Awayango-sandaga 12:3 - Mbeti ti Nzapa - Tënë so amu fini

³ Na lango miombe ni, a yeke fâ molenge ni na *ganza.

Awayango-sandaga 12:3 ပူးပေါင်းရင်းမြစ်များ

Sigingo 22:30

“Fade ala yeke duti azo so azia tere ti ala nde ndali ti mbi. Nyama so mbeni sioni nyama asuru ya ti lo, fade ala te kasa ni pepe; ala bi ni na ambo.”

Awayango-sandaga 12:4

Wali ni ayeke kiri ti ngba lango baleota na ota titene a *sukula lo na peko ti mene so atuku na tere ti lo na ndembe ti dungo ni. Ye so kue a zia nde ndali ti Nzapa, alingbi wali ni andu ni pepe; alingbi lo gue pepe na ndo so a zia nde ndali ti Nzapa. Lo ku ngbii ngoi titene a sukula lo alingbi si.

Awayango-sandaga 15:3

Ye so ayeke sara si koli aga *sioni ayeke so: kobela ni alingbi ti sigigi na lege ti tere ti lo ti koli, wala alingbi ti kanga lege ti tere ti lo ti koli.

Nzoni Tënë so Luc asu na mbeti 1:59

Lango miombe na pekoni, ala ga ti fâ molenge ni na *ganza. Ala ye ti mu na lo iri ti babâ ti lo Zakarii,

Nzoni Tënë so Luc asu na mbeti 2:21

Lango miombe na pekoni, ala fâ molenge ni na *ganza si ala di iri ti lo Jésus. So ayeke iri so *ange afa kozoni si a mu ngo ti lo.

Awatokua 15:1

Ambeni zo alondo na Judée, ala ga na Antioshe ti sese ti Sirii si ala yeke fa ye na a-ita, atene: “Tongana ala fâ *ganza alingbi na *Ndia ti Moïse pepe, ala lingbi ti soo kuâ pepe.”

Rome 3:19

E hinga so atënë ti *Ndia kue abaa azo so ayeke na gbe ti Ndia. Tongaso si zo oko awara tënë ti kiringo na ni pepe si na le ti Nzapa, ngbanga ayeke na li ti azo ti dunia kue.

Galasii 3:17

Tënë so mbi ye ti tene ayeke so: Nzapa asara *mbuki na popo ti lo na Abraham, lo leke gere ti mbuki ni mbirimbiri. Ngu ngbangbo osio na baleota na pekoni si *Ndia abaa gigi. Ndia alingbi ti mingo ngangu ti mbuki ni pepe si peko ti zendo ti Nzapa aga senge ye pepe.

Galasii 5:3

Mbi kiri ti tene polele na zo so kue ayeda titene a fâ lo na ganza, mbi tene: alingbi lo sara ye alingbi na *Ndia kue.

Ndia ti fani use ni 30:6

Fade KOTA GBIA Nzapa ti ala wani laa ayeke fâ be ti ala na *ganza, be ti ala na ti *ahale ti ala, tongaso si ala yeke ye KOTA GBIA Nzapa ti ala na be ti ala kue nga na yingo ti ala kue si ala lingbi ti duti na fini.

Filipe 3:5

Mbi yeke taa zo ti mara ti Israel, zo ti mara ti Benjamin, akotara ti mbi kue ayeke azuife. Lango miombe na peko ti so a du mbi, a fâ mbi na ganza. Na lege ti batango ndia, mbi yeke taa *farizien.

Kolose 2:11

So ala ga oko na Christ, a fâ ala na *ganza awe. Ganza so a fâ ala na ni, azo laa afâ ala na ni pepe, me ganza ni alondo na Christ wani. Ganza ni azi ala na gbe ti ngangu ti siokpari so ayeke na ya ti tere ti ala ti zo.