Awatokua 9:15 - Mbeti ti Nzapa - Tënë so amu fini

¹⁵ Me Kota Gbia atene na lo: “Gue, ngbanga ti so mbi soro koli so ti sara kua ti mbi, ti sara si amara nde, na agbia na azo ti Israel ahinga iri ti mbi.

Awatokua 9:15 ပူးပေါင်းရင်းမြစ်များ

Jérémie 1:5

“Kozo titene mbi sara mo na ya ti mama ti mo, mbi hinga mo. Kozo titene mo sigigi na ya ti mama ti mo, mbi zia mo nde ndali ti mbi. Mbi zia mo nde titene mo duti zo ti tenengo peko ti atënë ti yanga ti mbi na amara nde.”

Jérémie 1:7

Me KOTA GBIA atene na mbi: “Mo tene pepe: ‘Mbi de maseka mingi.’ Fade mo yeke gue na mbage ti azo so kue mbi yeke tokua mo na ala; mo yeke tene na ala atënë so kue mbi mu yanga na mo ti tene.

Matthieu 10:18

Fade azo ni ayeke mu ala ti gue na ala na gbe ti akomanda na agbia ndali ti mbi si ala, adisiple ti mbi, ala yeke tene ye so ala hinga na ndö ti mbi na azo ni nga na azo ti amara nde.

Jean 15:16

Ala laa asoro mbi pepe, me mbi laa mbi soro ala; mbi zia ala titene ala gue ti le mingi si lengo ti ala angba lakue. Tongaso, fade Babâ ayeke mu na ala ye so kue ala hunda na lo na iri ti mbi.

Awatokua 13:2

Mbeni lâ, so ala bongbi ti voro *Kota Gbia si ala ke kobe ti sambela, Yingo-Vuru atene na ala: “Ala zia Barnabas na Saul nde ndali ti mbi titene ala sara kua so mbi iri ala ndali ni.”

Awatokua 21:19

Paul abara ala si lo fa na ala na yanga ni, na yanga ni aye so Nzapa asara na lege ti lo na popo ti azo ti amara nde.

Awatokua 22:14

Lo tene na mbi: ‘Nzapa ti akotara ti e asoro mo titene mo hinga ye so lo ye, mo baa Jésus, zo ti mbirimbiri si mo ma nga tënë so lo yeke tene na yanga ti lo wani.

Awatokua 22:21

Kota Gbia atene na mbi: ‘Mo gue, ngbanga ti so mbi yeke tokua ande mo yongoro na mbage ti azo ti amara nde!’ ”

Awatokua 25:22

Agripa atene na Festus: “Mbi nga, mbi ye ti ma koli so.” Festus akiri tënë, atene: “Mo yeke ma lo kekereke.”

Awatokua 26:1

Agripa atene na Paul: “Mbi mu na mo lege titene mo fa nda ti tënë ti mo.” Tongaso Paul asara maboko ti lo si lo to nda ti fa nda ti tënë ti lo, lo tene:

Awatokua 26:32

Agripa atene na Festus: “Tongana koli so ahunda fade ti gue na gbe ti kota gbia ti Rome pepe, ka a lingbi ti zi lo senge.”

Awatokua 27:24

si lo tene na mbi: ‘Paul, mbeto asara mo pepe! Alingbi mo gue, mo si na gbe ti kota gbia ti Rome titene lo fâ ngbanga ti mo. Ndali ti mo, fade Nzapa ayeke bata azo so kue ayeke na ya ti mangboko ni.’

Awatokua 28:17

Lango ota na pekoni, Paul airi amakonzi ti azuife ti Rome ti ga na ndo ti lo. So ala bongbi tere ti ala awe, lo tene na ala: “A-ita, ataa so mbi sara mbeni sioni ye na azo wala mbi ke nga lege ti aye ti akotara ti e pepe, a gbu mbi na Jérusalem si a zia mbi na maboko ti azo ti Rome.

Awatokua 28:28

Paul akiri atene: “Ayeke nzoni ala hinga atene, Nzapa atokua tënë ti songo zo na kuâ na azo ti amara nde. Ti azo ni so, fade ala yeke ma tënë ni!” [

Rome 1:1

Mbi Paul, zo ti kua ti Jésus Christ, mbi yeke *watokua so Nzapa airi mbi si lo zia mbi nde titene mbi fa Nzoni Tënë ti lo na azo.

Rome 1:5

Na lege ti lo, Nzapa asara nzoni be na mbi si mbi ga watokua ndali ti iri ti Christ, ti sara si azo ti dunia kue ama na be na Jésus Christ si ala sara ye alingbi na tënë ti lo.

Rome 11:13

Ala so ayeke azo ti amara nde, fadeso mbi yeke tene tënë na ala: mbi wani, mbi yeke *watokua ti azo ti amara nde. Mbi yeke gonda kua ti mbi ni,

1 Korente 15:10

Me ndali ti nzoni be ti Nzapa, mbi ga zo so ala yeke baa lo laso so; nzoni be so Nzapa asara na mbi, peko ni angba senge pepe. Mbi sara kua ahon atanga ti awatokua kue, andaa mbi laa mbi sara kua ni pepe, me Nzapa so ayeke na mbi laa asara kua ni na lege ti nzoni be ti lo.

1 Korente 9:16

Ndali ti fango Nzoni Tënë so mbi yeke fa, mbi lingbi ti pika kate ti mbi pepe. Fango Nzoni Tënë ayeke ye so Nzapa amu na mbi yanga ti sara. Mawa na mbi tongana mbi fa Nzoni Tënë ni pepe!

Galasii 1:1

Mbi Paul laa mbi tokua mbeti so; azo laa airi mbi ti ga *watokua pepe. So Nzapa airi mbi ti ga watokua, mbi ma tënë ni na yanga ti mbeni zo pepe, me na yanga ti Jésus Christ wani, lo na Nzapa Babâ so azingo lo na popo ti akuâ.

Efeze 3:1

Ndani laa mbi Paul, mbi yeke sambela Nzapa ngbanga ti ala. Mbi yeke na da ti kanga ndali ti Jésus Christ ngbanga ti ala, azo ti amara nde.

1 Timothée 2:7

Ndali ti tënë so, Nzapa azia mbi zo ti fango tënë nga *watokua ti lo. Mbi yeke nga zo ti fango nda ti tënë ti mabe na azo ti amara nde si mbi yeke fa nga nda ti taa-tënë. Mbi yeke tene taa-tënë, mbi yeke tene mvene pepe.

2 Timothée 1:11

Ndali ti fango Nzoni Tënë so laa Nzapa azia mbi *watokua na zo ti fango nda ti tënë ti lo na azo.

2 Timothée 2:4

Zo so ali na kua ti turugu, tongana lo ye titene kota zo ti lo agonda lo, lo yeke zia be ti lo pepe na akua ti asenge zo.

Aye so Nzapa afa 17:14

Fade ala yeke tiri na Molenge ti Taba, me Molenge ti Taba ayeke hon ndö ti ala, ngbanga ti so lo yeke Kota Gbia ti akota gbia si lo yeke Gbia ti agbia. Lo na azo so lo iri ala, lo soro ala si ala yeke azo ti lo, ala yeke hon ndö ti agbia baleoko so.”