Awatokua 9:21 - Mbeti ti Nzapa - Tënë so amu fini

²¹ Azo so kue ama lo, li ti ala akpe si ala hunda ndo, atene: “Koli so laa, na Jérusalem, ayeke sara lani ngangu na azo so ayeke di iri ti Jésus so pepe? Lo ga ge gi ti gbu ala, ti kanga ala, ti kiri na ala na akota wayango-sandaga pepe?”

Awatokua 9:21 ပူးပေါင်းရင်းမြစ်များ

Abia (Psaumes) 51:13

Mo tumba mbi yongoro na le ti mo pepe; Yingo-Vuru ti mo so ayeke na mbi so, mo zi ni pepe.

Abia (Psaumes) 71:7

Azo mingi abaa mbi tongana mbeni ye ti dongo be, me mo yeke tongana ngangu gbagba so mbi kpe daa ti bata tere ti mbi.

Ésaïe 8:18

Mbi na amolenge so KOTA GBIA amu na mbi, e yeke tongana mbeni ye so ayeke fa ye so ayeke si na Israel. E yeke tongana ye ti kpene ndali ti KOTA GBIA so ayeke na ndö ti aye kue, lo so lo yeke duti na ndö ti hoto ti *Sion.

Zakarii 3:8

“Yeshua, kota wayango-sandaga, mo ma mbi! Ala awayango-sandaga, ala so ala na lo ayeke sara kua so, ala ma mbi! Biani, ala awayango-sandaga, ala yeke tongana ye so ayeke fa na azo tënë ti mbeni ye so ayeke si ande. Mbi yeke sara si zo ti kua ti mbi aga, lo so iri ti lo ayeke ‘Kete keke so asigigi’.

Wungo ti azo 23:23

Tënë ti sarango yoro ayeke na popo ti azo ti Jacob pepe, tënë ti bango nda ti aye ayeke na popo ti azo ti Israel pepe. Na ngoi so alingbi, fade a yeke tene na azo ti Jacob nga na azo ti Israel ye so kue Nzapa ayeke sara.

Awatokua 2:12

So li ti ala kue akpe si ala hinga li ti ala na ye ni pepe, ala hunda tere ti ala, atene: “So aye ti tene nyen?”

Awatokua 2:6

So ala ma go ti azo ni, ala ga abongbi tere ti ala gbani gbani. Li ti azo ni aga kirikiri, ngbanga ti so zo oko oko ayeke ma azo ti Jésus so ayeke tene tënë taa na yanga ti kodro ti lo.

Awatokua 3:10

So azo ahinga atene, koli so ayeke kozoni na tere ti Pendere-yanga-da ti iri ye na maboko ti azo so laa, be ti ala ado, li ti ala kue akpe ngbanga ti ye so asi na lo.

Awatokua 4:13

So azo ti fango ngbanga ni abaa Pierre na Jean ayeke tene tënë na mbeto pepe si ala hinga nga atene, ala yeke gi asenge zo so amanda mbeti pepe, li ti ala kue akpe. Ala hinga atene, akoli so ayeke ando na tere ti Jésus.

Awatokua 7:59

So ala yeke bo Étienne na têne, lo sambela, lo tene: “*Kota Gbia Jésus, mu yingo ti mbi!”

Awatokua 8:3

Andaa Saul angba ti lo lakue ti buba *Eglize. Lo yeke li na ya ti ada ti gbu akoli na awali si lo yeke bi ala na da ti kanga.

Awatokua 9:22

Me Saul ayeke kpengba lakue na lege ti fango tënë; lo yeke fa biani so Jésus ayeke *Mesii. Nilaa azuife ti Damas ahinga tënë so ala lingbi ti kiri ni na lo pepe.

2 Tesalonike 1:10

na ndembe so lo yeke ga. Fade azo ti lo ayeke gonda lo, azo so kue ama na be ayeke baa lo na ngia. Ala nga, a-ita, fade ala yeke duti na popo ti azo ni, ngbanga ti so ala ma na be na tënë so e fa.

1 Jean 3:1

Ala baa yengo so Babâ aye na e! Lo ye e ahon ndoni, ndani laa, a yeke iri e amolenge ti Nzapa. Biani, e yeke amolenge ti lo! Me azo ti dunia so ahinga e pepe, ngbanga ti so ala hinga Nzapa pepe.