Awayango-sandaga 1:3 - Mbeti ti Nzapa - Tënë so amu fini

³ “Tongana zo ni aye ti mu bagara na sandaga so a yeke gbi ni kue na wâ, alingbi lo mu koli-bagara so mbeni mbage ti tere ti lo abuba pepe. Zo ni ayeke gue na nyama ni na yanga ti da ti bongo so KOTA GBIA na azo ti lo ayeke wara tere daa, tongaso si KOTA GBIA ayamba lo nzoni.

Awayango-sandaga 1:3 ပူးပေါင်းရင်းမြစ်များ

Tongo nda ti aye 22:13

Abraham ayo le ti lo na nduzu si lo baa mbeni koli-taba na peko ti lo; akete keke agbu koli-taba ni na didi ti lo. Lo gue, lo mu koli-taba ni si lo mu lo na sandaga so a yeke gbi ni kue na wâ na plase ti molenge ti lo.

Tongo nda ti aye 22:2

Nzapa atene: “Mu molenge ti mo ti koli, oko molenge ti mo Isaac so mo ye lo mingi so, mo gue na lo na sese ti Moria, na ndö ti mbeni hoto so mbi yeke fa na mo. Kâ, mo mu lo na *sandaga so a yeke gbi ni kue na wâ.”

Tongo nda ti aye 22:8

Abraham akiri tënë, atene: “Molenge ti mbi, fade Nzapa wani ayeke baa lege ti mu na e taba ti mungo na sandaga so a yeke gbi ni kue na wâ.” Ala use kue angba ti tambula ti gue legeoko.

Tongo nda ti aye 8:20

Noe aleke mbeni gbalaka ndali ti KOTA GBIA. Na popo ti anyama so kue ayeke *nzoni, na andeke so kue ayeke *nzoni, lo mu oko na ya ti mara oko oko ti mu na *sandaga so a yeke gbi ni kue na wâ na KOTA GBIA na ndö ti gbalaka ni.

2 Mbai 29:32

Wungo ti anyama so kue azo ni aga na ni ndali ti sandaga so a yeke gbi ni kue na wâ ayeke akoli-bagara balembarambara, akoli-taba ngbangbo oko, akete taba ngbangbo use; anyama ni kue, ala mu na sandaga so a yeke gbi ni kue na wâ na KOTA GBIA.

2 Mbai 35:12

Ala zia anyama ni na mbage, so ti tene akoli-bagara ti mu na asewa ti akete mara ti azo ti Israel titene ala mu na sandaga so a yeke gbi ni kue na wâ na KOTA GBIA, alingbi na tënë so a su na ya ti mbeti ti Moïse.

Abia (Psaumes) 110:3

Na lango so mo bongbi aturugu ti mo ti gue na bira, azo ti mo, na be ti ala wani, amu peko ti mo. Na ndö ti ahoto so ayeke nde si ayeke nzoni kue, amaseka ayeke ga na mbage ti mo; ala kpa ngu ti pere ti kota ndaperere.

Abia (Psaumes) 40:8

Nilaa mbi tene: “Baa, mbi yeke ga; na ya ti mbeti ti *Ndia, a su tënë ti ye so mbi lingbi ti sara.”

Sigingo 12:5

Ala yeke soro kete koli-taba wala kete koli-ngasa ti ngu oko so mbeni mbage ti tere ti lo abuba pepe.

Sigingo 24:5

Lo tokua ambeni maseka ti Israel ti gue ti mu na KOTA GBIA *sandaga so a yeke gbi ni kue na wâ, ti fâ akoli-bagara ti mu na sandaga ti beoko.

Sigingo 29:18

Mo yeke gbi koli-taba ni kue na wâ na ndö ti gbalaka. So ayeke *sandaga so a gbi ni kue na wâ ndali ti mbi KOTA GBIA, sandaga so a gbi ni kue na wâ si fion ni anzere na mbi KOTA GBIA.

Sigingo 29:4

“Fade mo yeke mu Aaron na amolenge ti lo, mo ga na ala na yanga ti da ti bongo so Nzapa na azo ti lo ayeke wara tere daa si mo yeke sukula ala na ngu.

Sigingo 29:42

So ayeke sandaga so a yeke gbi ni kue na wâ si ala yeke ya ni na dawa ti mbi ngu na ngu, kpu na kpu na yanga ti da ti bongo so mbi KOTA GBIA, mbi na azo ti mbi e yeke tere daa. Na ndo so laa mbi yeke wara ala daa ti tene tënë na mo.

Sigingo 32:6

Lango oko na pekoni, na kota ndaperere, ala ya *sandaga so a yeke gbi ni kue na wâ, ala ga na sandaga ti beoko. Azo ni aduti ti te, ti nyon si ala londo ti sara ngia.

Sigingo 35:21

Na pekoni, azo kue ti nzoni be, na be ti ala wani abongbi ambeni ye aga na ni na KOTA GBIA ti sara na da ti bongo so KOTA GBIA na azo ti lo ayeke wara tere daa. Ala ga nga na aye ni ndali ti akua ti lo kue nga ti sara na abongo so a zia nde ndali ti kua ti Nzapa.

Sigingo 35:29

Azo ti Israel kue, akoli wala awali ti nzoni be, na be ti ala wani, ala ga na aye so alingbi ti sara na kua so KOTA GBIA amu yanga daa na Moïse.

Sigingo 35:5

Aye so ala yeke na ni, ala bongbi ambeni aga na ni na KOTA GBIA. Azo so kue aye ti mu ye na nzoni be, fade ala yeke ga na ni na KOTA GBIA; ala lingbi ti ga na aye tongana: lôro, wen ti nginza, bengba wen,

Sigingo 36:3

Moïse amu na ala aye so kue azo ti Israel aga na ni ndali ti kua ti da so ayeke nde si ayeke nzoni kue so. Me lakue na ndaperere, azo angba ti ga na aye na Moïse na be ti ala wani.

Sigingo 38:1

Na pekoni, Besalel asara gbalaka na keke ti akasia ti ya *asandaga na ndö ni. Yongoro ni ayeke metere use na ndambo alingbi tere mbage na mbage kue. Yongo ni na nduzu metere oko na ndambo.

Ésaïe 1:11

KOTA GBIA atene: “Gba ti *asandaga ti ala so, mbi yeke sara na ni nyen? Akoli-taba so ala mu na sandaga so a yeke gbi ni kue na wâ nga na mafuta ti akete bagara afun sen awe. Mene ti akoli-bagara, ti ataba na ti akoli-ngasa anzere na be ti mbi oko pepe.

Ezekiel 20:40

Biani, na ndö ti hoto ti mbi so ayeke nde si ayeke nzoni kue, na ndö ti yongoro hoto ti Israel laa azo ti Israel so kue ayeke na ya ti kodro ni ayeke voro mbi. So tënë ti yanga ti mbi, Kota Gbia NZAPA laa. Kâ, mbi yeke yamba ala na nzoni be, mbi yeke yeda na aye so kue ala zia nde ndali ti mbi, amatabisi ti ala nga na asandaga ti anzoni ye so ala yeke ya na mbi.

Ezekiel 40:39

Na gbe ti kota kubu ti yanga ti da ni, ameza ayeke daa; use na mbage, use na mbage. Na ndö ti ameza ni so laa a yeke fâ go ti anyama so a yeke mu na *sandaga, so ti tene anyama so a yeke gbi ni kue na wâ nga na anyama so azo amu na sandaga titene Nzapa azi sioni na li ti ala.

Awayango-sandaga 1:10

“Tongana zo ni aye ti mu taba wala ngasa na sandaga so a yeke gbi ni kue na wâ, alingbi lo soro na popo ti ataba wala angasa mbeni koli-taba, wala koli-ngasa so mbeni mbage ti tere ti lo abuba pepe.

Awayango-sandaga 14:10

“Na lango miombe ni, lo yeke mu akete taba use so mbeni mbage ti tere ti ala abuba pepe, kete wali-taba ti ngu oko so mbeni mbage ti tere ti lo abuba pepe, *sandaga ti kilo gumbaya ti farini so a bongbi na mafuta si a gbu ya ni nga na ndambo ti litere ti mafuta.

Awayango-sandaga 16:7

Na pekoni, lo yeke gue na akoli-ngasa use so na dawa ti KOTA GBIA, na yanga ti da ti bongo so KOTA GBIA na azo ti lo ayeke wara tere daa.

Awayango-sandaga 17:4

alingbi lo gue na nyama ni kozoni na yanga ti da ti bongo so KOTA GBIA na azo ti lo ayeke wara tere daa. Lo yeke mu nyama ni na *sandaga na KOTA GBIA na dawa ti ndo so KOTA GBIA ayeke duti daa. Tongana lo sara tongaso pepe, fade ngbanga ti mene so lo tuku so ayeke ti na li ti lo si a yeke tumba lo na popo ti azo ti Israel.

Awayango-sandaga 17:8

“Fade mo yeke tene nga na ala, mo tene: Tongana mbeni zo ti Israel, wala mbeni wande so aduti na popo ti ala aye ti mu sandaga so a yeke gbi ni kue na wâ wala mbeni sandaga nde,

Awayango-sandaga 17:9

alingbi lo gue na nyama ni na yanga ti da ti bongo so KOTA GBIA na azo ti lo ayeke wara tere daa titene lo mu lo na sandaga na KOTA GBIA. Tongana zo ni asara tongaso pepe, fade a yeke tumba lo na ya ti bongbi ti azo ti Israel.

Awayango-sandaga 23:12

Gi na oko lango so ala yeke ya na mbi gba ti le ti kobe ni, ala yeke ya nga na mbi *sandaga so a yeke gbi ni kue na wâ mbeni molenge ti taba ti ngu oko, lo so mbeni mbage ti tere ti lo abuba pepe.

Awayango-sandaga 23:18

Na tere ti mapa ni, ala yeke mu nga amolenge ti taba mbarambara ti ngu oko so mbeni mbage ti tere ti ala abuba pepe, koli-bagara oko na akoli-taba use. Ala yeke bongbi anyama ni na sandaga ti ale ti kobe nga na ti vin si ala yeke mu na mbi na sandaga so a yeke gbi ni kue na wâ. So ayeke sandaga so fion ni ayeke nzere na mbi KOTA GBIA.

Awayango-sandaga 3:1

“Tongana mbeni zo aye ti mu bagara na *sandaga ti beoko, alingbi lo mu koli-bagara wala mama ti bagara so mbeni mbage ti tere ti lo abuba pepe si lo ga na ni na dawa ti KOTA GBIA.

Awayango-sandaga 4:15

*Akangba ti bongbi ni ayeke zia maboko ti ala na li ti koli-bagara ni si mbeni oko na popo ti ala ayeke fâ go ti bagara ni na dawa ti KOTA GBIA.

Awayango-sandaga 4:23

Tongana a fa na lo siokpari ti lo ni, alingbi lo mu koli-ngasa so mbeni mbage ti tere ti lo abuba pepe.

Awayango-sandaga 4:3

“Tongana kota wayango-sandaga laa asara siokpari si ndali ti siokpari ti lo tënë aga na li ti azo, alingbi lo ya na KOTA GBIA *sandaga ti koli-bagara so mbeni mbage ti tere ti lo abuba pepe ndali ti zingo siokpari na li ti lo.

Awayango-sandaga 4:32

“Tongana taba laa lo ye ti mu na sandaga ndali ti siokpari ti lo, alingbi lo gue na mama ti taba so mbeni mbage ti tere ti lo abuba pepe.

Awayango-sandaga 5:15

“Tongana mbeni zo asara ye so ayeke sioni mingi ti ke ye so alingbi fade ti mu na *sandaga na KOTA GBIA, me lo sara ni na mbana ti be ti lo pepe, ye so lo lingbi ti sara na KOTA GBIA ti leke na tënë ti lo ayeke so: lo yeke ga na koli-taba so mbeni mbage ti tere ti lo abuba pepe, so ngere ti lo alingbi na ngere ti taba so a yeke mu ka na ndo so a zia nde ndali ti Nzapa.

Awayango-sandaga 5:18

Alingbi zo ni amu koli-taba so mbeni mbage ti lo abuba pepe, lo ga na ni na wayango-sandaga; koli-taba so ngere ti lo alingbi na ngere ti taba so a yeke mu ka na sandaga ti lekengo tënë. Tongana wayango-sandaga asara ye ni so kue na tere ti zo ni ndali ti siokpari so lo sara na mbana ti be ti lo pepe si lo hinga pepe, tongaso Nzapa azi siokpari na li ti zo ni awe.

Awayango-sandaga 6:2

ti mu yanga na Aaron nga na amolenge ti lo, atene: “Baa lege ti mungo *sandaga so a yeke gbi ni kue na wâ ayeke so: Fade sandaga so ayeke ngba na ndö ti gbalaka, na le ti wâ na bi ngbii asi na ndaperere; wâ ti ndö ti gbalaka ni ayeke ngba na zango ni.

Awayango-sandaga 6:8

Mbeni wayango-sandaga oko ayeke mu farini ti ale ti kobe asi ya ti maboko ti lo, farini so a tuku mafuta daa si a zia dukani daa, lo yeke zö ni na ndö ti gbalaka. So ayeke sandaga so fion ni anzere na KOTA GBIA, a iri ni sandaga ti dango be.

Awayango-sandaga 7:16

“Mbeni zo aga na sandaga ti beoko na be ti lo wani wala sandaga ti zendo, alingbi a te kasa ti nyama ni na lango so a ya na sandaga ni. Tongana tanga ni angba, alingbi ti te ni na ndade ni.

Awayango-sandaga 8:18

Na pekoni, lo ga na koli-taba so a yeke mu na sandaga so a yeke gbi ni kue na wâ. Aaron na amolenge ti lo azia maboko ti ala na li ti koli-taba ni.

Awayango-sandaga 8:21

Lo sukula akamba ti ya ti nyama ni na agere ni; lo zö nyama ni kue na ndö ti gbalaka ti mu na sandaga so a yeke gbi ni kue na wâ, alingbi na yanga so KOTA GBIA amu na Moïse; so ayeke sandaga so fion ni anzere na KOTA GBIA.

Awayango-sandaga 9:2

Lo tene na Aaron: “Mu mbeni kete bagara so mo yeke ya na *sandaga ndali ti zingo siokpari na li ti azo; mo mu nga mbeni koli-taba ti ya na sandaga so a yeke gbi ni kue na wâ. Alingbi anyama ni use kue, mbeni mbage ti tere ti ala abuba pepe. Fade mo yeke ya ala na KOTA GBIA.

Zakarii 13:7

So tënë ti yanga ti *KOTA GBIA so ayeke na ndö ti dunia kue laa: “Yongoro zeme, londo mo gue na tere ti wabatango-taba ti mbi nga na tere ti mba ti mbi so ayeke mu maboko na mbi! Fâ wabatango-taba ni si ataba ni akangbi kirikiri, mbi yeke kiri ti pika akete taba ni.”

Malashii 1:14

Deba aga na ndö ti zo ti mayere so lo yeke na nzoni koli-nyama na popo ti anyama ti lo! Lo mu fade yanga ti mu nzoni nyama ni na mbi na sandaga, me na pekoni, lo mu gi nyama so mbeni mbage ti tere ti lo abuba awe. Biani, mbi yeke kota gbia so amara nde ayeke kpe mbeto ti mbi. Tënë so KOTA GBIA so ayeke na ndö ti dunia kue atene laa.”

Wungo ti azo 15:3

na ndembe so ala yeke ya *sandaga na KOTA GBIA, ataa sandaga so a yeke gbi ni kue na wâ, ataa sandaga ndali ti zendo so ala mu, wala sandaga so ala mu na be ti ala wani, wala sandaga so ala yeke mu na lango ti sarango amatanga ti ala, ala yeke soro bagara, ngasa wala taba ndali ti asandaga ni. So laa fion ni ayeke nzere na KOTA GBIA.

Wungo ti azo 15:8

Âdu ti koli-bagara so ala yeke mu na sandaga so a yeke gbi ni kue na wâ wala na senge sandaga ndali ti zendo so ala mu wala sandaga ti beoko,

Wungo ti azo 19:2

Atënë ti ndia so KOTA GBIA amu ndali ti ala laa: “Mu yanga na azo ti Israel ti ga na mbeni bengba bagara so mbage ti tere ti lo abuba pepe, nyama ni so ade ti yo *zuge nga laoko pepe.

Wungo ti azo 23:19

Nzapa ayeke zo pepe titene lo tene mvene, lo yeke senge zo ti sese pepe ti duti na yanga use use. Tënë so lo tene, fade lo yeke sara ni pepe? Tënë so lo tene, fade lo yeke sara ye ti peko ni pepe?

Wungo ti azo 23:27

Balak atene na Balaam: “Ga, mbi kiri mbi gue na mo na mbeni ndo nde. E hinga pepe, fade Nzapa ayeke yeda titene na ndo so kâ, mo deba azo so na mbi.”

Wungo ti azo 23:3

Balaam atene na Balak: “Luti nduru na tere ti sandaga ti mo so; ti mbi, mbi yeke hon yongoro kete. E hinga pepe, fade *KOTA GBIA ayeke ga ti wara mbi. Tënë so lo yeke tene na mbi, ataa tënë ni ayeke tongana nyen, fade mbi yeke tene peko ni na mo.” Na pekoni lo gue na ndö ti mbeni hoto so pere ayeke daa pepe.

Wungo ti azo 23:30

Balak asara ye ni tongana ti so Balaam atene. Na pekoni, lo ya koli-bagara oko na koli-taba oko na sandaga so a yeke gbi ni kue na wâ na ndö ti gbalaka oko oko kue.

Wungo ti azo 28:11

“Lakue na kozo lango ti fini nze, ala yeke mu akoli-bagara use, koli-taba oko, akete taba mbarambara ti ngu oko so mbage ti tere ti ala abuba pepe ti ya na sandaga so a yeke gbi ni kue na wâ na *KOTA GBIA.

Wungo ti azo 28:19

Ala yeke mu akoli-bagara use, koli-taba oko na akete taba mbarambara so mbeni mbage ti tere ti ala abuba pepe ti ya na *sandaga so a yeke gbi ni kue na wâ na KOTA GBIA.

Wungo ti azo 28:31

Na ndö ti asandaga so kue, ala yeke mu asandaga so a yeke gbi ni kue na wâ na ya ti lango oko oko. Ala yeke mu gi anyama so mbage ti tere ti ala abuba pepe, ala yeke bongbi ni na sandaga ti samba.”

Wungo ti azo 29:13

Na kozo lango ti matanga ni, ala yeke mu akoli-bagara baleoko na ota, akoli-taba use, akete taba baleoko na osio ti ngu oko so mbeni mbage ti tere ti ala abuba pepe ti ya na *sandaga so a yeke gbi ni kue na wâ si fion ni anzere na KOTA GBIA.

Wungo ti azo 29:2

Ala yeke mu koli-bagara oko, koli-taba oko na akete taba mbarambara ti ngu oko so mbeni mbage ti tere ti ala abuba pepe na *sandaga so a yeke gbi ni kue na wâ si fion ni anzere na KOTA GBIA.

Nzoni Tënë so Luc asu na mbeti 1:35

Ange ni akiri tënë na lo, atene: “Fade Yingo-Vuru ayeke ga na ndö ti mo si ngangu ti Nzapa, lo so lo yeke na yayu kâ na ndö ti aye kue ayeke duti na ndö ti mo tongana gbe ti de. Ndani laa molenge so mo yeke du lo ayeke ga zo so ayeke nde si ayeke nzoni kue; azo ayeke iri lo Molenge ti Nzapa.

Jean 1:36

Lo baa Jésus na hongo ni si lo tene: “Baa, Kete Taba ti Nzapa laa!”

Jean 10:7

Jésus akiri atene: “Biani, mbi tene na ala taa-tënë: mbi laa mbi yeke yanga ti gbagba ti ataba ni.

Jean 10:9

Mbi yeke yanga ti gbagba ni. Zo so ali na lege ti mbi, fade lo yeke soo kuâ; lo yeke li, lo yeke sigigi si lo yeke wara kobe ti tengo ni.

2 Korente 8:12

Biani, tongana zo ayeke na nzara ti mu ye si lo mu ni alingbi na ye so lo yeke na ni, Nzapa ayeke yamba ye ni; me ye so zo ayeke na ni pepe, Nzapa ayeke hunda ni pepe.

2 Korente 9:7

Alingbi zo oko oko amu ye tongana ti so lo leke na be ti lo, na vundu pepe, wala mbeni zo agbu lo na ngangu pepe titene lo mu ni. Biani, Nzapa aye zo so ayeke mu ye na ngia.

Efeze 2:18

Biani, ndali ti lo si e, azuife, na ala azo ti amara nde, e ga nduru na Nzapa Babâ, na lege ti oko Yingo-Vuru.

Efeze 5:27

ngbanga ti so lo ye si Eglize ni aluti na le ti lo, pendere, sarate ayeke daa pepe, le ti lo akpa ti mbakoro pepe, mbeni sioni ye oko ayeke daa pepe. Lo ye si Eglize ni aduti nde si aduti nzoni kue, tënë ayeke na li ti lo pepe.

Ndia ti fani use ni 12:27

Âdu ti asandaga ti nyama so a yeke gbi ni kue na wâ, fade ala yeke ya kasa ni na mene ni na ndö ti gbalaka ti KOTA GBIA Nzapa ti ala. Âdu ti asandaga ti beoko, ala yeke tuku mene ni na ndö ti gbalaka ti KOTA GBIA, na pekoni ala yeke te kasa ni.

Ndia ti fani use ni 15:21

Tongana mbeni mbage ti tere ti nyama oko abuba, gere ti lo wala le ti lo, wala mbeni sioni ye nde ayeke na tere ti lo, ala mu lo na *sandaga na KOTA GBIA Nzapa ti ala pepe.

Ndia ti fani use ni 17:1

Bagara, wala taba wala ngasa so mbeni mbage ti tere ti lo abuba wala so mbeni sioni ye ayeke na tere ti lo, alingbi ala mu lo na *sandaga na *KOTA GBIA Nzapa ti ala pepe. Biani, so ayeke ye ti sioni mingi na le ti KOTA GBIA Nzapa ti ala.

Ahebro 7:26

Mara ti kota wayango-sandaga so alingbi fade na e laa. Lo yeke nde si lo yeke nzoni kue, tënë ayeke na li ti lo oko pepe, lo sara siokpari oko pepe; lo kangbi na azo ti siokpari, Nzapa amu lo si azia lo na yayu kâ na ndö ti aye kue.

Ahebro 9:14

Ye ni ayeke tongaso taa-tënë, me mene ti Christ ayeke na ngangu ti sara kua ahon ambeni ye so kue! Na lege ti Yingo so ayeke ngba kpu na kpu, Christ amu tere ti lo wani na sandaga na Nzapa, sandaga so sioni ye oko ayeke daa pepe. Mene ti lo ayeke sukula asioni so ayeke na be ti e si aye so ayeke gue na e na kuâ, fade e yeke kiri ti sara ni pepe, tongaso si e yeke sara kua ti Nzapa so ayeke na fini.