Awatokua 8:23 - Mbeti ti Nzapa - Tënë so amu fini

²³ Biani, mbi baa so sioni nzara ti warango ye asi singo na be ti mo si mo yeke ngbaa ti siokpari.”

Awatokua 8:23 ပူးပေါင်းရင်းမြစ်များ

Mbeti ti Job 20:14

Me ye so lo te so ayeke fun na ya ti lo si ayeke ga sioni ngu ti yanga ti ngbo.

Abia (Psaumes) 116:16

KOTA GBIA, mbi yeke zo ti kua ti mo, mbi yeke zo ti kua ti mo; mama ti mbi ayeke ando zo ti kua ti mo. Mo laa mo fâ ya ti akamba so akanga mbi.

Amato 5:22

Sarango ye ti kirikiri ti zo wani laa akanga lo; siokpari ti lo agbu lo tongana kuku.

Ésaïe 28:22

Fadeso, ala zia lege ti hengo ndo, tongaso pepe, kamba so akanga na ala, ayeke kiri ti kanga ala ngangu. Biani, Kota Gbia NZAPA so ayeke na ndö ti dunia kue atene na mbi atene, lo leke na be ti lo ti buba kodro ni biani biani.

Ésaïe 58:6

Kengo kobe so mbi ye ayeke so: ti zi zingiri na tere ti azo so a kanga ala na mbana, ti zi ala na gbe ti nengo kungba, ti zi azo so amba ti ala asara ngangu na ala, ti fâ ya ti *zuge kue,

Jérémie 4:18

Futa ti lege ti dutingo ti mo na sioni sarango ye ti mo laa mo wara awe so! Ye ni asee, taa-tënë, me so lengo ti sioni ti mo laa! So ali taa mo, agbu bio!”

Jérémie 9:15

Mbi yeke kangbi ala kirikiri na popo ti amara so ala hinga kozoni pepe; ataa ala wani, ataa akotara ti ala ahinga amara ni so pepe. Mbi yeke sara si azo angba ti sara bira na ala ngbii azo ni ahunzi ala kue si.”

Abia ti demango tere 3:19

Dabe ti mo na pasi ti mbi nga na mawa so mbi yeke na ya ni; ye ni aga sengo ye na sioni yoro ti fango zo.

Abia ti demango tere 3:5

Lo leke ngangu gbagba angoro mbi, lo sara si be ti mbi asee sengo, lo sara si pasi ti mbi ahon ndoni.

Jean 8:34

Jésus atene na ala: “Biani, mbi tene na ala taa-tënë: zo so asara siokpari aga ngbaa ti siokpari awe.

Efeze 4:31

Batango zo na be, songo be, ngonzo, dekongo na li ti zo, zongango zo, sarango sioni na zo, alingbi aye tongaso ayeke na popo ti ala mbeni pepe.

Tite 3:3

E nga, e yeke ando azo so li ti e ayeke daa pepe, azo ti ngangu li, azo so agirisa lege. Ando, e mu be ti e kue ti sara aye so anzere na be ti e si nzara ti aye nde nde ahon ndö ti e; e yeke azo ti sioni si e yeke sara kota be na tere ti amba ti e. Azo ayeke ke e; e nga, e yeke ke tere na popo ti e.

Ahebro 12:15

Ala sara hange si mbeni zo ado lege ti nzoni be ti Nzapa azia pepe. Alingbi mbeni zo aga tongana sengo gere ti pere ti ngonda pepe; mara ti zo tongaso ayeke bi wusuwusu na popo ti azo si lo yeke buba li ti ala.

2 Pierre 2:19

Ala yeke mu zendo na azo atene, fade ala yeke zi azo ni na gbe ti ngbaa. Andaa ala wani ayeke angbaa ti aye so ayeke gboto ala ti gue na ala na kuâ, ngbanga ti so zo ayeke ngbaa ti ye so nzara ni ahon ndö ti lo.

2 Pierre 2:4

Biani, *a-ange so asara siokpari ando so, Nzapa azia ala senge tongaso pepe, me lo bi ala na ya ti kota wâ, lo kanga ala na zingiri na ya ti vukongo ndo ti bata ala, ti ku na lango ti fango ngbanga.