Awayango-sandaga 16:3 - Mbeti ti Nzapa - Tënë so amu fini

³ “Titene Aaron ali na ya ti da so ayeke nde si ayeke nzoni kue, alingbi lo mu aye tongaso: koli-bagara oko ndali ti *sandaga ti zingo siokpari na li ti lo nga na koli-taba oko ndali ti sandaga so ayeke gbi ni kue na wâ.

Awayango-sandaga 16:3 ပူးပေါင်းရင်းမြစ်များ

Awayango-sandaga 1:10

“Tongana zo ni aye ti mu taba wala ngasa na sandaga so a yeke gbi ni kue na wâ, alingbi lo soro na popo ti ataba wala angasa mbeni koli-taba, wala koli-ngasa so mbeni mbage ti tere ti lo abuba pepe.

Awayango-sandaga 1:3

“Tongana zo ni aye ti mu bagara na sandaga so a yeke gbi ni kue na wâ, alingbi lo mu koli-bagara so mbeni mbage ti tere ti lo abuba pepe. Zo ni ayeke gue na nyama ni na yanga ti da ti bongo so KOTA GBIA na azo ti lo ayeke wara tere daa, tongaso si KOTA GBIA ayamba lo nzoni.

Awayango-sandaga 16:6

“Aaron ayeke mu koli-bagara ni na sandaga ndali ti zingo siokpari na li ti lo wani. Lo yeke ya bagara ni na Nzapa ti fa atene, lo zi siokpari na li ti lo wani nga na li ti asewa ti lo.

Awayango-sandaga 4:1

*KOTA GBIA atene na Moïse

Awayango-sandaga 4:3

“Tongana kota wayango-sandaga laa asara siokpari si ndali ti siokpari ti lo tënë aga na li ti azo, alingbi lo ya na KOTA GBIA *sandaga ti koli-bagara so mbeni mbage ti tere ti lo abuba pepe ndali ti zingo siokpari na li ti lo.

Awayango-sandaga 8:14

Lo hunda titene a ga na lo koli-bagara so a yeke mu na sandaga ndali ti zingo siokpari na li ti azo. Aaron na amolenge ti lo azia maboko ti ala na li ti koli-bagara ni.

Awayango-sandaga 8:18

Na pekoni, lo ga na koli-taba so a yeke mu na sandaga so a yeke gbi ni kue na wâ. Aaron na amolenge ti lo azia maboko ti ala na li ti koli-taba ni.

Awayango-sandaga 9:2

Lo tene na Aaron: “Mu mbeni kete bagara so mo yeke ya na *sandaga ndali ti zingo siokpari na li ti azo; mo mu nga mbeni koli-taba ti ya na sandaga so a yeke gbi ni kue na wâ. Alingbi anyama ni use kue, mbeni mbage ti tere ti ala abuba pepe. Fade mo yeke ya ala na KOTA GBIA.

Awayango-sandaga 9:3

Na pekoni, mo tene na azo ti Israel, mo tene: Ala mu koli-ngasa na sandaga ndali ti zingo siokpari na li ti ala; ala yeke mu nga kete bagara na kete taba ti ngu oko, ala so kue, mbeni mbage ti tere ti ala abuba pepe. Ala yeke mu ala na sandaga so a yeke gbi ni kue na wâ.

Ahebro 9:12

So Christ ali na ya ti da ti bongo ni, lo li fani oko biani biani na ndo so ayeke nde si ayeke nzoni kue ahon atanga ni. So lo li, lo ya mene ti angasa wala mene ti akete bagara pepe, me lo ya mene ti lo wani si lo zi e biani biani na ya ti asiokpari awe.

Ahebro 9:7

Me zo so ayeke li na ya ti use ndo ni ayeke gi kota wayango-sandaga oko. Lo yeke li na ya ni gi fani oko na ya ti ngu oko. Tongana lo yeke li na ya ni, alingbi lo mu mene ti anyama ti mu na *sandaga na Nzapa ndali ti asiokpari ti lo wani, na pekoni, lo yeke mu sandaga ndali ti asiokpari so azo asara ni si ala hinga pepe so.