Awayango-sandaga 1:5 - Mbeti ti Nzapa - Tënë so amu fini

⁵ Zo ni ayeke fâ go ti nyama ni na dawa ti KOTA GBIA. Awayango-sandaga, amolenge ti Aaron, ayeke ya mene ni na KOTA GBIA. Na pekoni, ala yeke fi mene ni na tere ti gbalaka so ayeke na yanga ti da ti bongo so KOTA GBIA na azo ti lo ayeke wara tere daa; ala yeke fi ni angoro gbalaka ni kue.

Awayango-sandaga 1:5 ပူးပေါင်းရင်းမြစ်များ

Awayango-sandaga 3:8

Zo ni ayeke zia maboko ti lo na li ti taba ni si lo yeke fâ go ti lo na yanga ti da ti bongo so KOTA GBIA na azo ti lo ayeke wara tere daa. Tongaso, amolenge ti Aaron ayeke fi mene ni na tere ti gbalaka, angoro ni kue.

Awayango-sandaga 1:11

Zo ni ayeke fâ go ti nyama ni na dawa ti KOTA GBIA, na mbage ti Banga ti gbalaka ni. Tongaso awayango-sandaga, amolenge ti Aaron ayeke fi mene ni na tere ti gbalaka, angoro ni kue.

Awayango-sandaga 3:2

Zo ni ayeke zia maboko ti lo na li ti nyama ni si lo yeke fâ go ti lo na yanga ti da ti bongo so KOTA GBIA na azo ti lo ayeke wara tere daa. Awayango-sandaga, amolenge ti Aaron ayeke fi mene ni na tere ti gbalaka, angoro ni kue.

1 Pierre 1:2

Nzapa Babâ asoro ala tongana ti so lo leke na be ti lo kozoni; lo sara si ala ga azo so ayeke nde si ayeke nzoni kue na lege ti Yingo ti lo, tongaso si ala ma yanga ti Jésus Christ, tongaso nga si lo *sukula asioni ti ala na mene ti lo. Ayeke nzoni Nzapa asara nzoni be mingi na ala si lo mu na ala siriri ahon ndoni!

Ahebro 12:24

Ala ga nduru na Jésus awe, lo so lo leke tënë ti fini *mbuki; ala ga nduru awe na mene ti Jésus so atuku ndali ti azo si ayeke tene nzoni tënë ahon mene ti Abel.

2 Mbai 35:11

Azo afâ go ti anyama ni; ala mu mene ni na awayango-sandaga si awayango-sandaga afi ni na ndö ti gbalaka. Azo ti mara ti Lévi azi poro ti anyama ni.

Awayango-sandaga 3:13

Zo ni ayeke zia maboko ti lo na li ti ngasa ni si lo yeke fâ go ti lo na yanga ti da ti bongo so KOTA GBIA na azo ti lo ayeke wara tere daa. Tongaso, amolenge ti Aaron ayeke fi mene ni na tere ti gbalaka, angoro ni kue.

Sigingo 29:16

Mo yeke fâ go ti taba ni, mo mu mene ni, mo fi na tere ti gbalaka ni, angoro ni kue.

Ahebro 10:11

Na ya ti lango oko oko, wayango-sandaga oko oko kue ayeke luti na nduzu ti sara kua ti lo. Gi oko mara ti asandaga si ala yeke mu, me asandaga so ala yeke mu so alingbi ti zi asiokpari ti azo pepe.

Mishe 6:6

“Fade mbi yeke gue na nyen na *KOTA GBIA, Nzapa ti nduzu tongana mbi kuku na gbe ti lo ti voro lo? Mbi mu *sandaga so agbi ni kue na wâ si mbi gue na ni na gbe ti lo? Mbi mu bagara ti ngu oko si mbi gue na ni?

Ezekiel 36:25

Mbi yeke tuku *nzoni ngu na ndö ti ala si ala ga *nzoni. Mbi yeke *sukula asioni ti ala kue, mbi yeke zi ayanda ti ala.

Ésaïe 52:15

Me fadeso, li ti azo ti mara mingi akpe ndali ti lo, tënë ahunzi na yanga ti agbia. Biani, ye so a tene ando tënë ni na ala pepe, ni laa ala yeke baa ni; ye so ala ma ando tënë ni pepe, ni laa ala yeke baa ni.”

Wungo ti azo 18:17

Me ti akozo molenge ti bagara, ti taba na ti ngasa, fade mo yeke yeda titene a futa mbeni ye ndali ti ala pepe, ngbanga ti so a zia ala nde ndali ti mbi awe. Ala yeke fi mene ti ala na ndö ti gbalaka, ala yeke gbi na wâ mafuta ti ala titene fion ni anzere na mbi.

Awayango-sandaga 16:15

Koli-ngasa so a ga na lo ndali ti zingo siokpari na li ti azo ni, lo yeke fâ go ti lo, lo mu mene ni ti gue na ni na peko ti ridoo so akangbi ya ti da ni. Gi oko ye so lo sara na mene ti koli-bagara ni, ni laa lo yeke sara na mene ti koli-ngasa ni. Lo yeke fi mene ni na tere ti ye ti kangango na yanga ti sanduku ti mbuki ni nga na dawa ti ye ti kangango na yanga ti sanduku ti mbuki ni.

Awayango-sandaga 1:15

Wayango-sandaga ayeke ga na ndeke ni na dawa ti gbalaka; lo yeke zi li ti ndeke ni si lo yeke zö ni na ndö ti gbalaka. Na pekoni, lo yeke yuru mene ni na tere ti gbalaka ni.

Sigingo 29:11

Mo yeke fâ go ti koli-bagara ni na dawa ti mbi KOTA GBIA, na yanga ti da ti bongo so mbi na azo ti mbi e yeke wara tere daa.

Awayango-sandaga 4:29

Lo yeke zia maboko ti lo na li ti nyama ni si lo yeke fâ go ti nyama ni na ndo so a yeke fâ ka go ti anyama ti *asandaga so a yeke gbi ni kue na wâ daa.

Awayango-sandaga 4:33

Lo yeke zia maboko ti lo na li ti nyama ni si lo yeke fâ go ti nyama ni na ndo so a yeke fâ ka go ti anyama ti asandaga so a yeke gbi ni kue na wâ daa.

Awayango-sandaga 17:11

Biani, fini ti ye so kue Nzapa asara ayeke na ya ti mene. KOTA GBIA laa amu na ala mene titene ala sara na kua na ndö ti gbalaka ti zi na siokpari na li ti ala. Biani, Nzapa ayeke zi siokpari na li ti azo na lege ti mene, ngbanga ti so fini ayeke na ya ni.

1 Samuel 1:25

Ala mu koli-bagara ni na sandaga na Nzapa si ala gue na molenge ni na Heli.

Ezekiel 43:18

Koli ni atene na mbi: “*Molenge ti zo, tënë so Kota Gbia NZAPA atene ayeke so: Lango so ala yeke sara ande gbalaka titene ala mu *sandaga so a yeke gbi ni kue na wâ na ndö ni si ala yeke fi mene ti anyama na tere ni, ndia ni ayeke tongaso:

Sigingo 40:6

Gbalaka so a yeke ya na ndö ni *asandaga so a yeke gbi ni kue na wâ, mo yeke zia ni na yanga ti da ni.

Awayango-sandaga 4:7

Lo yeke zia nga mene ni na tere ti adidi ti gbalaka, na ndo so a yeke zö dukani daa na dawa ti KOTA GBIA na ya ti da ti bongo so KOTA GBIA na azo ti lo ayeke wara tere daa. Na pekoni, lo yeke tuku tanga ti mene ni na gere ti gbalaka so a yeke ya na ndö ni sandaga so a yeke gbi ni kue na wâ si ayeke na dawa ti da ti bongo so KOTA GBIA na azo ti lo ayeke wara tere daa.