sioni ti lo pepe, alingbi a zi lo na ya ti bongbi ti azo ti Israel. Biani, lo sara si da so a zia nde ndali ti KOTA GBIA aga *sioni awe. Zo ni ayeke ngba *sioni ndali ti so ade ti fi ngu ti sukulango sioni ti lo pepe titene lo ga *nzoni.

2 Korente 6:16

Nyen laa abongbi da ti Nzapa na anzapa nde, nyen? E yeke tongana da ti Nzapa, lo so lo yeke na fini. Nzapa wani atene: “Fade mbi yeke duti na popo ti azo ni si mbi yeke tambula na popo ti ala; mbi yeke duti Nzapa ti ala si ala yeke duti azo ti mbi.”

1 Pierre 3:12

Biani, le ti *Kota Gbia ayeke na ndö ti azo ti mbirimbiri, mê ti lo ayeke ma sambela ti ala; me ti azo so ayeke sara ye ti sioni, Kota Gbia ayeke londo ti ke ala.”