Awayango-sandaga 10:3 - Mbeti ti Nzapa - Tënë so amu fini

³ Moïse atene na Aaron: “KOTA GBIA atene lani tongaso: ‘Azo so ayeke ga nduru na mbi, mbi ye si ala hinga atene, mbi yeke nde si mbi yeke nzoni kue; mbi ye si ala gonda mbi na le ti azo kue.’ ” Aaron aduti gi kpoo, lo zi yanga oko pepe.

Awayango-sandaga 10:3 ပူးပေါင်းရင်းမြစ်များ

Tongo nda ti aye 18:25

Titene mo bongbi azo ti mbirimbiri na azo ti sioni kue ti fâ ala, so alingbi na mo pepe. So ti fa atene, zo ti mbirimbiri na zo ti sioni kue gi legeoko? Sarango ye tongaso alingbi na mo pepe! Lo so ayeke fâ ngbanga na ndö ti azo ti dunia kue, lo lingbi ti fâ ngbanga ti kirikiri tongana nyen?”

Mbeti ti Job 2:10

Me Job akiri tënë na lo: “Mo yeke tene tënë tongana wali so li ti lo ayeke daa pepe. Tongana e wara nzoni ye na maboko ti Nzapa, e yeda; me tongana e wara sioni ye, e yeda pepe, ngbanga ti nyen?” Na ya ti aye so kue, Job asara siokpari na lege ti tënë ti yanga ti lo pepe.

Abia (Psaumes) 119:120

Tere ti mbi kue ayeke do na mbeto na dawa ti mo, mbeto ti atënë ti fango ngbanga ti mo asara mbi.

Abia (Psaumes) 148:14

Israel, azo ti lo ayeke nduru na lo. Lo sara si ala mu li ti ala na nduzu, ala wara ngangu. Ndani laa, ala mu be ti ala na lo si ala yeke sepela lo! Aleluya!

Abia (Psaumes) 39:10

Mbi kai ti mbi awe, mbi yeke kiri ti tene tënë pepe, ngbanga ti so mo laa mo sara ye ni.

Abia (Psaumes) 39:9

Zi mbi na ya ti asiokpari ti mbi kue; mo zia lege pepe na abuba zo ti zonga mbi.

Abia (Psaumes) 46:10

Lo kai abira ngbii asi na nda ti sese kue; lo fâ ya ti akokora, lo kungbi ya ti alikongo, lo gbi apusu ti mbarata ti bira.

Abia (Psaumes) 89:7

KOTA GBIA, na nduzu kâ, zo wa laa alingbi na mo, zo wa? Na popo ti anzapa, mbeni oko tongana mo ayeke daa?

Abia (Psaumes) 93:5

Ambela ti mo ayeke taa-tënë biani. KOTA GBIA, ayeke nzoni kota da ti mo aduti da so ayeke nde si ayeke nzoni kue kpu na kpu!

Sigingo 14:17

Ti mbi, mbi yeke sara titene be ti azo ti Ezipte akpengba si ala li na peko ti ala na ya ti kota ngu-ingo ni. Fade mbi yeke fa gonda ti mbi na ndö ti Faraon nga na ndö ti aturugu ti lo kue, apusu ti mbarata ti lo nga na azo ti kpengo na mbarata ti lo.

Sigingo 14:4

Mbi yeke sara titene be ti Faraon akpengba si lo tumba peko ti ala. Tongaso, fade mbi yeke fa gonda ti mbi na ndö ti Faraon nga na ndö ti aturugu ti lo kue. Tongaso si azo ti Ezipte ahinga atene mbi laa mbi yeke KOTA GBIA.” Nilaa azo ti Israel asara ye ni tongaso.

Sigingo 19:22

Ataa awayango-sandaga so ayeke ga nduru na tere ti mbi, ayeke nzoni ala sukula sioni ti ala si. Tongaso pepe, fade mbi yeke sara titene azo mingi na popo ti ala akui.”

Sigingo 19:24

KOTA GBIA atene na Moïse: “Kiri mo zu; na pekoni, mo na Aaron ama na li ti hoto ni. Ti awayango-sandaga nga na azo ni, ala do tere ti ala pepe ti ma na mbage ti mbi. Tongaso pepe, fade mbi yeke sara titene azo mingi na popo ti ala akui.”

Sigingo 30:30

Mo yeke tuku mafuta so na li ti Aaron na amolenge ti lo si mo yeke zia ala nde titene ala sara kua na mbi tongana awayango-sandaga.

Ésaïe 39:8

Ezekias akiri tënë na Ésaïe: “Tënë ti KOTA GBIA so mo tene so ayeke nzoni.” Biani, Ezekias atene na be ti lo: “Na lango so kue mbi yeke ngba na fini, fade e yeke duti na siriri si mbeni sioni ye oko ayeke si na e pepe.”

Ésaïe 49:3

Lo tene na mbi: “Israel, mo laa mo yeke zo ti kua ti mbi; na lege ti mo, mbi yeke fa gonda ti mbi.”

Ésaïe 52:11

Ala so ayeke yo akungba so a zia nde ndali ti kua ti *KOTA GBIA, ala hon, ala hon, ala londo na Babilone, ala hon! Ye so ayeke sioni, ala ndu ni pepe. Ala bata tere ti ala *nzoni na sigingo ti ala.

Ezekiel 20:41

Na peko ti so mbi yeke sara si ala sigigi na popo ti amara si mbi yeke mu ala na ya ti akodro so ala kangbi lani daa ti bongbi ala na ndo oko, mbi yeke yamba ala na nzoni be tongana sandaga so fion ni afun nzoni. Na lege ti ala, fade mbi yeke fa na le ti amara nde so mbi yeke nde si mbi yeke nzoni kue.

Ezekiel 28:22

Mo tene na lo, mo tene: Tënë so Kota Gbia NZAPA atene ayeke so: Mo Sidon, mbi yeke ga na tere ti mo! Mbi yeke sara titene azo ane mbi na ya ti gbata ni. Fade azo kue ayeke hinga atene, mbi laa mbi yeke KOTA GBIA na ndembe so mbi yeke fâ ngbanga na li ti lo; mbi yeke fa so mbi yeke Nzapa so mbi yeke nde si mbi yeke nzoni kue.

Ezekiel 38:16

Mo yeke ga ti tiri bira na Israel, azo ti mbi. Mo yeke kanga ndö ti kodro ti ala tongana ti so mbinda ayeke kanga ndö ti sese. Ye ni ayeke si ande na lango ti ndani. Fade mbi yeke tokua mo ti gue ti tiri bira na kodro ti mbi. Tongaso si amara nde ahinga atene, mbi yeke Nzapa so mbi yeke nde si mbi yeke nzoni kue. Mbi yeke fa ye ni na ala na lege ti mo, Gog.

Ezekiel 40:46

Da so yanga ni abaa ndo na mbage ti Banga ayeke ndali ti awayango-sandaga so ayeke sara kua na tere ti gbalaka. Na popo ti *ahale ti Lévi, gi ahale ti Sadok laa ayeke ga nduru na KOTA GBIA ti sara kua ti lo.”

Ezekiel 42:13

Koli ni atene na mbi: “Akubu ti mbage ti Banga na ala ti mbage ti Mbongo so abaa le na ya ti gbagba ni, a zia ni nde ndali ti Nzapa. Awayango-sandaga so alingbi ti luti na dawa ti KOTA GBIA, na ndo so laa ala lingbi ti te akobe so ayeke nde si ayeke nzoni kue ahon atanga ni; na ndo so laa ala yeke zia aye so ayeke nde si ayeke nzoni kue ahon atanga ni, so ti tene asandaga so ala mu ndali ti siokpari nga na asandaga ti lekengo tënë. Biani, ndo ni ayeke nde si ayeke nzoni kue.

Awayango-sandaga 21:15

Tongaso si na ya ti sewa ti lo, amolenge ti lo alingbi ti ga *sioni pepe. Biani, mbi laa mbi yeke KOTA GBIA so mbi yeke sara titene lo duti nde si lo duti nzoni kue.”

Awayango-sandaga 21:17

Tene na Aaron, mo tene: “Na ya ti angoi so ayeke ga, fade mbeni *hale ti mo oko so mbeni mbage ti tere ti lo abuba, alingbi ti gue nduru na gbalaka ti ya kobe na mbi Nzapa ti lo pepe.

Awayango-sandaga 21:21

Mbeni *hale ti wayango-sandaga Aaron so mbeni mbage ti tere ti lo abuba, alingbi ti gue nduru na gbalaka ti ya kobe na mbi Nzapa ti lo pepe. Ndali ti so mbeni mbage ti tere ti lo abuba, lo lingbi ti ya na mbi kobe ni pepe.

Awayango-sandaga 21:6

Alingbi ala duti nde ndali ti mbi, Nzapa ti ala; ala sara si iri ti mbi, Nzapa ti ala abuba pepe. Biani, ala laa ayeke ya na mbi asandaga so ayeke kobe ti mbi, KOTA GBIA Nzapa ti ala. Alingbi ala duti nde, ala duti nzoni kue.

Awayango-sandaga 21:8

Alingbi zo ti Israel oko oko abaa wayango-sandaga tongana zo so ayeke nde si ayeke nzoni kue. Biani, ala laa ayeke ya na mbi kobe so ala, azo ti Israel ayeke ga na ni na mbi, Nzapa ti ala. Fade ala yeke baa awayango-sandaga tongana azo so ayeke nde si ayeke nzoni kue, ngbanga ti so mbi KOTA GBIA, mbi yeke nde si mbi yeke nzoni kue. Mbi laa mbi yeke sara titene ala duti nde si ala duti nzoni kue.

Awayango-sandaga 22:9

“Alingbi awayango-sandaga asara ye alingbi na atënë ti yanga ti mbi. Tongaso si ngbanga ati na li ti ala pepe ndali ti tënë ti kobe. Tongana ala sara si kobe ni aga sioni, fade ala yeke kui. Mbi laa mbi yeke KOTA GBIA so mbi sara titene ala duti nde si ala duti nzoni kue.

Awayango-sandaga 8:35

Ala yeke ngba lango mbarambara, bi na lâ na yanga ti da ti bongo ni. Na pekoni, ala lingbi ti sara kua ti KOTA GBIA si ala kui pepe. Yanga so KOTA GBIA amu na mbi laa.”

Wungo ti azo 16:5

Na pekoni, lo tene na Kore na azo so amu peko ti lo so, atene: “Kekereke na ndaperere, fade KOTA GBIA ayeke fa zo so ayeke ti lo, zo so lo zia lo nde ndali ti lo, zo so lo yeda na lo ti ga nduru na lo. Zo so KOTA GBIA asoro lo, fade lo yeke zia lege na zo ni ti ga nduru lo.

Wungo ti azo 20:12

Me KOTA GBIA atene na Moïse na Aaron: “Na sarango ye tongaso, ala zia be ti ala na ndö ti mbi KOTA GBIA pepe, ala fa na azo ti Israel pepe so mbi yeke nde si mbi yeke nzoni kue. Ndali ni, ala yeke gue na bongbi ti azo ni pepe na kodro so mbi mu na ala.”

Matthieu 10:37

Zo so aye babâ wala mama ti lo ahon mbi, lo lingbi ti duti disiple ti mbi pepe; zo so aye molenge ti lo ti koli wala ti wali ahon mbi, lo lingbi ti duti disiple ti mbi pepe.

Jean 12:28

Babâ, gonda iri ti mo!” Mbeni go alondo na yayu, atene: “Mbi gonda ni awe si mbi yeke kiri ti gonda ni.”

Jean 14:13

Ye so kue ala yeke hunda na iri ti mbi, fade mbi yeke sara ni si azo agonda Babâ na lege ti Molenge ni.

Ndia ti fani use ni 32:51

Mo na Aaron, ala sara ye so ayeke sioni mingi ti ke mbi na dawa ti azo ti Israel kue. Ala sara ye ni na ngu ti Meriba, na Kades, na ya ti benyama ti Zin. Na lango ni, ala fa na le ti azo ti Israel pepe atene, mbi laa mbi yeke taa Nzapa.

2 Tesalonike 1:10

na ndembe so lo yeke ga. Fade azo ti lo ayeke gonda lo, azo so kue ama na be ayeke baa lo na ngia. Ala nga, a-ita, fade ala yeke duti na popo ti azo ni, ngbanga ti so ala ma na be na tënë so e fa.

1 Pierre 4:17

Biani, ngoi so e yeke daa ayeke ngoi so Nzapa ayeke to nda ti fango ngbanga ti azo ti da ti lo. So Nzapa ayeke to nda ti fango ngbanga ti e kozoni so, fade ti azo so ake ti ma na be na Nzoni Tënë ti Nzapa ayeke duti tongana nyen?

1 Samuel 2:30

Ndani laa, tënë so KOTA GBIA, Nzapa ti Israel atene ayeke so: Taa-tënë, mbi tene ando na azo ti sewa ti mo nga na azo ti kete mara ti mo, mbi tene: Ala laa ayeke sara ande kua na mbi kpu na kpu, me fadeso, mbi ke awe! Mbi yeke ne azo so ane mbi. Me azo so ake mbi si abaa mbi tongana buba zo, fade a yeke baa ala tongana buba zo. So tënë ti yanga ti mbi KOTA GBIA laa.

1 Samuel 3:18

Tongaso Samuel afa na Heli peko ti atënë so kue. Lo honde mbeni tënë oko pepe. Heli atene: “KOTA GBIA laa; ayeke nzoni lo sara ye so be ti lo aye!”

1 Samuel 6:20

Azo ti Bet-Shemesh atene: “Zo wa laa alingbi ti luti na le ti KOTA GBIA, Nzapa so ayeke nde si ayeke nzoni kue so? Fade e yeke tokua sanduku ti mbuki ni na ndo ti zo wa titene ahon yongoro na tere ti e?”