Awayango-sandaga 2:3 - Mbeti ti Nzapa - Tënë so amu fini

³ Tanga ti sandaga ni ayeke ga ti Aaron na amolenge ti lo; tanga ti sandaga ni ayeke nde si ayeke nzoni kue ahon atanga ni, ngbanga ti so alondo na lege ti sandaga so a gbi ni kue na wâ ndali ti KOTA GBIA.

Awayango-sandaga 2:3 ပူးပေါင်းရင်းမြစ်များ

Esdras 2:63

Govoronere agbanzi lege na ala ti te kobe so a zia ni nde gi ndali ti Nzapa. Ala yeke ku ngbii mbeni wayango-sandaga aga atene tënë na ndö ti ala na lege ti Urim na Tumim si.

Sigingo 29:37

Fade ala yeke mu lango mbarambara ti sara na matanga so. Na pekoni, ala yeke zia gbalaka ni nde ndali ti mbi. Tongaso gbalaka ni ayeke ga mbeni ye so ayeke nde si ayeke nzoni kue ahon atanga ni. Zo so kue wala ye so kue ayeke ndu gbalaka ni ayeke wara ye ti peko ni.”

Ezekiel 44:29

Ala laa ayeke te akobe so kue azo ayeke mu na Nzapa, anyama so a yeke mu na sandaga ndali ti siokpari nga na sandaga ti lekengo tënë. Na Israel, aye so kue azo azia nde biani biani ndali ti mbi ayeke ti ala.

Ezekiel 46:20

Lo tene na mbi, lo tene: “Na ndo so laa awayango-sandaga ayeke to anyama so azo amu na *sandaga titene Nzapa azi sioni na li ti ala. Na ndo so nga laa awayango-sandaga ayeke to aye so azo amu na Nzapa. Tongaso si zo oko asigigi na mbeni ye ti sandaga ni na ya ti gbagba ti gigi ni pepe si azo ti kodro andu tere ti ye so ayeke nde si ayeke nzoni kue pepe.”

Awayango-sandaga 10:15

Fade azo ti Israel ayeke ga na gere ti anyama ni na kate ni; ala yeke ga nga na akasa so mafuta ayeke daa mingi si a yeke gbi ni na ndö ti gbalaka so. Na peko ti so a ya na nduzu ti fa atene, a mu na KOTA GBIA, akasa ni ayeke ga ye ti mo na ti amolenge ti mo kpu na kpu, alingbi na yanga so KOTA GBIA amu.”

Awayango-sandaga 14:13

Wayango-sandaga ayeke fâ go ti kete taba ni na ndo so a yeke fâ ka go ti anyama so a yeke mu na sandaga ndali ti siokpari nga na sandaga so a yeke gbi ni kue na wâ; lo yeke fâ go ti nyama ni na ndo so a zia nde. Biani, sandaga ndali ti lekengo tënë na sandaga ndali ti siokpari ayeke ga ti wayango-sandaga; so ayeke ye so ayeke nde si ayeke nzoni kue ahon atanga ni.

Awayango-sandaga 2:10

Tanga ti sandaga ni ayeke ga ti Aaron na amolenge ti lo. So ayeke sandaga so a zia ni nde si ayeke nzoni kue ahon atanga ni, ngbanga ti so alondo na lege ti sandaga so a gbi ni kue na wâ ndali ti KOTA GBIA.

Awayango-sandaga 21:22

Lo lingbi ti te kobe so azo aga na ni na mbi na *sandaga so senge, kobe ni so ayeke nde si ayeke nzoni kue ahon atanga ni, ayeke nde si ayeke nzoni kue.

Awayango-sandaga 5:13

Tongana wayango-sandaga asara aye ni so kue na tere ti zo ni titene Nzapa azi siokpari na li ti lo, Nzapa azi siokpari ni awe. “Wayango-sandaga ayeke sara ye ni tongana ti so a yeke sara ndali ti sandaga ti ale ti kobe.”

Awayango-sandaga 6:9

Tanga ni so angba so, Aaron na amolenge ti lo alingbi ti te ni; me ala zia mama ti mapa na ya ni pepe. Fade ala te ni na mbeni ndo so ayeke nde si ayeke nzoni kue, so ti tene na ya ti gbagba ti da ti bongo so KOTA GBIA na azo ti lo ayeke wara tere daa.

Awayango-sandaga 7:7

Ndia ndali ti sandaga ti zingo siokpari na li ti zo ayeke legeoko na ndia ndali ti sandaga ti lekengo tënë. Kasa ti nyama ni ayeke ga ti wayango-sandaga so aya sandaga titene Nzapa azi siokpari na li ti azo so.”

Awayango-sandaga 7:9

Asandaga ti ale ti kobe so a zö na ya ti fur, wala so a to na ya ti tawa wala so a yoro ni na ya ti kpangbara sembe, ayeke ga ti wayango-sandaga so aya asandaga ni.

Wungo ti azo 18:9

Na popo ti *asandaga so ayeke nde si ayeke nzoni kue ahon atanga ni, asandaga so a gbi ni na wâ pepe, ala so ayeke ga ti ala ayeke so: asandaga so kue azo ti Israel amu, so ti tene asandaga ti ale ti kobe kue, asandaga so ala mu ndali ti zingo siokpari na li ti zo nga na asandaga ti lekengo tënë so ala ga na ni na mbi. Aye so ayeke nde si ayeke nzoni kue ahon atanga ni so, aye ni ayeke ga ti mo na ti amolenge ti mo.

1 Samuel 2:28

Na popo ti amara ti Israel kue, mbi soro kotara ti mo Aaron nga na *ahale ti lo titene ala ga awayango-sandaga ti mbi. Nilaa, lo yeke sara kua ti mungo *sandaga na ti zongo dukani na ndö ti gbalaka ti mbi; ala yeke baa mbi ndali ti ambeni ye. Asandaga so kue azo ti Israel aga na ni, mbi mu mbage ni na ala.