Awatokua 8:32 - Mbeti ti Nzapa - Tënë so amu fini

³² Kamba ti tënë so lo yeke diko so atene: “A gue na lo tongana mbeni taba so azo ayeke gue na lo na ndo ti fango anyama; a gue na lo tongana molenge ti taba so ayeke buburu na gbe ti zo so ayeke fâ kua ti tere ti lo. Lo zi yanga ti lo oko pepe.

Awatokua 8:32 ပူးပေါင်းရင်းမြစ်များ

Abia (Psaumes) 39:2

Mbi tene lani, mbi tene: “Fade mbi yeke bata lege ti mbi nzoni si mbi tene atënë ti sioni pepe. Fade mbi yeke zi yanga oko pepe tongana mbeni zo ti sioni ayeke luti na dawa ti mbi.”

Abia (Psaumes) 39:9

Zi mbi na ya ti asiokpari ti mbi kue; mo zia lege pepe na abuba zo ti zonga mbi.

Jérémie 11:19

Ti mbi, mbi yeke tongana molenge ti taba so a yeke gue na lo na ndo ti fango anyama. Mbi hinga pepe mbi tene, sioni mayere ti ala so ayeke ndali ti mbi. Ala tene: “E buba keke ni na ngangu ni kue! E zi lo na popo ti azo so ayeke na fini, e sara si zo oko akiri adabe na iri ti lo pepe!”

Jérémie 12:3

Ti mbi KOTA GBIA, mo hinga mbi, mo baa mbi, mo hinga so be ti mbi ayeke nduru na mo. Ti azo ti sioni, ayeke nzoni mo zia ala na mbage tongana ataba so a bata ala ti gue na ala na ndo ti fango anyama. Ayeke nzoni mo zia ala nde ti ku na lango ti fango ala.

Jérémie 51:40

Mbi yeke gue na ala na ndo ti fango ala tongana ti so zo ague na akete taba, akoli-taba na akoli-ngasa na ndo ti fango ala.”

Wungo ti azo 7:39

Lo mu koli-bagara oko, koli-taba oko, kete taba oko ti ngu oko ndali ti sandaga so a yeke gbi ni kue na wâ.

Wungo ti azo 7:57

Lo mu koli-bagara oko, koli-taba oko, kete taba oko ti ngu oko ndali ti sandaga so a yeke gbi ni kue na wâ.

Nzoni Tënë so Luc asu na mbeti 23:34

Jésus atene: “Babâ, zi tënë na li ti ala, ngbanga ti so ala hinga ye so ala yeke sara pepe.” Ala bi *dee titene ala kangbi ya ti bongo ti lo na popo ti ala.

Jean 1:29

Lango oko na pekoni, Jean abaa Jésus so ayeke ga na mbage ti lo si lo tene: “Baa, Kete Taba ti Nzapa so ayeke zi siokpari na li ti azo ti dunia laa!

Awatokua 8:31

Koli ni akiri tënë, atene: “So mbeni zo ti fa nda ni na mbi ayeke daa pepe so, mbi lingbi ti ma ya ni tongana nyen?” Lo hunda na Philippe ti duti na tere ti lo na ndö ti pusu ti mbarata ni.

Rome 8:36

Tongana ti so Mbeti ti Nzapa atene: “Lakue, ti londo na ndaperere ngbii asi na lakui, azo ayeke gi e ti fâ e ndali ti mo; azo ayeke baa e tongana ataba so a yeke gue na ala na ndo ti fango ala.”

1 Korente 15:3

Kozo ye so mbi fa na ala ayeke tënë so mbi wani, mbi ma: Christ akui ndali ti siokpari ti e tongana ti so Mbeti ti Nzapa atene.

1 Pierre 1:19

me ye so azi ala ayeke mene ti Christ so ayeke ye ti kota ngere. Christ ayeke tongana molenge ti taba so mbeni mbage ti tere ti lo oko abuba pepe si sioni ye oko ayeke na tere ti lo pepe.