Awayango-sandaga 13:2 - Mbeti ti Nzapa - Tënë so amu fini

² “Tongana mbeni ye asuku na ndö ti poro ti tere ti zo, wala mbeni dartere asigigi na tere ti lo wala mbeni ye asuku na tere ti lo, le ni ayeke za zango si akpa buruma, ayeke nzoni ala gue na zo ni na wayango-sandaga Aaron, wala na mbeni molenge ti lo so ayeke wayango-sandaga.

Awayango-sandaga 13:2 ပူးပေါင်းရင်းမြစ်များ

2 Samuel 3:29

Ayeke nzoni ngbanga ti mene ti Abner akiri na ndö ti Yoab na asewa ti lo kue! Na ya ti sewa ti lo, ayeke nzoni mbeni zo aduti daa lakue so kobela so ayeke yuru na lege ti tere ti koli wala ti wali ayuru na tere ti lo, wala mbeni zo so kobela ti buruma asara lo, wala mbeni koli so aga zo ti sarango kua ti awali, wala mbeni zo so akui kuâ ti yongoro zeme wala zo so kobe atia lo.”

2 Agbia 5:1

Naaman ayeke makonzi ti aturugu ti gbia ti Sirii. Kota zo ti lo aye tënë ti lo mingi si ayeke gonda lo, ngbanga ti so na lege ti lo, Nzapa asara si azo ti Sirii aso benda na ndö ti awato ti ala. Me koli so, ngangu zo ti tiringo bira so, lo yeke zo ti buruma.

2 Agbia 5:27

Biani, fade buruma ti Naaman ayeke ga ti ngba na tere ti mo nga na tere ti *ahale ti mo kpu na kpu!” So Gehazi azia Élisée ti gue, buruma amu tere ti lo si poro ti tere ti lo avuru vurungo tongana tukia.

Ésaïe 1:6

Ti londo na gere ti ala ngbii asi na li ti ala, mbeni ndo so angba nzoni ayeke daa pepe. Tere ti ala kue amboko na ka, tere ti ala kue asuru na ka, le ti aka ni azi kota, a sukula ni pepe, a kanga ni pepe, a zia yoro daa pepe.

Ésaïe 3:17

Ndani laa, fade KOTA GBIA ayeke sara si li ti ala kue gi na koto-mo-lango, ndö ti le ti ala angba gi senge.

Awayango-sandaga 13:1

KOTA GBIA atene na Moïse na Aaron:

Awayango-sandaga 13:3

Wayango-sandaga ayeke baa ndo so kobela ni asigigi daa. Tongana kua ti tere ti zo ni aga vuru ni si na plase ni du akoro daa, so mbeni mara ti buruma laa. Na peko ti bango tere ti zo ni, wayango-sandaga ayeke fa atene, lo ga *sioni awe.

Awayango-sandaga 13:8

Wayango-sandaga ayeke kiri ti baa tere ti zo ni. Tongana lo baa so dartere ni amu tere ti zo ni kue, wayango-sandaga ni ayeke fa atene, zo ni aga *sioni awe; so buruma laa.

Awayango-sandaga 14:3

wayango-sandaga ni ayeke sigigi na ya ti bâbâ ti gue ti baa tere ti zo ni. Tongana buruma ni akai na tere ti zo ni awe,

Awayango-sandaga 14:35

fade wa ti da ni ayeke gue ti fa tënë ni na wayango-sandaga, atene: ‘Mbi baa mbeni ye so akpa sioni gugu asigigi na ya ti da ti mbi.’

Awayango-sandaga 14:56

ye so asuku na tere ti zo, dartere nga na ye so asigigi na tere ti zo si le ni ayeke za zango.

Malashii 2:7

Biani, kua ti wayango-sandaga ayeke ti fa lege na azo si ala hinga Nzapa. Azo ayeke ga na mbage ti lo ti gi ti hinga ye so ndia afa, ngbanga ti so lo yeke watokua ti KOTA GBIA so ayeke na ndö ti dunia kue.

Wungo ti azo 12:10

Na ndembe so mbinda aya ahon na ndö ti da ti bongo ni, buruma amu tere ti Miriam kue; tere ti lo avuru tuuu. Aaron abaa ndo na mbage ti Miriam, lo baa so buruma amu tere ti lo kue awe.

Wungo ti azo 12:12

Ayeke nzoni Miriam aga pepe tongana kete molenge so a du lo na kuâ ni, molenge so mbage ti tere ti lo afun na ndembe so mama ti lo adu lo!”

Matthieu 8:4

Na pekoni, Jésus atene na lo: “Ma mbi nzoni! Mo tene tënë ni na zo oko pepe; me mo gue, mo fa tere ti mo na wayango-sandaga titene lo baa mo, mo mu *sandaga so Moïse amu ando yanga ti mungo ni so, tongaso si mo fa na le ti azo kue so, tere ti mo aga nzoni awe.”

Marc 1:44

lo tene: “Mo tene tënë ni na zo oko pepe, me mo gue, mo fa tere ti mo na wayango-sandaga, mo mu *sandaga so Moïse amu yanga ando ti mungo ni so. Tongaso si mo fa na le ti azo kue so tere ti mo aga nzoni awe.”

Nzoni Tënë so Luc asu na mbeti 17:14

So lo baa ala, lo tene na ala: “Ala gue, afa tere ti ala na awayango-sandaga.” Na lege ti guengo ni, tere ti ala aga *nzoni.

Nzoni Tënë so Luc asu na mbeti 5:14

Jésus amu yanga na lo, atene: “Mo tene tënë ni na mbeni zo oko pepe! Me mo gue, mo fa tere ti mo na wayango-sandaga titene lo baa mo; na pekoni, mo mu *sandaga so Moïse amu yanga ando ti mungo ni so. Tongaso si mo fa na le ti azo kue so tere ti mo aga *nzoni awe.”

Ndia ti fani use ni 24:8

Moïse atene: Ala sara hange na akobela ti poro ti tere: alingbi ala sara kue ti bata aye so kue awayango-sandaga ti mara ti Lévi ayeke fa na ala. Ala sara ye alingbi na yanga so mbi mu na awayango-sandaga ni.

Ndia ti fani use ni 28:27

KOTA GBIA ayeke tokua aka ti sanzo na tere ti ala, tongana ti so lo tokua ni lani na tere ti azo ti Ezipte; lo yeke tokua kobela ti sukungo tere na tere ti ala, koto-mo-lango, sarango tere nga na ambeni kobela nde nde so ayeke kai pepe.