Awayango-sandaga 1:1 - Mbeti ti Nzapa - Tënë so amu fini

¹ KOTA GBIA airi Moïse; kâ na ya ti da ti bongo so lo na azo ti lo ayeke wara tere daa, lo mu yanga na lo

Awayango-sandaga 1:1 ပူးပေါင်းရင်းမြစ်များ

2 Agbia 16:13

Kâ, lo zö sandaga ti lo so a yeke gbi ni kue na wâ nga na sandaga ti farini; lo tuku sandaga ti samba ti lo na ndö ti gbalaka ni si lo fi mene ti asandaga ti beoko na ndö ni.

2 Mbai 29:32

Wungo ti anyama so kue azo ni aga na ni ndali ti sandaga so a yeke gbi ni kue na wâ ayeke akoli-bagara balembarambara, akoli-taba ngbangbo oko, akete taba ngbangbo use; anyama ni kue, ala mu na sandaga so a yeke gbi ni kue na wâ na KOTA GBIA.

Sigingo 19:3

Moïse ague na li ti hoto ti wara tere na Nzapa. Kâ na li ti hoto ni, KOTA GBIA airi lo si atene na lo: “Baa, tënë so fade mo yeke tene na azo ti mara ti Jacob, azo ti Israel ayeke so:

Sigingo 24:12

KOTA GBIA atene na Moïse: “Ma na li ti hoto na mbage ti mbi, mo duti na ndo so. Mbi yeke mu na mo akpangbara têne so mbi su atënë ti *Ndia na le ni titene mo fa na azo ti Israel.”

Sigingo 25:22

Na ndo so laa mbi yeke wara tere na mo, na ndö ti ye ti kangango na yanga ti sanduku ni, na popo ti asheruben use so. Na ndo so laa mbi yeke mu yanga na mo ndali ti azo ti Israel.”

Sigingo 29:42

So ayeke sandaga so a yeke gbi ni kue na wâ si ala yeke ya ni na dawa ti mbi ngu na ngu, kpu na kpu na yanga ti da ti bongo so mbi KOTA GBIA, mbi na azo ti mbi e yeke tere daa. Na ndo so laa mbi yeke wara ala daa ti tene tënë na mo.

Sigingo 3:4

So KOTA GBIA abaa atene, Moïse angoro ti baa ye ni so, na ya ti kete keke ti ki ni kâ, Nzapa airi lo: “Moïse, Moïse!” Moïse ayeda, atene: “Mbi laa!”

Sigingo 33:7

Na ndembe so azo ti Israel ayeke sara bâbâ ti ala lakue, Moïse ayeke gbara da ti bongo ni yongoro na bâbâ ni. Lo di iri ni “da ti bongo so KOTA GBIA na azo ti lo ayeke wara tere daa.” Tongaso, azo so kue aye ti hunda KOTA GBIA na mbeni tënë, ala yeke sigigi na ya ti bâbâ ni si ala yeke gue na da ti bongo ni.

Sigingo 39:32

Lege so akua kue ti sarango da so Nzapa ayeke duti daa, da ti bongo so Nzapa na azo ti lo ayeke wara tere daa ahunzi na ni laa. Azo ti Israel asara ye ni alingbi gi na yanga so KOTA GBIA amu lani na Moïse.

Sigingo 40:29

Lo zia na yanga ti da ti bongo so Nzapa na azo ti lo ayeke wara tere daa gbalaka so a yeke ya na ndö ni *sandaga so a yeke gbi ni kue na wâ. Lo ya na ndö ni sandaga so a yeke gbi ni kue na wâ na sandaga ti ale ti kobe, alingbi na yanga so KOTA GBIA amu lani na Moïse.

Awayango-sandaga 7:38

KOTA GBIA amu andia so na Moïse na ndö ti hoto ti Sinai, na benyama, na lango so lo mu yanga na azo ti Israel ti ga na asandaga ti ala na KOTA GBIA.

Awayango-sandaga 9:16

Anyama use ti sandaga so a yeke gbi ni kue na wâ so, lo ya ni alingbi na lege ti ndia ni.

Wungo ti azo 1:1

Na kozo lango ti use nze ti use ngu ni, na peko ti so azo ti Israel asigigi na kodro ti Ezipte si ala yeke na ya ti benyama ti Sinai, *KOTA GBIA atene tënë na Moïse na ya ti da ti bongo so KOTA GBIA na azo ti lo ayeke wara tere daa. Lo tene na Moïse:

Wungo ti azo 7:15

Lo mu koli-bagara oko, koli-taba oko, kete taba oko ti ngu oko ndali ti sandaga so a yeke gbi ni kue na wâ.

Wungo ti azo 7:89

Na ndembe so Moïse ali na ya ti da ti bongo so KOTA GBIA na azo ti lo ayeke wara tere daa, ti tene tënë na KOTA GBIA, Moïse ama mbeni go so ayeke tene tënë na lo. Go ni alondo na nduzu, na popo ti *asheruben use, na ndö ti *ye ti kangango na yanga ti sanduku ti mbuki. Asheruben ni ayeke na ndö ti sanduku so a zia na ya ni atêne so a su atënë ti mbuki na le ni. Tongaso lo yeke tene tënë na lo.

Jean 1:17

Nzapa amu ando *Ndia na e na lege ti Moïse, me nzoni be na taa-tënë aga na lege ti Jésus Christ.

Ndia ti fani use ni 27:6

Ala yeke mu gi atêne so a de tere ni pepe ti sara na gbalaka ni ndali ti KOTA GBIA Nzapa ti ala. Na ndö ti gbalaka so, ala yeke ya *asandaga so a yeke gbi ni kue na wâ na KOTA GBIA Nzapa ti ala.