Awayango-sandaga 13:6 - Mbeti ti Nzapa - Tënë so amu fini

⁶ Na lango mbarambara ni, wayango-sandaga ayeke kiri ti baa tere ti zo ni. Tongana wayango-sandaga abaa so ye so asigigi na tere ti zo ni avuko kete, amu tere ti lo kue pepe, fade wayango-sandaga ayeke fa atene, zo ni aga *nzoni awe; gi dartere laa asigigi na tere ti lo. Fade zo ni ayeke sukula bongo ti lo, na pekoni lo yeke ga *nzoni.

Awayango-sandaga 13:6 ပူးပေါင်းရင်းမြစ်များ

1 Agbia 8:38

tongana mbeni zo, wala azo ti Israel so kue ayeke azo ti mo, tongana zo oko oko ahinga sioni ti lo nga na pasi so lo yeke baa, tongana lo sambela mo, lo voro tere ti lo na mo si lo yoro maboko ti lo na mbage ti kota da so ti sambela mo,

1 Agbia 8:45

mo so mo yeke na yayu, ma sambela ti ala na vorongo tere ti ala, mo gbu koko ti ala!

Abia (Psaumes) 19:12

Atënë ni azi nga le ti mbi, zo ti kua ti mo; zo ayeke wara ye mingi na lege ti batango atënë ni.

Amato 20:9

Zo wa laa alingbi ti tene: “Mbi sara si be ti mbi avuru! A sukula siokpari ti mbi awe!”, zo wa?

Zo ti bongbingo azo 7:20

Biani, na ndö ti sese so, mbeni zo ti mbirimbiri oko ayeke daa pepe, so lo yeke sara gi nzoni si lo sara siokpari pepe.

Ésaïe 42:3

Sosongo so a ba na sese awe, lo yeke fâ ni pepe; lamba so wâ ni aye ti mingo, lo yeke mingo ni pepe. Me lo yeke fa taa lege ti sarango ye ti mbirimbiri na azo.

Awayango-sandaga 11:25

Zo so ayo kuâ ti ala, alingbi lo sukula bongo ti lo; lo yeke ngba *sioni ngbii asi na lakui.

Awayango-sandaga 11:28

Zo so ayo kuâ ti ala, alingbi lo sukula bongo ti lo; lo yeke ngba *sioni ngbii asi na lakui. Ala yeke baa anyama ni so tongana anyama so ayeke *sioni.

Awayango-sandaga 11:40

Zo so ate kuâ ti nyama ni so, alingbi lo sukula abongo ti lo; lo yeke ngba *sioni ngbii asi na lakui. Zo so ayo kuâ ti nyama ni so, alingbi lo sukula abongo ti lo; lo yeke ngba *sioni ngbii asi na lakui.

Awayango-sandaga 13:2

“Tongana mbeni ye asuku na ndö ti poro ti tere ti zo, wala mbeni dartere asigigi na tere ti lo wala mbeni ye asuku na tere ti lo, le ni ayeke za zango si akpa buruma, ayeke nzoni ala gue na zo ni na wayango-sandaga Aaron, wala na mbeni molenge ti lo so ayeke wayango-sandaga.

Awayango-sandaga 13:5

Na lango mbarambara ni, wayango-sandaga ayeke kiri ti baa tere ti zo ni. Tongana wayango-sandaga abaa so ye so asigigi na tere ti zo ni angba gi tongaso, amu tere ti lo kue pepe, wayango-sandaga ni ayeke kiri ti zia lo na mbeni ndo nde ti duti gi lo oko na ya ti lango mbarambara.

Awayango-sandaga 13:7

Me tongana dartere ni amu tere ti zo ni kue na peko ti so wayango-sandaga abaa fade tere ti lo si atene, lo ga *nzoni awe, fade zo ni ayeke kiri ti fani use ni na ndo ti wayango-sandaga.

Awayango-sandaga 14:8

Zo so aga titene *a sukula asioni ti lo so, fade lo yeke sukula abongo ti lo, lo yeke kio kua ti tere ti lo kue, lo yeke sukula ngu titene lo ga *nzoni. Na pekoni, lo yeke kiri na ya ti bâbâ, me lo yeke li na ya ti da ti lo pepe na ya ti lango mbarambara.

Rome 14:1

Zo so ama na be si ade ti kpengba pepe, ala yamba lo, ala kasa atënë ti be ti lo pepe.

2 Korente 7:1

A-ita ti mbi so mbi ye ala mingi, azendo so kue ayeke ndali ti e. Tongaso, e *sukula sioni so kue ayeke na tere ti e nga na be ti e. Na lege ti kpengo mbeto ti Nzapa, e gi lege ti mu tere ti e kue na lo.

Ndia ti fani use ni 32:5

Me ala, ala yeke azo ti sioni mingi, ala sara sioni ti ke KOTA GBIA. Ndali ti sioni ti ala, ala kpa ti duti amolenge ti lo pepe, ala yeke azo ti ngoi ti fadeso so ayeke azo ti kirikiri, azo ti handango amba ti ala!

Ahebro 10:22

Tongaso, e ga nduru na Nzapa na be ti e oko nga na be so asi singo na mabe, be so e hinga, e tene, a *sukula asioni kue daa awe na tere so a sukula ni awe na mbeni nzoni ngu.

Ahebro 9:10

Aye so kue ayeke gi asenge ndia ti azo, andia so ayeke na ndö ti tengo akobe, na nyongo ye, na tënë ti *sukulango asioni nde nde. Ndia so ayeke ngba ngbii asi na ndembe so Nzapa asara titene ye oko oko kue akiri aga fini ni.

Jacques 3:2

E kue, e yeke girisa lege fani mingi. Tongana mbeni zo agirisa lege na ya ti tenengo tënë ti lo pepe, andaa lo yeke zo ti nzoni kue, lo lingbi ti kanga tere ti lo kue.