Awayango-sandaga 10:1 - Mbeti ti Nzapa - Tënë so amu fini

¹ Ambeni molenge ti Aaron ti koli, Nadab na Abihu amu kete ta ti zongo na dukani ti ala, ala zia ale ti wâ daa, ala zia dukani na ndö ni si ala zö ni. Tongaso ala zö na KOTA GBIA mbeni *sandaga ti dukani so ala zö ni na wâ so ayeke nde na ti so ndia amu yanga na ala daa.

Awayango-sandaga 10:1 ပူးပေါင်းရင်းမြစ်များ

Wungo ti azo 26:61

Me Nadab na Abihu akui, ngbanga ti so ala mu mbeni wâ nde si ala zö na dukani na KOTA GBIA.

Awayango-sandaga 16:12

lo yeke mu kete ta ti zongo na dukani so le ti wâ asi singo na ya ni; le ti wâ ni ayeke na ndö ti gbalaka so ayeke na dawa ti KOTA GBIA; lo yeke mu fuku ti dukani asi ya ti maboko ti lo fani use. Lo yeke gue na aye so kue na peko ti ridoo so akangbi ya ti da ni.

Sigingo 24:1

KOTA GBIA atene lani na Moïse, atene: “Mo ma na li ti hoto na mbage ti mbi, mo na Aaron, na Nadab, na Abihu nga na *akangba ti Israel balembarambara. Ala luti yongoro, ala kuku akpo li ti ala na sese.

Sigingo 6:23

Aaron amu Elisheba, molenge ti Aminadab ti ga wali ti lo. Elisheba ayeke ita ti Nashon ti wali. Aaron na Elisheba adu amolenge-koli osio: Nadab, Abihu, Elazar na Itamar.

Abia (Psaumes) 141:2

Ayeke nzoni sambela ti mbi aga tongana dukani so guru ni ayeke ma na nduzu na dawa ti mo; maboko ti mbi so mbi yoro na nduzu aga tongana *sandaga ti lakui.

Awayango-sandaga 22:9

“Alingbi awayango-sandaga asara ye alingbi na atënë ti yanga ti mbi. Tongaso si ngbanga ati na li ti ala pepe ndali ti tënë ti kobe. Tongana ala sara si kobe ni aga sioni, fade ala yeke kui. Mbi laa mbi yeke KOTA GBIA so mbi sara titene ala duti nde si ala duti nzoni kue.

Sigingo 28:1

“Moïse, na popo ti azo ti Israel, mo mu ita ti mo Aaron na tere ti mo, lo na amolenge ti lo Nadab, Abihu, Elazar na Itamar titene ala sara kua na mbi tongana awayango-sandaga.

Sigingo 24:9

Na pekoni, Moïse ama na li ti hoto, lo na Aaron, na Nadab, na Abihu nga na akangba ti Israel balembarambara.

Awayango-sandaga 16:1

Amolenge-koli use ti Aaron akui na ndembe so ala ga nduru na dawa ti KOTA GBIA. Na pekoni, KOTA GBIA atene na Moïse:

Awayango-sandaga 9:24

Mbeni wâ asigigi na dawa ti KOTA GBIA si agbi sandaga so a yeke gbi ni kue na wâ nga na akasa ti mafuta so ayeke na ndö ti gbalaka ni. Azo kue abaa ni, ala dekongo na ngia si ala ti akpo li ti ala na sese.

Sigingo 27:3

Ala yeke sara agbakuru ti gbalaka ni kue na bengba wen: ata so a yeke tuku mburu ti wâ ti mafuta ti anyama daa, apao, adu ti sembe so a yeke zia mene ti anyama daa, afurshete nga na akete ta ti zongo na dukani.

Ahebro 9:4

Na ndo ni so, gbalaka ti zongo dukani ayeke daa so ala leke ni na lôro. Sanduku ti mbuki so ala leke tere ni kue na lôro ayeke nga daa. Ta ti lôro so *mane ayeke na ya ni, keke ti Aaron so akongo asigigi na tere ni nga na akpangbara têne so a su atënë ti mbuki na ndö ni ayeke na ya ti sanduku ni.

Jérémie 44:15

Akoli so kue ahinga atene, awali ti ala ayeke mu *sandaga na anzapa nde, ala na awali so abongbi gbani gbani na ndo so; so ti tene azo so kue aga ti duti na Ezipte nga na Patros atene na Jérémie:

Jérémie 44:8

Ala ye ti zia ngonzo na be ti mbi na lege ti asarango ye ti ala? Biani, ala mu asandaga na anzapa nde na kodro ti Ezipte so ala ga aduti daa so! Ala ye ti hunzi kue titene ala ga tapande ndali ti azo so ayeke deba amba ti ala na ye ti kamene ndali ti amara kue ti dunia?

Jérémie 32:35

Na popo-hoto ti Hinom, ala leke ndo na li ti ahoto ndali ti Baal. Kâ, ala yeke gbi amolenge ti ala ti koli na ti wali na wâ ti mu na sandaga na nzapa Molek. Mbi mu yanga na ala laoko pepe ti sara ye tongaso! Mara ti ye tongaso aga na li ti mbi laoko pepe. Na sarango mara ti sioni ye tongaso, so zo alingbi ti baa na le ti lo fani use pepe so, ala pusu azo ti Juda ti sara sioni.

Jérémie 19:5

Ala leke mbeni ndo na li ti hoto ndali ti *Baal. Kâ, ala yeke gbi amolenge ti ala na wâ ti mu na *sandaga. Andaa, so ayeke mbeni ye so mbi mu yanga laoko pepe titene ala sara ni, mbi tene tënë tongaso oko pepe, mbeni tënë tongaso aga na li ti mbi laoko pepe.

Jérémie 7:31

Na popo-hoto ti Hinom, ala leke ndo na li ti hoto so ala di iri ni Tofet. Kâ, ala yeke gbi na wâ amolenge ti ala ti koli na ti wali ti mu na *sandaga. Andaa, so ayeke mbeni ye so mbi mu yanga laoko pepe titene ala sara ni; mbeni tënë tongaso aga na li ti mbi laoko pepe.

Ndia ti fani use ni 17:3

lo mu peko ti ambeni nzapa nde, lo kuku na gbe ti ala ti voro ala. Ataa lâ, wala nze na aye so ayeke mingi mingi na le ti nduzu, zo ni akuku na gbe ti ala ti voro ala. Laoko KOTA GBIA amu yanga na ala ti sara ye tongaso pepe!

Ndia ti fani use ni 4:2

Tënë so mbi yeke fa na ala, alingbi ala zia mbeni tënë na ndö ni pepe, ala zi nga mbeni tënë na ya ni pepe; me alingbi ala sara ye alingbi na atënë kue ti yanga ti KOTA GBIA Nzapa ti ala.

Sigingo 40:27

Lo zö dukani so fion ni ayeke fun nzoni na ndö ni alingbi na yanga so KOTA GBIA amu lani na Moïse.

Sigingo 38:3

Lo sara agbakuru ti gbalaka ni kue na bengba wen: ata so a yeke tuku mburu ti wâ ti mafuta daa, apao, adu ti sembe so a yeke zia mene ti anyama daa, afurshete nga na akete ta ti zongo na dukani.

Sigingo 37:29

Lo sara mafuta so a yeke tuku na li ti zo ti zia lo nde nga na yombo ti nzoni ni so a yeke zö na wâ. Zo ti sarango yombo laa asara ni.

Sigingo 31:11

mafuta ti tukungo na li ti zo ti zia lo nde, yombo so a yeke zö na ndo so ayeke nde si ayeke nzoni kue. Fade azo ti sarango ye na kode ayeke sara aye ni alingbi gi na yanga so mbi mu na mo.”

1 Agbia 18:38

Tongaso wâ ti KOTA GBIA alondo na nduzu ati; wâ ni agbi sandaga ni, akeke ni, atêne ni na fuku ti sese ni. Wâ ni asara si ngu so ayeke na ya ti du ni ahole.

Sigingo 8:27

KOTA GBIA asara ye alingbi na ye so Moïse ahunda: asioni vuma ni ahon yongoro na tere ti Faraon, na tere ti azo ti gbe ti lo nga na tere ti azo ti kodro ti lo. Mbeni vuma oko angba pepe.

Wungo ti azo 4:18

“Ala sara kue titene azo ti kete mara ti Kehat angba na fini na popo ti azo ti mara ti Lévi.