Awayango-sandaga 17:4 - Mbeti ti Nzapa - Tënë so amu fini

⁴ alingbi lo gue na nyama ni kozoni na yanga ti da ti bongo so KOTA GBIA na azo ti lo ayeke wara tere daa. Lo yeke mu nyama ni na *sandaga na KOTA GBIA na dawa ti ndo so KOTA GBIA ayeke duti daa. Tongana lo sara tongaso pepe, fade ngbanga ti mene so lo tuku so ayeke ti na li ti lo si a yeke tumba lo na popo ti azo ti Israel.

Awayango-sandaga 17:4 ပူးပေါင်းရင်းမြစ်များ

Tongo nda ti aye 17:14

Koli so afâ ganza pepe, fade a yeke tumba lo na popo ti amba ti lo, ngbanga ti so lo buba tënë ti mbuki ti mbi awe.”

Abia (Psaumes) 32:2

Ti lo nzoni, zo so *KOTA GBIA adiko sioni ti lo na li ti lo pepe, so tënë ti handango zo ayeke na be ti lo pepe!

Sigingo 12:15

KOTA GBIA akiri atene na Moïse na Aaron: “Na ya ti lango mbarambara, fade ala yeke te mapa so a sara na mama ni pepe. Gi na kozo lango ni, ala zi mama ti mapa na ya ti ada ti ala. Ti londo na kozo lango ni ti si na mbarambara lango ni, zo so ate mapa so a sara na mama ni, fade a yeke tumba lo na popo ti azo ti Israel.

Sigingo 12:19

Na ya ti lango mbarambara, alingbi a wara mama ti mapa na ya ti ada ti ala pepe. Zo so ate mapa so a sara na mama ni, ataa lo yeke wande wala lo yeke molenge ti kodro, fade a yeke tumba lo na ya ti bongbi ti azo ti Israel.

Sigingo 30:33

Zo so atara ti sara mara ti mafuta so si lo zia ni na tere ti mbeni senge zo, fade a yeke tumba lo na ya ti bongbi ti azo.’ ”

Sigingo 30:38

Zo so ayeke sara mara ti yombo so titene lo ma fion ni, fade a yeke tumba lo na ya ti bongbi ti azo.”

Ésaïe 66:3

Zo ayeke fâ bagara ti mu na *sandaga, me na mbage, lo yeke fâ zo; lo yeke fâ go ti taba, me na mbage, lo yeke mu mbo na sandaga; lo yeke mu sandaga ti farini, me na mbage, lo yeke mu mene ti nguru; lo yeke zö dukani na mbi, me na mbage, lo yeke voro ayanda. Azo so kue asoro lege ti ala wani, be ti ala anzere na afungo ye ti ala ni so.

Ezekiel 20:40

Biani, na ndö ti hoto ti mbi so ayeke nde si ayeke nzoni kue, na ndö ti yongoro hoto ti Israel laa azo ti Israel so kue ayeke na ya ti kodro ni ayeke voro mbi. So tënë ti yanga ti mbi, Kota Gbia NZAPA laa. Kâ, mbi yeke yamba ala na nzoni be, mbi yeke yeda na aye so kue ala zia nde ndali ti mbi, amatabisi ti ala nga na asandaga ti anzoni ye so ala yeke ya na mbi.

Awayango-sandaga 1:3

“Tongana zo ni aye ti mu bagara na sandaga so a yeke gbi ni kue na wâ, alingbi lo mu koli-bagara so mbeni mbage ti tere ti lo abuba pepe. Zo ni ayeke gue na nyama ni na yanga ti da ti bongo so KOTA GBIA na azo ti lo ayeke wara tere daa, tongaso si KOTA GBIA ayamba lo nzoni.

Awayango-sandaga 17:10

“Tongana mbeni zo ti Israel, wala mbeni wande so ayeke duti na popo ti ala ate mene, ataa mara ti mene wa, fade mbi KOTA GBIA, mbi yeke ga na tere ti lo, mbi yeke zi lo na popo ti bongbi ti azo ti Israel.

Awayango-sandaga 17:14

Biani, tongana mbeni ye ayeke na fini, fini ti lo ayeke na ya ti mene ti lo. Ndani laa KOTA GBIA atene na azo ti Israel: ‘Ye so kue ayeke na fini, fade ala yeke te mene ni pepe, ngbanga ti so fini ti ye ni ayeke na ya ti mene ti lo. Zo so ate mene ni, fade a yeke tumba lo na popo ti azo ti Israel.’

Awayango-sandaga 17:3

“Tongana mbeni zo ti Israel aye ti fâ mbeni bagara, wala mbeni taba, wala mbeni ngasa na ya ti bâbâ wala na gigi ti bâbâ ni,

Awayango-sandaga 17:5

Ndia so ayeke kanga lege na azo ti Israel ti kiri ti fâ anyama na ya ti ngonda; me ala yeke gue na anyama ni na wayango-sandaga, na yanga ti da ti bongo so KOTA GBIA na azo ti lo ayeke wara tere daa. Ala yeke mu anyama ni na sandaga ti beoko na KOTA GBIA.

Awayango-sandaga 17:9

alingbi lo gue na nyama ni na yanga ti da ti bongo so KOTA GBIA na azo ti lo ayeke wara tere daa titene lo mu lo na sandaga na KOTA GBIA. Tongana zo ni asara tongaso pepe, fade a yeke tumba lo na ya ti bongbi ti azo ti Israel.

Awayango-sandaga 18:29

Biani, zo so kue asara mara ti sioni ye tongaso, fade a yeke tumba lo na popo ti azo ti Israel.

Awayango-sandaga 20:16

“Tongana mbeni wali abongbi na mbeni nyama, alingbi a fâ wali ni nga na nyama ni. Ngbanga ti mene ti ala ayeke kiri na li ti ala wani.

Awayango-sandaga 20:18

“Tongana mbeni wali abaa ya ti lo si mbeni koli alango na lo, fade a yeke tumba ala use kue na popo ti azo ti Israel. Biani, ala use asigigi na nda ti mene ti wali ni awe.

Awayango-sandaga 20:3

Ti mbi, fade mbi yeke ga na tere ti zo ni so. Mbi yeke tumba lo na popo ti azo ti Israel, ngbanga ti so lo mu mbeni molenge ti lo oko na sandaga na Molek. Sarango mara ti ye tongaso asara si ndo so a zia nde ndali ti mbi aga *sioni si iri ti mbi so ayeke nde si ayeke nzoni kue aga nga sioni.

Awayango-sandaga 3:2

Zo ni ayeke zia maboko ti lo na li ti nyama ni si lo yeke fâ go ti lo na yanga ti da ti bongo so KOTA GBIA na azo ti lo ayeke wara tere daa. Awayango-sandaga, amolenge ti Aaron ayeke fi mene ni na tere ti gbalaka, angoro ni kue.

Awayango-sandaga 7:18

Kasa ti nyama so zo amu na KOTA GBIA ndali ti sandaga ti beoko, tongana zo ate ni na peko ti lango ota, KOTA GBIA ayeke yeda na sandaga ti zo ni pepe; sandaga ni ayeke ga mbeni ye senge. Zo so ate ni, ngbanga ti siokpari ni ayeke ti na li ti lo.

Jean 10:7

Jésus akiri atene: “Biani, mbi tene na ala taa-tënë: mbi laa mbi yeke yanga ti gbagba ti ataba ni.

Jean 10:9

Mbi yeke yanga ti gbagba ni. Zo so ali na lege ti mbi, fade lo yeke soo kuâ; lo yeke li, lo yeke sigigi si lo yeke wara kobe ti tengo ni.

Jean 14:6

Jésus akiri tënë na lo: “Mbi yeke lege ni, taa-tënë na fini. Zo oko alingbi ti gue na Babâ na mbeni lege nde pepe, gi na lege ti mbi.

Rome 4:6

Nilaa David atene tënë ti nzoni duti ti zo so Nzapa abaa lo tongana zo ti mbirimbiri, ataa so zo ni asara kua pepe. David atene:

Rome 5:13

Kozo titene Nzapa afa *Ndia na Moïse, siokpari ayeke na ndö ti dunia so awe, me ndali ti so Ndia ayeke daa pepe, a diko siokpari na li ti zo pepe.

Rome 5:20

Ndia aga ti sara si sioni awu mingi; me ndo so siokpari awu daa mingi, nzoni be ti Nzapa awu ahon ndoni.

Ndia ti fani use ni 21:8

KOTA GBIA, mo zi tënë na li ti azo ti Israel, azo ti mo so mo zi ala na gbe ti ngba so; mo sara si ngbanga ti mene aga na li ti Israel pepe so ayeke azo ti mo, ndali ti zo so asara sioni ye pepe si a fâ lo so.” Tongaso fade KOTA GBIA ayeke zi tënë ni na li ti ala.