Awatokua 8:31 - Mbeti ti Nzapa - Tënë so amu fini

³¹ Koli ni akiri tënë, atene: “So mbeni zo ti fa nda ni na mbi ayeke daa pepe so, mbi lingbi ti ma ya ni tongana nyen?” Lo hunda na Philippe ti duti na tere ti lo na ndö ti pusu ti mbarata ni.

Awatokua 8:31 ပူးပေါင်းရင်းမြစ်များ

2 Agbia 5:26

Élisée atene na lo: “Na ndembe so mbeni zo alondo hio na ndö ti pusu ti ambarata ti lo ti ga ti wara mo so, mo hinga, mo tene, mbi yeke fade daa na lege ti yingo pepe? Ngoi titene mo mu abongo wala mo mu nginza ti vo na yaka ti a-olive na ti *vinye laa pepe; wala titene mo vo na ataba, abagara nga na azo ti kua ti koli na ti wali laa pepe!

2 Agbia 5:9

Naaman aga na ambarata ti lo nga na pusu ti mbarata ti lo si lo luti na yanga ti da ti Élisée.

Abia (Psaumes) 73:22

mbi ga buba, mbi hinga nda ti ye ni oko pepe, mbi yeke tongana mbeni nyama na le ti mo.

Ésaïe 35:8

Na ndo so, a yeke suru mbeni lege so a di iri ni “Lege so a zia nde”. Zo ti *sioni oko alingbi ti hon daa pepe, a yeke bata ni ndali ti azo ti KOTA GBIA titene ala tambula daa. Azo ti buba ayeke girisa lege na ndo so pepe.

Marc 10:15

Mbi tene na ala taa-tënë: zo so ayamba Kodro-gbia ti Nzapa tongana molenge pepe, lo yeke li ande na ya ni oko pepe.”

Awatokua 8:30

Philippe akpe, ague si lo wara zo ti Etiopii so ayeke diko mbeti ti wayanga-Nzapa Ésaïe. Lo hunda lo, lo tene: “Mo ma ya ti tënë so mo yeke diko so?”

Awatokua 8:32

Kamba ti tënë so lo yeke diko so atene: “A gue na lo tongana mbeni taba so azo ayeke gue na lo na ndo ti fango anyama; a gue na lo tongana molenge ti taba so ayeke buburu na gbe ti zo so ayeke fâ kua ti tere ti lo. Lo zi yanga ti lo oko pepe.

Rome 10:14

Me fade azo ayeke iri lo titene lo mu maboko na ala tongana nyen so ala ma na be na lo pepe so? Fade ala yeke ma na be na lo tongana nyen so ala ma tënë ti lo pepe so? Fade ala yeke ma tënë ti lo tongana nyen so zo ti fango tënë ti lo na ala ayeke daa pepe so?

1 Korente 3:18

Ayeke nzoni mbeni zo ahanda tere ti lo wani pepe: tongana mbeni zo na popo ti ala abaa ti lo atene, ni yeke na ndara tongana ti azo ti dunia so, ayeke nzoni lo ga zo ti gbogbolinda, tongaso si lo ga taa zo ti ndara.

1 Korente 8:2

Tongana mbeni zo abaa atene ni hinga ye, andaa lo de ti hinga ye alingbi na taa hingango ye pepe.

Jacques 1:10

Alingbi ita so ayeke zo ti mosoro agonda tere ti lo, ngbanga ti so Nzapa akiri na lo na kete ndo. Biani, zo ti mosoro ayeke hon ande tongana kongo ti ngonda.

Jacques 1:21

Ndani laa, ala zia lege ti sarango aye ti potopoto kue nga na lege ti sarango sioni ye kue. Ala yeda na nzoni be na tënë so Nzapa alu na ya ti be ti ala, tënë ni alingbi ti soo ala.