Awatokua 9:22 - Mbeti ti Nzapa - Tënë so amu fini

²² Me Saul ayeke kpengba lakue na lege ti fango tënë; lo yeke fa biani so Jésus ayeke *Mesii. Nilaa azuife ti Damas ahinga tënë so ala lingbi ti kiri ni na lo pepe.

Awatokua 9:22 ပူးပေါင်းရင်းမြစ်များ

Tongo nda ti aye 49:24

Me lo gbu kokora ti lo lakue ngangu, maboko ti lo angba daa ngangu na lege ti ngangu ti Nzapa, lo so lo yeke ngangu Nzapa ti Jacob, Nzapa so ayeke tongana wabatango-taba, wala tongana têne so ayeke bata azo ti Israel.

Mbeti ti Job 17:9

Ala yeke tene: “Ayeke nzoni zo ti mbirimbiri angba gi na lege ti sarango ye ti lo; zo so maboko ti lo avuru, ayeke nzoni lo kiri lo gbu ngangu ahon ti kozoni!”

Abia (Psaumes) 51:13

Mo tumba mbi yongoro na le ti mo pepe; Yingo-Vuru ti mo so ayeke na mbi so, mo zi ni pepe.

Abia (Psaumes) 84:7

Tongana ala hon na popo-hoto ti Baka so ahole holengo, ala sara si ngu asigigi daa; akozo ngu-Nzapa asara si nzoni ye amu ndo ni kue.

Ésaïe 40:29

Zo so awoko awe, lo yeke mu ngangu na zo ni; zo so ngangu ti lo ahunzi kue, lo yeke kiri ngangu na lo.

Nzoni Tënë so Luc asu na mbeti 21:15

Biani, fade mbi wani, mbi yeke mu na ala tënë ti tenengo ni na ndara so awato ti ala alingbi pepe ti dekite na ni wala ti ke ni.

Awatokua 17:3

lo fa nda ni na ala si lo fa nga na azo ni, lo tene: “Alingbi *Mesii abaa pasi, lo zingo na kuâ. Jésus so mbi yeke fa tënë ti lo so, lo laa lo yeke Mesii ni.”

Awatokua 18:5

So Silas na Timothée alondo na Masedoane asi awe, Paul amu ngoi ti lo kue ti fa tënë ti Nzapa; lo yeke fa na azuife atene, Jésus ayeke *Mesii biani.

Awatokua 28:23

Ala na Paul afa mbeni lango si na lango ni so, ala ga mingi awara lo na ndo so lo yeke lango daa. Ti londo na ndaperere ngbii asi na lakui, Paul afa tënë: lo fa ye so lo hinga na ndö ti *Kodro-gbia ti Nzapa si lo yeke gi lege kue titene ala yeda na tënë ti Jésus. Lo mu *Ndia ti Moïse na ambeti ti awayanga-Nzapa si lo yeke fa na tënë ni.

Awatokua 9:20

Gi hio na pekoni, lo gue na ya ti ada ti sambelango Nzapa si lo to nda ti fa tënë atene, Jésus ayeke Molenge ti Nzapa.

Awatokua 9:21

Azo so kue ama lo, li ti ala akpe si ala hunda ndo, atene: “Koli so laa, na Jérusalem, ayeke sara lani ngangu na azo so ayeke di iri ti Jésus so pepe? Lo ga ge gi ti gbu ala, ti kanga ala, ti kiri na ala na akota wayango-sandaga pepe?”

Awatokua 9:23

Lango mingi na pekoni, azuife ama tere ti fâ lo.

Awatokua 9:27

Na pekoni, Barnabas amu Saul na tere ti lo si lo gue na lo na popo ti *awatokua. Barnabas afa na ala lege so Saul abaa *Kota Gbia na lege ti Damas nga na lege so Kota Gbia atene tënë na Saul. Lo fa nga na ala lege so Saul afa tënë na iri ti Jésus na Damas na mbeto pepe.

1 Korente 1:27

Me Nzapa asoro ye so azo ti dunia so abaa na le ti ala tongana ye ti buba ti zia kamene na le ti azo ti ndara; lo soro ye so azo ti dunia so abaa na le ti ala tongana ye so ayeke na ngangu pepe ti zia kamene na le ti azo ti ngangu.

Galasii 1:18

Ngu ota na pekoni, mbi gue na Jérusalem ti baa Pierre titene e na lo, e hinga tere. Mbi ngba na ndo ti lo lango baleoko na oku.

Filipe 4:13

Mbi lingbi ti sara aye so kue, ngbanga ti so Christ laa amu na mbi ngangu.

1 Timothée 1:12

Mbi mu singila mingi na Jésus Christ, *Kota Gbia ti e, ndali ti so lo mu na mbi ngangu, lo baa mbi tongana zo so lo lingbi ti zia be ti lo na ndö ti lo, nilaa lo mu mbi na kua ti lo.