Awatokua 8:37 - Mbeti ti Nzapa - Tënë so amu fini

³⁷ Philippe atene: “Tongana mo ma na be biani, mo lingbi ti wara bateme senge.” Mbaiwa ni atene: “Mbi ma na be so Jésus Christ ayeke Molenge ti Nzapa.”]

Awatokua 8:37 ပူးပေါင်းရင်းမြစ်များ

Matthieu 16:16

Simon Pierre akiri tënë: “Mo yeke *Mesii, Molenge ti Nzapa so ayeke na fini.”

Matthieu 28:19

Tongaso, ala gue na ndo ti amara kue, ala sara si ala ga adisiple, ala batize ala na iri ti Babâ, ti Molenge na ti Yingo-Vuru;

Marc 16:16

Zo so ama na be si awara bateme, fade lo yeke soo kuâ, me zo so ama na be pepe, fade a yeke fâ ngbanga na li ti lo.

Jean 11:27

Marthe akiri tënë, atene: “Biani, Kota Gbia! Mbi ma na be so mo yeke *Mesii, Molenge ti Nzapa so aga na dunia so.”

Jean 20:31

Me ti ambeni ye ti kpene so a su tënë ni na mbeti so, a su ni titene ala ma na be so, Jésus ayeke *Mesii, Molenge ti Nzapa. Tongana ala ma na be, fade ala yeke duti na fini na lege ti lo.

Jean 6:68

Simon Pierre akiri tënë na lo: “*Kota Gbia, e yeke gue ti e ande na zo wa? Atënë so ayeke mu na zo fini so angba lakue lakue, ayeke gi na yanga ti mo oko.

Jean 9:35

Jésus ama a tene, ala tumba koli so awe; lo gue, lo wara lo si lo hunda lo, lo tene: “Mo ma na be na *Molenge ti Zo?”

Awatokua 2:38

Pierre akiri tënë na ala: “Ayeke nzoni ala oko oko kue azia ngbene lege ti sarango ye ti ala, ala wara bateme na iri ti Jésus Christ titene Nzapa azi siokpari na li ti ala, tongaso fade Nzapa ayeke mu na ala Yingo-Vuru.

Awatokua 8:12

Me na peko ti so ala ma na be na Nzoni Tënë ti *Kodro-gbia ti Nzapa so Philippe afa na ala na iri ti Jésus Christ, akoli na awali awara bateme.

Awatokua 8:21

Kua so e yeke sara ge so, mbeni ye ti mo oko wala tënë ti mo ayeke daa pepe, ngbanga ti so be ti mo ayeke mbirimbiri na le ti Nzapa pepe.

Awatokua 8:36

So ala ngba na lege ti gue, ala si na ndo so ngu ayeke daa. Mbaiwa ni atene: “Baa, ngu laa; nyen laa akanga lege na mbi ti wara bateme?” [

Awatokua 8:38

Lo mu yanga titene pusu ti mbarata ni aluti. Philippe na mbaiwa ni, ala use kue azu na ya ti ngu si Philippe abatize lo.

Awatokua 9:20

Gi hio na pekoni, lo gue na ya ti ada ti sambelango Nzapa si lo to nda ti fa tënë atene, Jésus ayeke Molenge ti Nzapa.

Rome 10:10

Biani, tongana zo ama na be, lo ga mbirimbiri; tongana lo tene tënë ni na yanga ti lo, lo yeke soo kuâ.

1 Korente 12:3

Ndani laa, mbi tene na ala: zo so Yingo ti Nzapa ayeke tene tënë na lege ti lo, lo lingbi ti tene sioni tënë na iri ti Jésus pepe. Tongana Yingo-Vuru ayeke na zo pepe, zo ni alingbi ti tene pepe: “Jésus ayeke *Kota Gbia”.

1 Pierre 3:21

So ayeke limo ti bateme so ayeke soo ala fadeso. Bateme ni ayeke ye ti sukulango zende na tere ti zo pepe, me ayeke ti hunda na Nzapa titene mbeni ye ti sioni aduti na be ti zo ni pepe. Bateme ni ayeke soo ala na kuâ, ngbanga ti so Jésus Christ azingo na kuâ awe.

1 Jean 4:15

Zo so atene na yanga ti lo atene, Jésus ayeke Molenge ti Nzapa, lo na Nzapa angba ti duti oko biani.

1 Jean 5:1

Zo so kue ama na be so Jésus ayeke Christ, lo yeke molenge ti Nzapa; zo so kue aye Nzapa Babâ, lo ye nga amolenge ti lo.

1 Jean 5:10

Zo so ama na be na Molenge ti Nzapa, tënë so Nzapa atene so ayeke na be ti lo. Zo so ake ti yeda na tënë so Nzapa atene, lo mu Nzapa tongana zo ti mvene, ngbanga ti so lo ke ti yeda na tënë so Nzapa atene na ndö ti Molenge ti lo.

1 Jean 5:5

Zo wa laa ahon ndö ti dunia so na ngangu? Gi zo so ama na be so Jésus ayeke Molenge ti Nzapa.