Awayango-sandaga 2:4 - Mbeti ti Nzapa - Tënë so amu fini

⁴ “Tongana mbeni zo aye ti mu sandaga ti mapa so a zö na ya ti fur, alingbi lo zia mama ni daa pepe. Lo lingbi ti ga na agatoo so a yoro na mafuta wala makara so a yoro na mafuta, me a sara na mama ti mapa pepe.

Awayango-sandaga 2:4 ပူးပေါင်းရင်းမြစ်များ

Abia (Psaumes) 22:14

Ala yeke tongana abamara so ayeke toto, ala zi yanga ti ala na tere ti mbi si ala ye ti suru ya ti mbi surungo.

Sigingo 12:8

Na bi ni so, ala yeke zö kasa ti nyama ni zongo si ala te ni na mapa so a sara na mama ni pepe; ala yeke te nga kasa ni na pere so asee sengo.

Sigingo 16:31

Azo ti Israel adi iri ti kobe ni *mane. Mane ayeke tongana lengo ti pere so iri ni koriandre, avuru vurungo, nzerengo ni ayeke tongana nzerengo ti makara so a sara na mafuta ti wotoro.

Sigingo 29:2

mo yeke mu farini ti *ble, mo sara na mapa so a sara na mama ni pepe, na agatoo so a sara na mafuta si mama ni ayeke daa pepe nga na makara so a sara na mama ni pepe si a kpaka mafuta na tere ni.

Ésaïe 42:1

*KOTA GBIA atene: “Baa, zo ti kua ti mbi laa, lo so mbi gbu lo na maboko ti lo, lo so mbi soro lo, mbi wara ngia na lege ti lo. Mbi zia Yingo ti mbi na ndö ti lo, fade lo yeke sara si sarango ye ti mbirimbiri abaa gigi ndali ti amara nde.

Ésaïe 61:1

Yingo ti Kota Gbia NZAPA ayeke na ndö ti mbi. Biani, *KOTA GBIA atuku mafuta na li ti mbi, lo tokua mbi ti fa nzoni tënë na awayere, ti kanga ka ti be ti azo so be ti ala afâ, ti tene na azo so a gbu ala na ngbaa atene, a zi ala awe, ti tene na azo ti kanga atene, ala yeke sigigi na ya ti kanga!

Ezekiel 46:20

Lo tene na mbi, lo tene: “Na ndo so laa awayango-sandaga ayeke to anyama so azo amu na *sandaga titene Nzapa azi sioni na li ti ala. Na ndo so nga laa awayango-sandaga ayeke to aye so azo amu na Nzapa. Tongaso si zo oko asigigi na mbeni ye ti sandaga ni na ya ti gbagba ti gigi ni pepe si azo ti kodro andu tere ti ye so ayeke nde si ayeke nzoni kue pepe.”

Awayango-sandaga 1:11

Zo ni ayeke fâ go ti nyama ni na dawa ti KOTA GBIA, na mbage ti Banga ti gbalaka ni. Tongaso awayango-sandaga, amolenge ti Aaron ayeke fi mene ni na tere ti gbalaka, angoro ni kue.

Awayango-sandaga 10:12

Moïse atene na Aaron nga na amolenge ti lo, Elazar na Itamar so angba na fini so, atene: “Ale ti kobe so azo aga na ni ti mu *sandaga so a yeke gbi ni kue na wâ na KOTA GBIA, ala zi ti lo na ya ni. Tanga ni so angba so, ala mu ni asara na mapa so a sara na mama ni pepe, ala te ni na tere ti gbalaka, ngbanga ti so ayeke mbeni kobe so ayeke nde si ayeke nzoni kue ahon atanga ni.

Awayango-sandaga 6:17

KOTA GBIA atene na Moïse:

Awayango-sandaga 7:12

Tongana mbeni zo aga na sandaga ti beoko titene lo mu singila na Nzapa, ayeke nzoni lo ga na gatoo so a tuku mafuta daa, a gbu ya ni si a sara na mama ni pepe; lo ga nga na makara so a kpaka mafuta na tere ni nga na gatoo so a sara na farini, a tuku mafuta daa si a gbu ya ni.

Wungo ti azo 6:15

Lo yeke kiri ti mu sakpa oko ti mapa so a sara na mama ni pepe, agatoo so a mu nzoni farini, a tuku mafuta daa si a sara na ni, nga na makara so a sara na mama ni pepe si a kpaka mafuta na tere ni. Lo yeke mu nga sandaga ti farini na sandaga ti samba na tere ti asandaga ti anyama ni so.

Matthieu 26:38

Tongaso lo tene na ala: “Be ti mbi ayeke na vundu mingi, mo baa mo tene, mbi ye ti kui kuingo; ala ngba na ndo so, mbi na ala, e lango pepe!”

Jean 12:27

“Fadeso be ti mbi ayeke na siriri pepe. Fade mbi yeke tene nyen? Wala mbi tene: ‘Babâ, zi mbi na ya ti ngoi ti pasi so ayeke ga!’ Me ayeke ngbanga ti ngoi ti pasi so laa mbi ga.

Jean 3:34

Zo so Nzapa atokua lo, lo yeke tene gi atënë ti Nzapa, ngbanga ti so Nzapa amu Yingo ti lo ahon ndoni na zo ni.

Ahebro 7:26

Mara ti kota wayango-sandaga so alingbi fade na e laa. Lo yeke nde si lo yeke nzoni kue, tënë ayeke na li ti lo oko pepe, lo sara siokpari oko pepe; lo kangbi na azo ti siokpari, Nzapa amu lo si azia lo na yayu kâ na ndö ti aye kue.

1 Pierre 2:1

Ala zia lege ti sarango amara ti asioni kue nga na sarango ye ti mayere. Tënë ti yanga ti ala ague nde na sarango ye ti ala pepe, ala zia lege ti kota be na ti dikongo asioni tënë na iri ti azo.

1 Pierre 2:22

Christ asara siokpari pepe; tënë ti mvene asigigi na yanga ti lo laoko pepe.