Awayango-sandaga 1:9 - Mbeti ti Nzapa - Tënë so amu fini

⁹ Zo ni ayeke sukula akamba ti ya ti nyama ni na agere ti nyama ni. Na pekoni, wayango-sandaga ayeke zö aye ni kue na ndö ti gbalaka. So ayeke sandaga so a gbi ni kue na wâ titene fion ni anzere na KOTA GBIA.

Awayango-sandaga 1:9 ပူးပေါင်းရင်းမြစ်များ

Tongo nda ti aye 8:21

KOTA GBIA ama nzoni fion ti sandaga ni, anzere na lo si lo tene na be ti lo, lo tene: “Mbi yeke kiri ti deba sese ndali ti zo pepe. Biani, ti londo na ndembe so zo ade maseka, be ti lo aye ti sara gi ye ti sioni. Tongaso mbi yeke kiri ti buba aye so ayeke na fini so tongana ti so mbi sara so pepe.

1 Mbai 6:34

Kua ti Aaron, lo na ahale ti lo ayeke ti ya *asandaga ti nyama na ndö ti gbalaka ti sandaga so a yeke gbi ni kue na wâ; ala yeke ya nga asandaga ti dukani na ndö ti gbalaka ti zongo dukani. Ala yeke baa lege ti akua ti ndo so ayeke nde si ayeke nzoni kue ahon atanga ni, ala yeke sara ye titene Nzapa azi siokpari na li ti azo ti Israel, alingbi gi na atënë ti yanga ti Moïse, zo ti kua ti Nzapa.

2 Mbai 4:6

A sara akota sembe baleoko na bengba wen; a zia oku na mbage ti maboko ti koli ti kota da ti Nzapa, oku na mbage ti maboko ti wali titene a sukula aye daa: na ndo so laa a yeke sukula *asandaga so ayeke gbi ni kue na wâ. Awayango-sandaga ayeke *sukula sioni ti ala na ya ti ngbongboro sembe ni.

Abia (Psaumes) 51:6

Mbi sara siokpari so ake mo, ake gi mo oko; mbi sara ye so ayeke sioni na le ti mo. Tongaso, fade azo ayeke baa so mo yeke mbirimbiri na lege ti tënë ti yanga ti mo; fade ala yeke baa so fango ngbanga ti mo ayeke na legeni.

Abia (Psaumes) 66:15

Mbi yeke mu na mo anyama ti mafuta na sandaga so ayeke gbi ni kue na wâ, mbi yeke mu na mo akoli-taba na sandaga so a yeke gbi ni kue na wâ, mbi yeke mu na mo akoli-bagara na akoli-ngasa. Luti kete

Sigingo 12:9

Ala yeke te kasa ni na fini ni pepe, wala ala to ni tongo pepe. Me ala yeke zö nyama ni zongo, ala yeke te li ni, na agere ni nga na ya ni kue.

Sigingo 29:18

Mo yeke gbi koli-taba ni kue na wâ na ndö ti gbalaka. So ayeke *sandaga so a gbi ni kue na wâ ndali ti mbi KOTA GBIA, sandaga so a gbi ni kue na wâ si fion ni anzere na mbi KOTA GBIA.

Sigingo 29:25

Na pekoni, mo yeke kiri ti mu aye ni na maboko ti ala si mo yeke gbi ni na wâ na ndö ti gbalaka; mo yeke bongbi ni na sandaga so a yeke gbi ni kue na wâ. So ayeke sandaga so fion ni anzere na mbi KOTA GBIA, sandaga so a gbi ni kue na wâ ndali ti mbi KOTA GBIA.

Jérémie 4:14

“Jérusalem, tongana mo ye titene a soo mo, ayeke nzoni mo *sukula sioni na be ti mo. Sioni tënë ayeke ngba ande na be ti mo ngbii asi lawa?

Ezekiel 20:28

Mbi sara si ala li na kodro so mbi yoro lani maboko ti mbi na nduzu, mbi deba yanga ti mbi ti mu na ala. Na ya ti kodro ni, le ti ala agi ndo so akete hoto kue ayeke daa nga na akeke so gba ti akugbe ayeke daa. Kâ laa, ala mu asandaga ti ala, ala mu amatabisi ti ala ti gingo na yanga ti mbi, ala mu asandaga so fion ni afun nzoni nga na sandaga ti samba.

Ezekiel 20:41

Na peko ti so mbi yeke sara si ala sigigi na popo ti amara si mbi yeke mu ala na ya ti akodro so ala kangbi lani daa ti bongbi ala na ndo oko, mbi yeke yamba ala na nzoni be tongana sandaga so fion ni afun nzoni. Na lege ti ala, fade mbi yeke fa na le ti amara nde so mbi yeke nde si mbi yeke nzoni kue.

Ezekiel 40:38

Na ya ti kota kubu, lege ayeke daa ti li na ya ti mbeni kete da so ayeke na tere ti kota kubu ni. Na ya ti kete da so laa a yeke sukula anyama so a yeke gbi ni kue na wâ.

Awayango-sandaga 1:13

Zo ni ayeke sukula ya ti nyama ni na agere ni. Na pekoni, wayango-sandaga ayeke ya ni na KOTA GBIA si lo yeke gbi ni kue na ndö ti gbalaka. So ayeke sandaga so a gbi ni kue na wâ titene fion ni anzere na KOTA GBIA.

Awayango-sandaga 1:17

Zo ni ayeke suru ya ti ndeke ni use, na popo ti akpangi ti lo, me lo yeke zi akpangi ni pepe. Na pekoni, wayango-sandaga ayeke zö ndeke ni kue na wâ so ayeke na ndö ti gbalaka ni. So ayeke sandaga so a gbi ni kue na wâ titene fion ni anzere na KOTA GBIA.”

Awayango-sandaga 2:16

Na pekoni, wayango-sandaga ayeke zö sandaga so a iri ni sandaga ti dango be so, so ti tene ale ti kobe kete, mafuta kete na dukani ni kue. So ayeke sandaga so a gbi ni kue na wâ ndali ti KOTA GBIA.

Awayango-sandaga 2:2

Na pekoni, lo gue na sandaga ni na awayango-sandaga, amolenge ti Aaron. Mbeni wayango-sandaga oko ayeke mu mbeni farini asi ya ti maboko ti lo, farini so a tuku mafuta daa si a zia dukani daa so, lo zö ni na ndö ti gbalaka; a iri sandaga ni sandaga ti dango be. So ayeke sandaga so a gbi ni kue na wâ titene fion ni anzere na KOTA GBIA.

Awayango-sandaga 2:9

Wayango-sandaga ni ayeke mu mbeni mbage ti sandaga so a iri ni sandaga ti dango be so si lo yeke zö ni na ndö ti gbalaka. So ayeke sandaga so a gbi ni kue na wâ titene fion ni anzere na KOTA GBIA.

Awayango-sandaga 3:11

Na pekoni, wayango-sandaga ayeke zö aye ni kue na ndö ti gbalaka. So ayeke kobe ti sandaga so a gbi ni kue na wâ ndali ti KOTA GBIA.

Awayango-sandaga 3:5

Na pekoni, amolenge ti Aaron ayeke zö aye ni kue na ndö ti gbalaka legeoko na sandaga so a yeke gbi ni kue na wâ, asandaga so a zia na ndö ti akeke ti wâ. So ayeke sandaga so a gbi ni kue na wâ titene fion ni anzere na KOTA GBIA.

Awayango-sandaga 4:31

Lo yeke zi akasa so kue mafuta ayeke daa mingi tongana ti so a yeke sara ndali ti sandaga ti beoko. Wayango-sandaga ayeke zö aye ni so na ndö ti gbalaka titene fion ni anzere na KOTA GBIA. Tongana wayango-sandaga asara aye ni so kue na tere ti senge zo ti kodro ni titene Nzapa azi siokpari na li ti lo, Nzapa azi siokpari ni awe.

Awayango-sandaga 6:14

Alingbi ala tuku mafuta na ya ti farini ni, ala gbu ya ni si ala zö ni na ya ti kpangbara sembe. Fade ala yeke fâ ya ni kete kete si ala mu na sandaga na KOTA GBIA titene fion ni anzere na lo.

Awayango-sandaga 8:21

Lo sukula akamba ti ya ti nyama ni na agere ni; lo zö nyama ni kue na ndö ti gbalaka ti mu na sandaga so a yeke gbi ni kue na wâ, alingbi na yanga so KOTA GBIA amu na Moïse; so ayeke sandaga so fion ni anzere na KOTA GBIA.

Awayango-sandaga 8:28

Na pekoni, Moïse akiri amu aye ni na maboko ti ala si lo zö ni kue na wâ na ndö ti gbalaka; lo bongbi ni na sandaga so a yeke gbi ni kue na wâ. So ayeke sandaga ti ziango kua na maboko ti zo laa, sandaga so fion ni anzere na KOTA GBIA, sandaga so a gbi ni kue na wâ ndali ti KOTA GBIA.

Awayango-sandaga 9:14

Lo sukula ya ti nyama ni nga na agere ni, lo bongbi ni na sandaga so a yeke gbi ni kue na wâ si lo zö ni na ndö ti gbalaka.

Zakarii 13:7

So tënë ti yanga ti *KOTA GBIA so ayeke na ndö ti dunia kue laa: “Yongoro zeme, londo mo gue na tere ti wabatango-taba ti mbi nga na tere ti mba ti mbi so ayeke mu maboko na mbi! Fâ wabatango-taba ni si ataba ni akangbi kirikiri, mbi yeke kiri ti pika akete taba ni.”

Wungo ti azo 15:3

na ndembe so ala yeke ya *sandaga na KOTA GBIA, ataa sandaga so a yeke gbi ni kue na wâ, ataa sandaga ndali ti zendo so ala mu, wala sandaga so ala mu na be ti ala wani, wala sandaga so ala yeke mu na lango ti sarango amatanga ti ala, ala yeke soro bagara, ngasa wala taba ndali ti asandaga ni. So laa fion ni ayeke nzere na KOTA GBIA.

Wungo ti azo 28:11

“Lakue na kozo lango ti fini nze, ala yeke mu akoli-bagara use, koli-taba oko, akete taba mbarambara ti ngu oko so mbage ti tere ti ala abuba pepe ti ya na sandaga so a yeke gbi ni kue na wâ na *KOTA GBIA.

Wungo ti azo 28:7

Na ndembe so ala yeke mu kozo kete taba ni na sandaga na KOTA GBIA na ndaperere, ala yeke ga nga na sandaga ti samba, litere ni oko na ndambo. Ala yeke ga na ni na ndo so ayeke nde si ayeke nzoni kue.

Wungo ti azo 28:8

Ti use kete taba ni, ala yeke mu lo na sandaga na KOTA GBIA na lakui. Ala yeke mu gi oko ye so ala mu ndali ti sandaga ti ndaperere so. So ayeke sandaga so fion ni anzere na KOTA GBIA.”

2 Korente 2:15

Biani, ti Nzapa, e yeke tongana nzoni yombo ti Christ ndali ti azo so ayeke soo kuâ nga ndali ti azo so agirisa.

Efeze 5:2

Ala sara ye na lege ti yengo tere tongana ti so Christ aye e si lo mu tere ti lo wani na Nzapa ndali ti e tongana *sandaga so fion ni afun nzoni si anzere na be ti Nzapa.

Ndia ti fani use ni 12:27

Âdu ti asandaga ti nyama so a yeke gbi ni kue na wâ, fade ala yeke ya kasa ni na mene ni na ndö ti gbalaka ti KOTA GBIA Nzapa ti ala. Âdu ti asandaga ti beoko, ala yeke tuku mene ni na ndö ti gbalaka ti KOTA GBIA, na pekoni ala yeke te kasa ni.

Filipe 4:18

Na ndembe so, mbi wara aye so alingbi na mbi awe; mbi kiri mbi wara ahon ndoni. Mbi yeke na ye mingi na peko ti so Epafrodite aga na aye so ala tokua na mbi so. Aye so ala tokua so ayeke tongana yombo so afun nzoni, ayeke nga tongana *sandaga so Nzapa aye tënë ni si anzere na be ti lo.