Awayango-sandaga 13:4 - Mbeti ti Nzapa - Tënë so amu fini

⁴ Ye so asuku na tere ti zo ni, tongana le ni ayeke za zango si avuru vurungo, me plase ni ayeke du du pepe si kua ti tere ti lo aga vuru ni pepe, wayango-sandaga ayeke zia zo ni na mbeni ndo nde ti duti gi lo oko na ya ti lango mbarambara.

Awayango-sandaga 13:4 ပူးပေါင်းရင်းမြစ်များ

Ezekiel 44:10

“Azo ti mara ti Lévi so ahon yongoro na tere ti mbi na ngoi so azo ti Israel amu lege ti kirikiri, ala do mbi azia si ala gue na peko ti ayanda. Ti azo ti mara ti Lévi ni so, fade sioni ti ala ayeke ngba na li ti ala.

Awayango-sandaga 13:11

andaa buruma ti hunzingo ni pepe laa. Wayango-sandaga ayeke fa atene, zo ni aga *sioni awe. Wayango-sandaga abaa pasi senge senge ti zia lo na mbeni ndo nde ti duti gi lo pepe, ngbanga ti so buruma ni afa polele atene, lo ga *sioni awe.

Awayango-sandaga 13:25

Wayango-sandaga ayeke baa tere ti zo ni. Tongana kua ti tere ti lo aga vuru ni na ndo so si mbeni du akoro na ya ti poro ti tere ti lo, andaa buruma laa ato nda ti sigigi na plase ti wâ ni so. Tongaso wayango-sandaga ayeke fa atene, zo ni aga *sioni awe.

Awayango-sandaga 13:26

Me tongana wayango-sandaga abaa tere ti zo ni si vuru kua ti tere ayeke daa pepe si du akoro na ya ti poro ti tere ti lo pepe, le ti ye ni avuru tuuu pepe, wayango-sandaga ayeke zia zo ni na mbeni ndo nde ti duti gi lo oko na ya ti lango mbarambara.

Awayango-sandaga 13:3

Wayango-sandaga ayeke baa ndo so kobela ni asigigi daa. Tongana kua ti tere ti zo ni aga vuru ni si na plase ni du akoro daa, so mbeni mara ti buruma laa. Na peko ti bango tere ti zo ni, wayango-sandaga ayeke fa atene, lo ga *sioni awe.

Awayango-sandaga 13:31

Me tongana wayango-sandaga abaa ndo so palata ni asigigi daa si lo baa so du akoro na ya ti poro ti tere ti zo ni pepe, ataa so vuko kua ti tere ayeke daa pepe, wayango-sandaga ayeke zia zo ni na mbeni ndo nde ti duti gi lo oko na ya ti lango mbarambara.

Awayango-sandaga 13:5

Na lango mbarambara ni, wayango-sandaga ayeke kiri ti baa tere ti zo ni. Tongana wayango-sandaga abaa so ye so asigigi na tere ti zo ni angba gi tongaso, amu tere ti lo kue pepe, wayango-sandaga ni ayeke kiri ti zia lo na mbeni ndo nde ti duti gi lo oko na ya ti lango mbarambara.

Awayango-sandaga 13:50

Wayango-sandaga ayeke baa nzoroko ni so. Na pekoni, lo yeke zia aye ni na mbeni ndo nde na ya ti lango mbarambara.

Awayango-sandaga 14:38

wayango-sandaga ayeke sigigi na ya ti da ni; so lo si na yanga ti da ni, lo yeke kanga yanga ti da ni na ya ti lango mbarambara.

Wungo ti azo 12:14

KOTA GBIA akiri tënë na Moïse: “Tongana babâ ti lo atuku fade ngu ti yanga na le ti lo, ka lo ngba na kamene ni na ya ti lango mbarambara pepe? Alingbi a zi lo na ya ti bâbâ ni na ya ti lango mbarambara. Na pekoni, lo lingbi ti kiri na popo ti ala senge.”

Wungo ti azo 12:15

A tumba Miriam na ya ti bâbâ ni na ya ti lango mbarambara. Azo ti Israel alondo ti hon pepe kozo titene lo kiri na ndo ti ala.

1 Korente 4:5

Ndani laa, alingbi ala fâ ngbanga na li ti zo kozo pepe si ngoi ni alingbi, ala ku Kota Gbia aga si. Ye so angba na hondengo ni na ya ti vukongo ndo, fade lo yeke fa ni na gigi polele; aye so azo aleke na be ti ala ti sarango ni, fade lo sigigi na nda ni. Tongaso, Nzapa ayeke gonda zo oko oko alingbi na kua so lo sara.

Ndia ti fani use ni 13:14

ambeni zo so ayeke sara mbirimbiri ye pepe na popo ti ala alondo ti handa azo ti gbata ti ala, atene: “E gue, e voro ambeni nzapa nde”; – andaa ayeke anzapa so ala hinga ala pepe. –

1 Timothée 5:24

Asiokpari ti ambeni zo ayeke sigigi na le ti azo kozoni si a fâ ngbanga ti ala. Ti ambeni zo ayeke sigigi gi na pekoni.