Awatokua 9:42 - Mbeti ti Nzapa - Tënë so amu fini

⁴² Tënë ni amu ya ti Zope kue si azo mingi ama na be na Kota Gbia.

Awatokua 9:42 ပူးပေါင်းရင်းမြစ်များ

2 Mbai 2:16

Salomon adiko wungo ti awande so kue ayeke na Israel, ala so babâ ti lo David adiko ala lani awe so; wungo ti ala kue ayeke 153 600.

Jonas 1:3

Me Jonas alondo ti lo ti kpe ti gue na Tarsis, yongoro na le ti KOTA GBIA. Lo gue, lo si na Zafa. Kâ, lo wara mbeni mangboko so ayeke gue na Tarsis. Lo futa mangboko ni si lo na azo ti ya ni kue alondo ti gue na Tarsis, yongoro na le ti KOTA GBIA.

Jean 11:4

So Jésus ama tënë ni, lo tene: “Kobela ti Lazare so ayeke fâ lo pepe; me ayeke sara si azo agonda Nzapa. Na lege ti kobela so si azo ayeke gonda ande Molenge ti Nzapa.”

Jean 11:45

Azuife mingi so aga ti baa Marie, so ala baa ye so Jésus asara, ambeni mingi ama na be na lo.

Jean 12:11

ngbanga ti so ndali ti lo, azuife mingi azia akota wayango-sandaga si ala ma na be na Jésus.

Jean 12:44

Jésus atene na kota go, atene: “Zo so ama na be na mbi, lo ma na be gi na mbi pepe, me lo ma na be nga na lo so atokua mbi.

Awatokua 10:5

Fadeso, mo tokua ambeni zo na Zope ti iri mbeni koli so iri ti lo Simon, mbeni iri ti lo ayeke Pierre.

Awatokua 10:8

Lo fa na ala peko ti ye so kue asi si lo tokua ala na Zope.

Awatokua 11:13

Lo fa na e lege so lo baa *ange aluti na da ti lo si atene na lo: ‘Tokua mbeni zo na Zope ti iri Simon, so mbeni iri ti lo ayeke Pierre.

Awatokua 11:21

Ngangu ti Kota Gbia ayeke na ala, nilaa azo mingi ama na be si ala kiri na mbage ti Kota Gbia.

Awatokua 11:5

“Mbi yeke sambela na gbata ti Zope si mbeni ye asi na mbi na ya ti mbeni ye tongana bango-li. Mbi baa mbeni ye so akpa kota mapia-bongo so a gbu ayanga ni osio, alondo na nduzu si a zu na sese; ye ni aga aluti na tere ti mbi.

Awatokua 9:35

Azo ti Lida kue nga na azo ti lando ti Saron abaa lo si ala kiri na mbage ti *Kota Gbia.

Awatokua 9:36

Na gbata ti Zope, mbeni wali ayeke daa so ayeke disiple ti Jésus, iri ti lo ayeke Tabita. Iri ti lo na yanga ti greke ayeke Dorkas, nda ni atene “Dengbe”. Lo mu ngoi ti lo kue ti sara anzoni ye na azo, ti mu maboko na azo ti mawa.

Awatokua 9:38

Gbata ti Zope ayo na gbata ti Lida pepe. So adisiple ti Zope ama a tene, Pierre ayeke na Lida, ala tokua azo use na lo, atene: “Mo ga hio na e ge si!”

Awatokua 9:43

Pierre angba na Zope aninga, na da ti mbeni zo so a iri lo Simon; lo yeke zo ti sarango kua ti poro ti nyama.

Josué 19:46

ngu ti Yarkon, Rakon na sese so ayeke na tere ti Zafa.