Awatokua 8:39 - Mbeti ti Nzapa - Tënë so amu fini

³⁹ So ala sigigi na ya ti ngu ni awe, Yingo ti Kota Gbia amu Philippe ahon na lo si mbaiwa ni akiri abaa lo pepe. Lo mu lege ti gue na ngia na be ti lo.

Awatokua 8:39 ပူးပေါင်းရင်းမြစ်များ

1 Agbia 18:12

Me gi so mbi yeke zia mo ti hon, fade yingo ti KOTA GBIA ayeke mu mo ti hon na mo na mbeni ndo so mbi hinga pepe. Ti mbi, mbi yeke gue ti tene tënë ni na Akab; tongana lo wara mo pepe, fade lo yeke fâ mbi. Andaa ti londo na ngoi so mbi de molenge ngbii asi laso, mbi zo ti kua ti mo, mbi yeke kpe mbeto ti KOTA GBIA mingi.

2 Agbia 2:16

Ala tene na lo: “Na popo ti e, azo ti kua ti mo, angangu koli baleoku ayeke daa. Tongana mo ye, ala gue, agi kota zo ti mo. E hinga pepe, yingo ti KOTA GBIA amu lo, abi lo na li ti mbeni hoto wala abi lo na mbeni popo-hoto.” Me Élisée atene: “Ala tokua zo oko pepe.”

Abia (Psaumes) 119:111

Aye so mo hunda na mbi aga ye ti mbi biani biani; aye ni ayeke zia ngia na be ti mbi.

Abia (Psaumes) 119:14

Ngia so mbi yeke na ni tongana mbi sara aye so mo hunda na mbi ahon ngia so mbi yeke na ni tongana mbi wara gba ti mosoro.

Ésaïe 61:10

Mbi yeke na ngia mingi ndali ti *KOTA GBIA. Be ti mbi asi singo na ngia ndali ti Nzapa ti mbi. Biani, lo soo mbi na kuâ si aga tongana bongo ti matanga na tere ti mbi. Lo yu mbirimbiri na tere ti mbi tongana kota bongo. Mbi kpa koli so amu wali na fini ni si lo zia kpoto ti gbia na li ti lo tongana ti wayango-sandaga, wala wali so amu koli na fini ni si lo yu aye ti pendere.

Ezekiel 11:1

Yingo ti *KOTA GBIA ayo mbi na nduzu si ague na mbi na yanga ti kota da ti Nzapa ti mbage ti To. Taa na yanga ti da ni, akoli baleuse na oku ayeke kâ. Na popo ti ala, mbi baa amakonzi use ti azo, Yazania, molenge ti Azur, na Pelatia, molenge ti Benaya.

Ezekiel 11:24

Gi na ya ti oko ye so mbi baa na ya ti mbeni ye tongana bango-li, yingo ti Nzapa amu mbi na nduzu; lo kiri na mbi na Babilone na tere ti azo ti Israel so a gbu ala si a gue na ala kâ so. Tongaso, ye so mbi baa na ya ti mbeni ye tongana bango-li so, alondo na ndö ti mbi ahon.

Ezekiel 37:1

Maboko ti *KOTA GBIA agbu mbi, yingo ti lo ague na mbi si azia mbi na ndo so ayeke na popo-hoto; abio asi singo daa.

Ezekiel 43:5

Tongaso, yingo ti Nzapa ayo mbi, ague na mbi na ya ti gbagba ti kota da ni ti ya ni. Mbi baa gonda ti KOTA GBIA asi singo na ya ti kota da ni.

Ezekiel 8:3

Lo yoro mbeni ye so akpa maboko si lo gbu mbi na kua ti li ti mbi. Tongaso, na ya ti mbeni ye tongana bango-li so alondo na Nzapa, yingo amu mbi ahon na mbi na nduzu na popo ti yayu na sese; na pekoni lo gue na mbi na Jérusalem. Mo ye ti baa, mbi yeke na yanga ti gbagba ti gbata ni, na mbage ti ya ni; yanga ti gbagba ni abaa ndo na mbage ti Banga, na ndo so a zia yanda daa; so asara si mbanda ti Nzapa alondo biani.

Matthieu 13:44

“*Kodro-gbia ti yayu ayeke tongana mosoro so a honde ni na ya ti yaka. Mbeni zo awara ni si akiri ahonde ni. Be ti lo anzere mingi si lo gue, lo ka aye so kue lo yeke na ni si lo vo yaka so.

Matthieu 3:16

Gi so Jésus awara bateme awe, lo sigigi na ya ti ngu ni. Na ndembe ni so, yanga ti yayu azi, lo baa Yingo ti Nzapa so azu tongana *mbipa si aga na ndö ti lo.

Marc 1:10

Gi so lo londo na ya ti ngu ni ti sigigi, lo baa yanga ti yayu azi si Yingo ti Nzapa azu na ndö ti lo tongana *mbipa.

Awatokua 13:52

Me ti adisiple so ayeke na Antioshe, be ti ala asi na ngia na Yingo-Vuru.

Awatokua 16:34

Tongaso lo mu Paul na Silas, lo gue na ala na da ti lo si lo mu na ala kobe ti te. Be ti lo na azo ti sewa ti lo kue asi na ngia, ngbanga ti so ala ma na be na Nzapa.

Awatokua 8:29

Yingo atene na Philippe: “Mo gue, mo tengbi na pusu ti mbarata so.”

Awatokua 8:38

Lo mu yanga titene pusu ti mbarata ni aluti. Philippe na mbaiwa ni, ala use kue azu na ya ti ngu si Philippe abatize lo.

Awatokua 8:8

Be ti azo ti gbata ni kue ayeke na kota ngia.

Rome 5:2

E ma na be si na lege ti Jésus Christ, Nzapa asara nzoni be na e; e ngba na lege ti nzoni be ti lo ni fadeso. Nilaa be ti e ayeke na ngia ndali ti gonda ti Nzapa so e zia be ti e ti ku ni.

Filipe 3:3

E so, e yeke voro Nzapa na lege ti Yingo ti lo si e yeke gonda tere ti e ndali ti gango so e ga oko na Jésus Christ so, e laa e fâ mbirimbiri ganza; e yeke zia be ti e na ndö ti e wani pepe.

Filipe 4:4

Ala duti na ngia lakue, ngbanga ti so ala ga oko na *Kota Gbia awe! Mbi kiri mbi tene: ala duti na ngia!

Jacques 4:16

Me fadeso, ala yeke pika kate ti ala si ala yeke gonda tere ti ala. Mara ti pikango kate tongaso ayeke nzoni pepe.