Awayango-sandaga 1:4 - Mbeti ti Nzapa - Tënë so amu fini

⁴ Zo ni ayeke zia maboko ti lo na li ti nyama ni. Tongaso KOTA GBIA ayeke yeda na sandaga ti zo ni si lo yeke zi siokpari na li ti lo.

Awayango-sandaga 1:4 ပူးပေါင်းရင်းမြစ်များ

Sigingo 28:38

Aaron ayeke yu palata ni so lakue na ndö ti le ti lo na ndembe so lo yeke ga na dawa ti mbi KOTA GBIA. Ndali ni, mbi yeke yeda na *asandaga so azo ti Israel ayeke ya na mbi, ataa ala sara asioni ye na lege ti gango na asandaga ni na mbi.

Sigingo 29:10

“Fade mo yeke ga na koli-bagara ni na yanga ti da ti bongo so Nzapa na azo ti lo ayeke wara tere daa. Aaron na amolenge ti lo ayeke zia maboko ti ala na li ti koli-bagara ni.

Sigingo 29:15

“Na pekoni, fade mo yeke mu kozo koli-taba ni. Aaron na amolenge ti lo ayeke zia maboko ti ala na li ti taba ni.

Sigingo 29:19

“Na pekoni, fade mo yeke mu use koli-taba ni. Aaron na amolenge ti lo ayeke zia maboko ti ala na li ti taba ni.

Sigingo 29:33

Ye so a mu na sandaga titene mbi Nzapa, mbi zi siokpari na li ti ala si ala li na ya ti kua ti ala so, fade gi ala oko laa ayeke te ni; mbeni zo nde alingbi ti te ni pepe, ngbanga ti so a zia kobe ni so nde ndali ti Nzapa.

Ésaïe 56:7

fade mbi yeke sara si ala ga na ndö ti hoto ti mbi so ayeke nde si ayeke nzoni kue. Mbi yeke sara si be ti ala asi singo na ngia na ya ti da so a yeke sambela mbi daa. Asandaga so a yeke gbi ni kue na wâ nga na asandaga nde nde so ala yeke ya na mbi na ndö ti gbalaka, mbi yeke yamba ni. Biani, fade azo ayeke iri da ti mbi, ‘Da ti sambela ti amara kue.’ ”

Ezekiel 45:15

Na popo ti ataba wala angasa so ayeke na Israel, ala zi nyama oko na popo ti anyama 200. Aye so kue ala zi ayeke ndali ti sandaga, ndali ti sandaga so ayeke gbi ni kue na wâ, nga na sandaga ti beoko, titene Nzapa azi sioni na li ti ala. So tënë ti yanga ti Kota Gbia NZAPA laa.

Daniel 9:24

A diko ngoi mbarambara fani balembarambara ndali ti azo ti mo nga ndali ti gbata ti mo so ayeke nde si ayeke nzoni kue. A diko ngoi ni titene sioni sarango ye na siokpari akai, titene a zi siokpari na li ti azo si mbirimbiri ti Nzapa angba lakue lakue, titene aye so zo abaa na ya ti mbeni ye tongana bango-li na tenengo peko ti tënë ti yanga ti Nzapa aga taa-tënë, titene kota da ti Nzapa so ayeke nde si ayeke nzoni kue, azo akiri azia ni nde ndali ti lo.

Awayango-sandaga 16:21

Aaron ayeke zia maboko ti lo use kue na li ti koli-ngasa ni, lo yeke diko na li ti ngasa ni asioni so kue azo ti Israel asara, ngangu li ti ala kue nga na siokpari ti ala kue si lo yeke zia ni kue na li ti ngasa ni. Na pekoni, lo yeke tokua ngasa ni na benyama si mbeni koli so a soro lo ayeke mu lo ti gue na lo.

Awayango-sandaga 16:24

Lo yeke sukula ngu na mbeni ndo so ayeke nde si ayeke nzoni kue, lo yeke yu ambeni bongo nde. Lo yeke sigigi si lo yeke ya na KOTA GBIA sandaga so a yeke gbi ni kue na wâ ndali ti lo wani nga ndali ti azo ni kue. Na pekoni, lo yeke sara titene a zi siokpari na li ti lo wani nga na li ti azo ni.

Awayango-sandaga 22:21

Tongana mbeni zo aye ti mu sandaga ti beoko ndali ti zendo so lo mu wala lo na be ti lo wani, alingbi lo mu na popo ti anyama ti lo bagara, taba wala ngasa so mbeni mbage ti tere ti lo abuba pepe, lo ga na ni si mbi yeda na lo.

Awayango-sandaga 22:27

“Tongana mbeni bagara adu, wala mbeni taba adu, wala mbeni ngasa adu, alingbi amolenge ni angba na tere ti mama ti ala na ya ti lango mbarambara. Na lango miombe ni, tongana a mu ala na sandaga so a yeke gbi ni kue na wâ, fade mbi yeke yeda na ni.

Awayango-sandaga 3:13

Zo ni ayeke zia maboko ti lo na li ti ngasa ni si lo yeke fâ go ti lo na yanga ti da ti bongo so KOTA GBIA na azo ti lo ayeke wara tere daa. Tongaso, amolenge ti Aaron ayeke fi mene ni na tere ti gbalaka, angoro ni kue.

Awayango-sandaga 3:2

Zo ni ayeke zia maboko ti lo na li ti nyama ni si lo yeke fâ go ti lo na yanga ti da ti bongo so KOTA GBIA na azo ti lo ayeke wara tere daa. Awayango-sandaga, amolenge ti Aaron ayeke fi mene ni na tere ti gbalaka, angoro ni kue.

Awayango-sandaga 3:8

Zo ni ayeke zia maboko ti lo na li ti taba ni si lo yeke fâ go ti lo na yanga ti da ti bongo so KOTA GBIA na azo ti lo ayeke wara tere daa. Tongaso, amolenge ti Aaron ayeke fi mene ni na tere ti gbalaka, angoro ni kue.

Awayango-sandaga 4:15

*Akangba ti bongbi ni ayeke zia maboko ti ala na li ti koli-bagara ni si mbeni oko na popo ti ala ayeke fâ go ti bagara ni na dawa ti KOTA GBIA.

Awayango-sandaga 4:20

Lo yeke sara na koli-bagara so gi mara ti ye so lo sara na koli-bagara so lo ya na sandaga ndali ti siokpari ti lo wani. Tongana wayango-sandaga asara aye ni so kue na tere ti bongbi ti azo ti Israel titene Nzapa azi siokpari na li ti ala, Nzapa azi siokpari ni awe.

Awayango-sandaga 4:24

Makonzi ni ayeke zia maboko ti lo na li ti koli-ngasa ni si lo yeke fâ go ti ngasa ni na dawa ti KOTA GBIA, na ndo so a yeke fâ ka go ti anyama ti *sandaga so a yeke gbi ni kue na wâ daa. So ayeke sandaga ndali ti zingo siokpari na li ti zo laa.

Awayango-sandaga 4:26

Lo yeke zi akasa so kue mafuta ayeke daa mingi si lo yeke zö ni na ndö ti gbalaka tongana ti so a yeke sara ndali ti sandaga ti beoko. Tongana wayango-sandaga asara aye ni so kue na tere ti makonzi ni titene Nzapa azi siokpari na li ti lo, Nzapa azi siokpari ni awe.”

Awayango-sandaga 4:29

Lo yeke zia maboko ti lo na li ti nyama ni si lo yeke fâ go ti nyama ni na ndo so a yeke fâ ka go ti anyama ti *asandaga so a yeke gbi ni kue na wâ daa.

Awayango-sandaga 4:31

Lo yeke zi akasa so kue mafuta ayeke daa mingi tongana ti so a yeke sara ndali ti sandaga ti beoko. Wayango-sandaga ayeke zö aye ni so na ndö ti gbalaka titene fion ni anzere na KOTA GBIA. Tongana wayango-sandaga asara aye ni so kue na tere ti senge zo ti kodro ni titene Nzapa azi siokpari na li ti lo, Nzapa azi siokpari ni awe.

Awayango-sandaga 4:33

Lo yeke zia maboko ti lo na li ti nyama ni si lo yeke fâ go ti nyama ni na ndo so a yeke fâ ka go ti anyama ti asandaga so a yeke gbi ni kue na wâ daa.

Awayango-sandaga 4:35

Lo yeke zi akasa so kue mafuta ayeke daa mingi tongana ti so a yeke sara ndali ti taba ti sandaga ti beoko. Wayango-sandaga ayeke zö aye ni so na ndö ti gbalaka titene fion ni anzere na KOTA GBIA. Tongana wayango-sandaga asara aye ni so kue na tere ti senge zo ti kodro ni titene Nzapa azi siokpari na li ti lo, Nzapa azi siokpari ni awe.”

Awayango-sandaga 4:4

Kota wayango-sandaga ni ayeke gue na nyama ni na dawa ti KOTA GBIA, na yanga ti da ti bongo so KOTA GBIA na azo ti lo ayeke wara tere daa. Lo yeke zia maboko ti lo na li ti nyama ni si lo yeke fâ go ti nyama ni na ndo so.

Awayango-sandaga 5:6

Na pekoni, zo ni ayeke ga na mama ti taba wala mama ti ngasa ti mu na *sandaga na KOTA GBIA ndali ti siokpari ti lo ni. Tongaso wayango-sandaga ayeke ya nyama ni na sandaga titene Nzapa azi siokpari na li ti zo ni.”

Awayango-sandaga 6:7

“Ndia ndali ti mungo sandaga ti ale ti kobe ayeke so: Amolenge ti Aaron laa ayeke ga nduru na gbalaka si ala yeke ya sandaga ni na KOTA GBIA.

Awayango-sandaga 8:14

Lo hunda titene a ga na lo koli-bagara so a yeke mu na sandaga ndali ti zingo siokpari na li ti azo. Aaron na amolenge ti lo azia maboko ti ala na li ti koli-bagara ni.

Awayango-sandaga 8:18

Na pekoni, lo ga na koli-taba so a yeke mu na sandaga so a yeke gbi ni kue na wâ. Aaron na amolenge ti lo azia maboko ti ala na li ti koli-taba ni.

Awayango-sandaga 8:22

Na pekoni, Moïse aga na use koli-taba ni; koli-taba so afa atene, Aaron na amolenge ti lo ali na kua ti ala ti awayango-sandaga awe. Ala zia maboko ti ala na li ti koli-taba ni.

Awayango-sandaga 9:7

Moïse atene na Aaron: “Ga nduru na tere ti gbalaka, mo mu sandaga ti mo ndali ti zingo siokpari na li ti mo; mo mu nga sandaga ti mo so a yeke gbi ni kue na wâ. Mo mu asandaga ni so titene Nzapa azi siokpari na li ti mo nga na li ti azo ni kue. Na pekoni, mo mu sandaga ti azo ni titene Nzapa azi siokpari na li ti ala, alingbi na yanga so KOTA GBIA amu.”

Wungo ti azo 15:25

Fade wayango-sandaga ayeke sara ye so afa atene, Nzapa azi siokpari na li ti bongbi ti azo ti Israel kue. Tongaso Nzapa azi siokpari ni awe. Biani, ala sara sioni ni na mbana ti be ti ala pepe, nilaa ala mu sandaga so a yeke gbi ni kue na wâ nga na sandaga ndali ti zingo siokpari na li ti zo.

Wungo ti azo 15:28

Na dawa ti KOTA GBIA, fade wayango-sandaga ayeke sara ye so afa atene, Nzapa azi siokpari na li ti lo ndali ti siokpari so zo ni asara, me na mbana ti be ti lo pepe. Tongaso Nzapa azi siokpari ni awe.

Wungo ti azo 25:13

Mbuki ni ayeke ndali ti lo na *ahale ti lo, ayeke mu lege na ala ti sara kua ti wayango-sandaga kpu na kpu. Mbi sara mbuki, ngbanga ti so tënë ti aye ti mbi Nzapa, agbu be ti lo mingi si lo sara nga ye so azi siokpari na li ti azo ti Israel awe.”

Wungo ti azo 8:10

Mo yeke iri azo ti mara ti Lévi ti ga na dawa ti KOTA GBIA si azo ti Israel kue ayeke zia maboko na ndö ti ala.

Wungo ti azo 8:12

Na pekoni, azo ti mara ti Lévi ayeke zia maboko na li ti akoli-bagara use so. Fade Aaron ayeke mu koli-bagara oko ndali ti sandaga ti zingo siokpari na li ti zo si mbeni koli-bagara ni ndali ti sandaga so a yeke gbi ni kue na wâ. Fade lo yeke sara ye so afa atene, KOTA GBIA azi siokpari na li ti azo ti mara ti Lévi awe.

Rome 12:1

A-ita, so Nzapa abaa mawa ti e ahon ndoni awe so, mbi hunda na ala mingi titene ala mu tere ti ala kue na Nzapa tongana *sandaga so ayeke na fini, sandaga so ayeke nde, ayeke nzoni kue si anzere na lo. So mbirimbiri lege ti vorongo Nzapa laa.

Rome 3:25

Nzapa amu Jésus Christ na *sandaga si na lege ti mene ti lo, Christ azi siokpari ti azo so ama na be. Nzapa asara so ti fa atene, lo yeke mbirimbiri: asiokpari so azo asara ando, lo fâ ngbanga na li ti ala ndali ni pepe

Rome 5:11

Na ndö ni kue, be ti e ayeke na ngia na dawa ti Nzapa na lege ti *Kota Gbia ti e Jésus Christ, lo so lo sara si fadeso songo aga na popo ti e na Nzapa.

Filipe 4:18

Na ndembe so, mbi wara aye so alingbi na mbi awe; mbi kiri mbi wara ahon ndoni. Mbi yeke na ye mingi na peko ti so Epafrodite aga na aye so ala tokua na mbi so. Aye so ala tokua so ayeke tongana yombo so afun nzoni, ayeke nga tongana *sandaga so Nzapa aye tënë ni si anzere na be ti lo.

Ahebro 10:4

ngbanga ti so mene ti akoli-bagara na ti akoli-ngasa alingbi ti zi siokpari oko pepe.

1 Jean 2:2

Jésus Christ amu tere ti lo na *sandaga ti zi asiokpari ti e; gi asiokpari ti e oko pepe, me ti azo ti dunia kue.