Awatokua 9:40 - Mbeti ti Nzapa - Tënë so amu fini

⁴⁰ Pierre ahunda na azo ni kue ti sigigi; lo kuku na sese, lo sambela. Na pekoni, lo baa ndo na mbage ti kuâ ni si lo tene: “Tabita, londo!” Wali ni azi le ti lo si na bango Pierre, lo londo, lo duti na nduzu.

Awatokua 9:40 ပူးပေါင်းရင်းမြစ်များ

2 Agbia 20:11

Tongaso wayanga-Nzapa Ésaïe avoro KOTA GBIA si KOTA GBIA akiri na gbe ti de ni na peko alingbi na bingo gere baleoko; so ti tene na ndö ti eskalie ti Ahaz.

Matthieu 6:6

Ti mo, tongana mo ye ti sambela, mo li na ya ti kubu ti mo, mo kanga yanga ti kubu ni si mo sambela Babâ ti mo so zo ayeke baa lo pepe. Fade Babâ ti mo so ayeke baa ye so mo yeke sara na hondengo ni ayeke mu na mo ye ti peko ni.

Matthieu 9:25

So ala tumba azo ni kue na gigi awe, Jésus ali na ya ti da ni; lo gbu maboko ti molenge-wali ni si molenge-wali ni azingo.

Marc 9:25

Jésus abaa gba ti azo so ayeke kpe ti ga na tere ti ala; lo suku ngangu na sioni yingo so, lo tene: “Mo, yingo so mo yeke kanga yanga na mê ti zo: sigigi na ya ti molenge so! Kiri mo li na ya ti lo pepe!”

Nzoni Tënë so Luc asu na mbeti 22:41

Na pekoni, lo londo na tere ti ala, lo gue yongoro alingbi na ndo so tongana zo abi têne, ati daa. Lo kuku na sese, lo sambela,

Nzoni Tënë so Luc asu na mbeti 8:54

Me Jésus agbu maboko ti molenge ni, lo iri lo, lo tene: “Molenge ti mbi, londo!”

Awatokua 20:36

Na peko ti atënë so, Paul akuku si lo na ala kue asambela.

Awatokua 21:5

Me so lango ti e na ndo so ahunzi awe, e londo ti hon. Adisiple ni kue, ala na awali ti ala na amolenge ti ala ague, azia e na lege ngbii asi na yanga ti gbata ni. E kuku na yanga ti kota ngu-ingo ni si e sambela.

Awatokua 28:8

Babâ ti Publius ayeke na gbogbo; lo yeke na kobela ti wâ ti tere si lo yeke sasa na mene. Paul ague, abaa lo, lo zia maboko na ndö ti lo, lo sambela si kobela ti lo akai.

Awatokua 7:60

Na pekoni, lo kuku na sese si lo dekongo ngangu, lo tene: “Kota Gbia, zi siokpari so na li ti ala!” Na peko ti tënë so, lo kui.