Awayango-sandaga 2:1 - Mbeti ti Nzapa - Tënë so amu fini

¹ “Tongana mbeni zo aye ti mu na *KOTA GBIA *sandaga ti ale ti kobe, alingbi lo mu farini, lo tuku mafuta daa si lo zia nga dukani daa.

Awayango-sandaga 2:1 ပူးပေါင်းရင်းမြစ်များ

Sigingo 29:2

mo yeke mu farini ti *ble, mo sara na mapa so a sara na mama ni pepe, na agatoo so a sara na mafuta si mama ni ayeke daa pepe nga na makara so a sara na mama ni pepe si a kpaka mafuta na tere ni.

Ésaïe 43:23

Ataba ti mo so a yeke gbi ni kue na wâ na *sandaga so, mo ga na ni na mbi pepe, mo mu ni ti gonda na mbi pepe. Mbi gbu mo na ngangu pepe ti ga ngbaa na mungo na mbi asandaga, wala mbi so li ti mo pepe ti zö na mbi dukani.

Ésaïe 66:20

Tongaso, azo ti amara ni ayeke mu a-ita ti ala, azo ti Israel kue ti kiri na ala: amara ni ayeke ga na a-ita ti ala ni na ndö ti mbarata, na ya ti apusu, na ya ti apusu ti mbarata so a sara da na ndö ni, na ndö ti *apâkârâ, na ndö ti *azambala ngbii ala si na Jérusalem, na ndö ti hoto ti mbi so ayeke nde si ayeke nzoni kue. Ye ni ayeke duti tongana *sandaga ti ala so ala mu na mbi. Mbi yeke yeda na ni tongana sandaga so azo ti Israel ayeke zia na ya ti sembe so ayeke *nzoni si ala yeke ga na ni na ya ti kota da ti mbi. Tënë so mbi KOTA GBIA, mbi tene laa.

Ezekiel 46:20

Lo tene na mbi, lo tene: “Na ndo so laa awayango-sandaga ayeke to anyama so azo amu na *sandaga titene Nzapa azi sioni na li ti ala. Na ndo so nga laa awayango-sandaga ayeke to aye so azo amu na Nzapa. Tongaso si zo oko asigigi na mbeni ye ti sandaga ni na ya ti gbagba ti gigi ni pepe si azo ti kodro andu tere ti ye so ayeke nde si ayeke nzoni kue pepe.”

Joël 1:9

Azo akiri aga na *sandaga ti le ti kobe pepe, wala ala kiri aga na sandaga ti samba na ya ti kota da ti KOTA GBIA pepe. Ndani laa awayango-sandaga so ayeke sara kua ti KOTA GBIA ayeke na mua.

Joël 2:14

E hinga pepe, fade lo yeke zia lege ti sara ye so lo leke na be ti lo ti sara. Fade lo yeke sara tufa na ndö ti ala si ala lingbi ti mu *sandaga ti *ble na ti samba na KOTA GBIA, Nzapa ti ala.

Awayango-sandaga 14:10

“Na lango miombe ni, lo yeke mu akete taba use so mbeni mbage ti tere ti ala abuba pepe, kete wali-taba ti ngu oko so mbeni mbage ti tere ti lo abuba pepe, *sandaga ti kilo gumbaya ti farini so a bongbi na mafuta si a gbu ya ni nga na ndambo ti litere ti mafuta.

Awayango-sandaga 24:7

Mo yeke zia dukani ti nzoni ni na ndö ti gba ti agatoo ni oko oko; fade a yeke zö ni kue na wâ ndali ti mbi titene aga ye ti dango be.

Awayango-sandaga 5:11

“Tongana mbeni zo ayeke na akolokoto use, wala ambipa use so na maboko ti lo pepe, lo lingbi ti ga na kilo ota ti farini na sandaga ndali ti siokpari ti lo. Me alingbi lo tuku mafuta daa wala lo zia dukani daa pepe. Biani, so ayeke sandaga ndali ti zingo siokpari na li ti zo laa.

Awayango-sandaga 6:7

“Ndia ndali ti mungo sandaga ti ale ti kobe ayeke so: Amolenge ti Aaron laa ayeke ga nduru na gbalaka si ala yeke ya sandaga ni na KOTA GBIA.

Awayango-sandaga 9:17

Lo ya sandaga ti ale ti kobe: lo mu mbeni farini asi ya ti maboko ti lo, lo zö ni kue na wâ na ndö ti gbalaka legeoko na sandaga ti ndaperere so a yeke gbi ni kue na wâ.

Awayango-sandaga 9:4

Ala yeke mu nga mbeni koli-bagara na mbeni koli-taba ndali ti sandaga ti beoko; ala yeke bongbi ni na farini so ala gbu ya ni na mafuta. Biani, laso laa KOTA GBIA ayeke si na ala.”

Malashii 1:11

Biani, ti londo na To ngbii asi na Do, amara nde ahinga so mbi yeke kota. Na ndo kue, azo ayeke zö dukani na mbi, ala yeke ga na asandaga so ayeke *nzoni. Biani, amara nde ahinga so mbi yeke kota. Tënë so KOTA GBIA so ayeke na ndö ti dunia kue atene laa.

Wungo ti azo 18:9

Na popo ti *asandaga so ayeke nde si ayeke nzoni kue ahon atanga ni, asandaga so a gbi ni na wâ pepe, ala so ayeke ga ti ala ayeke so: asandaga so kue azo ti Israel amu, so ti tene asandaga ti ale ti kobe kue, asandaga so ala mu ndali ti zingo siokpari na li ti zo nga na asandaga ti lekengo tënë so ala ga na ni na mbi. Aye so ayeke nde si ayeke nzoni kue ahon atanga ni so, aye ni ayeke ga ti mo na ti amolenge ti mo.

Wungo ti azo 28:5

ala bongbi ni na kilo ota ti farini, ala tuku litere oko na ndambo ti mafuta ti nzoni ni daa, ala gbu ya ni.

Wungo ti azo 29:18

Ala yeke mu ndali ti asandaga ti akoli-bagara, akoli-taba na akete taba ni, sandaga ti farini na sandaga ti samba, alingbi na wungo ti anyama ni tongana ti so ndia afa.

Wungo ti azo 7:13

Amatabisi so lo ga na ni ayeke so: kpangbara sembe oko ti wen ti nginza, nengo ni ayeke grame 1 300, du ti sembe oko ti wen ti nginza, nengo ni ayeke grame 700. Nengo ni kue alingbi na kilo so a yeke haka ka na ye na ndo so a zia nde ndali ti Nzapa. Asembe ni use kue asi na farini so a gbu ya ni na mafuta ndali ti *sandaga ti ale ti kobe.

Wungo ti azo 7:19

Amatabisi so lo mu ayeke so: kpangbara sembe oko ti wen ti nginza, nengo ni ayeke grame 1 300, du ti sembe oko ti wen ti nginza, nengo ni ayeke grame 700. Nengo ni kue alingbi na kilo so a yeke haka ka na ye na ndo so a zia nde ndali ti Nzapa. Asembe ni use kue asi na farini so a gbu ya ni na mafuta ndali ti sandaga ti ale ti kobe.

Wungo ti azo 8:8

Fade azo ti mara ti Lévi aga na koli-bagara oko nga na farini so a gbu ya ni na mafuta. Ti mo, mo yeke mu mbeni use koli-bagara na *sandaga ndali ti zingo siokpari na li ti zo.

Jean 6:35

Jésus atene na ala: “Mbi laa mbi yeke mapa so ayeke mu fini na zo. Zo so aga na mbi, fade nzara ti kobe ayeke sara lo laoko pepe; zo so ama na be na mbi, fade nzara ti ngu ayeke sara lo laoko pepe.

1 Jean 2:20

Ti ala, a-ita, ala wara Yingo-Vuru so Christ amu na ala si ala kue ahinga taa-tënë awe.

1 Jean 2:27

Me ti ala, a-ita, Yingo so Christ amu na ala angba na ya ti ala. Akpa titene mbeni zo akiri afa ye fango na ala pepe, ngbanga ti so Yingo ni ayeke fa na ala ye kue: ye so lo yeke fa ayeke taa-tënë, lo yeke tene mvene pepe. Ndani laa, ayeke nzoni ala ngba ti duti oko na Christ tongana ti so Yingo afa na ala.

Jude 1:20

Me ti ala, a-ita ti mbi so mbi ye ala mingi, ala luti ngangu na ndö ti mabe ti ala so ayeke nde si ayeke nzoni kue. Ala sambela na lege ti Yingo-Vuru.

Aye so Nzapa afa 8:3

Mbeni ange nde aga aluti nduru na tere ti gbalaka ni; lo gbu na maboko ti lo mbeni kete ta ti zongo na dukani so a sara na lôro. A mu na lo gba ti adukani titene lo bongbi ni na asambela ti azo ti Nzapa ti ya na *sandaga na Nzapa, na ndö ti gbalaka so a sara na lôro si ayeke na dawa ti mbata ti gbia so.