Awatokua 8:30 - Mbeti ti Nzapa - Tënë so amu fini

³⁰ Philippe akpe, ague si lo wara zo ti Etiopii so ayeke diko mbeti ti wayanga-Nzapa Ésaïe. Lo hunda lo, lo tene: “Mo ma ya ti tënë so mo yeke diko so?”

Awatokua 8:30 ပူးပေါင်းရင်းမြစ်များ

Abia (Psaumes) 119:32

Mbi yeke kpe loro na lege so atënë ti ndia ti mo afa, ngbanga ti so mo sara si be ti mbi ade.

Zo ti bongbingo azo 9:10

Kua so kue mo yeke na ngangu ti sara, mo sara ni, ngbanga ti so na ndo ti akuâ so mo yeke gue ande daa, mbeni kua, wala gbungo-li, wala hingango ndo, wala ndara ayeke daa pepe.

Matthieu 13:19

Azo so ama tënë ti *Kodro-gbia ti yayu si ala ma ya ni pepe so, ala yeke tongana tere ti lege so ale ti kobe atuku daa. Sioni wato aga si lo zi ye so a lu na be ti azo ni.

Matthieu 13:23

Ambeni zo ayeke tongana nzoni sese so ale ti kobe atuku daa: ala ma tënë ni si ala ma ya ni nzoni. Ala le nzoni: ambeni ale ngbangbo oko, ambeni ale baleomene si ambeni ale baleota.”

Matthieu 13:51

Jésus ahunda ala, atene: “Ala ma ya ti atënë so kue?” Azo ni ayeda, atene: “E ma ya ni awe.”

Matthieu 15:10

Na pekoni, Jésus airi gba ti azo ni si lo tene na ala: “Ala ma mbi, ala ma ya ti tënë ti mbi nzoni:

Matthieu 24:15

“Ndani laa, fade ala yeke baa ye so iri ni ‘Sioni-kpale-ti-bubango-ndo-kue’ so Daniel, wayanga-Nzapa, atene tënë ni ando so. Sioni kpale ni ayeke duti na ndo so ayeke nde si ayeke nzoni kue. – Mo so mo yeke diko mbeti so, mo gi nda ti ye so nzoni! –

Marc 13:14

“Fade ala yeke baa ye so iri ni ‘Sioni-kpale-ti-bubango-ndo-kue’ so ayeke duti na ndo so sioni kpale ni alingbi fade ti duti daa pepe. (Mo so mo yeke diko mbeti so, mo gi nda ti ye so nzoni!) Tongaso, azo so ayeke na sese ti Judée, alingbi ala kpe ague na li ti ahoto;

Jean 4:34

Jésus atene na ala: “Kobe ti mbi ayeke ti sara ye so be ti lo so atokua mbi aye, ti hunzi kua so lo mu na mbi ti sarango ni.

Jean 5:39

Ala yeke gi nda ti Mbeti ti Nzapa, ngbanga ti so ala baa ti ala atene na lege ni, ala yeke wara fini so angba lakue lakue. Andaa gi Mbeti so laa ayeke tene tënë na ndö ti mbi!

Awatokua 8:27

Lo londo hio si lo gue. Andaa mbeni *mbaiwa ti Etiopii so ayeke kota wabatango-mosoro ti Kandas, gbia-wali ti Etiopii, ague na Jérusalem ti voro Nzapa.

Awatokua 8:29

Yingo atene na Philippe: “Mo gue, mo tengbi na pusu ti mbarata so.”

Awatokua 8:31

Koli ni akiri tënë, atene: “So mbeni zo ti fa nda ni na mbi ayeke daa pepe so, mbi lingbi ti ma ya ni tongana nyen?” Lo hunda na Philippe ti duti na tere ti lo na ndö ti pusu ti mbarata ni.

Awatokua 8:5

Philippe ague na ya ti mbeni gbata ti Samarii si lo fa tënë ti Christ kâ.

1 Korente 14:19

Me tongana mbi yeke na ya ti Eglize, mbi ye ti tene atënë oku so azo alingbi ti ma ya ni ahon titene mbi tene atënë saki baleoko na ambeni yanga nde. Tongaso mbi yeke fa nga ye na atanga ti azo.

Efeze 5:17

Ndani laa, ala duti tongana abuba zo pepe, me ala gi lege ti hinga ye so Kota Gbia aye.

Aye so Nzapa afa 13:18

So ngoi ti dutingo na ndara laa. Zo so ahinga ndo alingbi ti hinga nimoro ti nyama ni, ngbanga ti so ayeke nimoro ti iri ti zo. Nimoro ni ayeke ngbangbo omene na baleomene na omene.